Zakład rozsuda za „Serbski kraj“

Na zakładźe tutych wot wobydlerjow zapodatych namjetow je so dźěłowa skupina gmejnow Pančicy-Kukow a Chrósćicy za zhromadne mjeno „Serbski kraj“ rozsudźiła, kotrež bu nětk pod ćišćom někotrych ludźi – nachwilnje? – cofnjene. „Serbske Nowiny“ su namjet „Serbski kraj“ w komentarje na prěnjej stronje jako „zmylk“ pohódnoćili. Njemóžu so předstajić, zo by so tajke něšto pod aktiwnym nawodnistwom Benedikta Dyrlicha stało, kiž je přeco na serbske sebjewědomje wulku wažnosć kładł …