Cyrkej je na komunizmje wina była

Składnostnje prěnjeje meje so rady wo socialnej sprawnosći přemysluje, tak čini to tež w Předźenaku monsignore Měrćin Salowski, kiž hladajo na stawizny dźěłaćerskeho hibanja piše: „Wo socialnu sprawnosć je předewšěm cyrkej wojowała.“ Wězo je woprawnjene, na wotpowědne wokolniki bamžow abo skutkow socialnje angažowanych křesćanow skedźbnić, ale historiska wěrnosć je a wostanje: Bjez wulkeho zaprajenja cyrkwjow na socialnopolitiskim polu njeby sylnych komunistiskich mocow a režimow było.

Zo su hač do dźensnišeho tak mjenowane křesćanske dźěłarnistwa w Němskej pjata kolona kapitalistow a zastupjerjo mzdoweho dumpinga, njeje připad, a zo so cyrkwinscy dźěłodawarjo sami po tarifowych zrěčenjach nimaja, njeje přikład. Stawizny cyrkwjow su stawizny kumpanstwa cyrkwinskeje wyšnosće ze statnymi a hospodarskimi mócnarjemi, wšojedne z kajkimi. A hdźež je klóšter kaž w Pančicach sam w stawiznach móc měł, bě wón kruty stołp wuklukowanja ludźi na wsach. To bu hakle njedawno w Serbskich Nowinach dokumentowane.

Bohužel nima monsignore Salowski ze swojej diagnozu prawje, zo je načasna přehnata „rabiatnosć“ kapitalistow na wšěm wina. Kapitalisća su přeco rabiatni byli, wšako maja so na wikach přesadźeć, hdźež płaći prawo sylnišeho. Tohodla su woni samo dźěći dźěłaćerjow wuklukowali, doniž njeje přiběrace dźěłaćerske hibanje tomu zadźěwało. Pozdźišo je socialistiski blok kapitalizmej hranicy stajił, abo kaž su ZNRscy dźěłarnicy do přewróta rady w rozestajenjach ze stronu kapitala prajili: NDR sedźi jako třeći partner za blidom při jednanjach wo tarifje.

NDR je fuk, a měrniwa rewolucija je kapitalizm puć do wuchoda rubała – takrjec jako pódlanski efekt systema zapadneje demokratije. Hinaši puć scomter nowej wustawu a wjac demokratiskimi a socialnymi prawami, kaž je jón centralne kulojte blido w přewrótnym času namjetowało, su politiske wotnožki zapadnych stron – CDU, SPD, FDP – a cyrkwje wotpokazali.

Cyrkwi matej nětk stat, kiž za njej čłonske přinoški kasěruje a (nimo Berlina) předmjet nabožina na šulach rjaduje, za cyrkwinske šule a druhe institucije je dosć přiražkow z dawkowych pjenjez, a hdyž farar „ně“ praji, njesmědźa wulki pjatk w zjawnym twarje škot hrać. Katolska cyrkej je kaž hižo do druheje swětoweje wójny z konserwatiwnej politiku splećena a je puć CDU pod Angelu Merkel po Lipščanskim stronskim zjězdźe do neoliberalizma sobu šła. A nětk su zlě kapitalisća pozdatnje wina – ně, cyrkwinske ludarstwo!

Eine Antwort to “Cyrkej je na komunizmje wina była”

  1. Pětr Hejduška Says:

    Ja sym so chětro hněwał, jako nastawk knjeza Salowskeho čitach. Dyrbjach na to myslić, kotre zwjazkarstwo husto hdy mjez buržuaziji a reakcinarnymi kruhami, haj samo diktaturami kaž we Łaćonskej Americe na jednym boku a katolskim klerusu na druhim boku wobsteješe a wobsteji. Nó haj, a (tak mjenowane) křesćanske dźěłarnistwa su husto dosć jenož k tomu słužili, hladajo na njesprawnosće swojich sobustawow změrom dźeržeć.
    Knjez Salowski we swojej argumentaciji telko zasakłosće a jednostronskosć pokaza, zo myslu při tym hnydom na starych knjezow z politběrowa krótko do přewróta – slepi a rezistentni přećiwo wočowidnymi faktami a wšemu, štož so do kruće wutworjeneho wobraza wo swěće njehodźi.
    Škoda, přetož tež w křesćanskej wučbje móže mnoho doprědkarskeho a socialneho byč, a křesćanstwu w Serbach a Serbam docyła bychu wotewrjeniši a bóle načasni protagonisća zawěrno tyli.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s


%d Bloggern gefällt das: