Archive for April 2013

Kónc masy, markow a marketinga – nowa doba mjeńšinow dźakowano internetej

30. April 2013

Dźensa před dwaceći lětami bu internet jako zjawna platforma załoženy (http://newsticker.sueddeutsche.de/list/id/1446632). W zažnej fazy noweje swětadalokeje syće dyrbješe wužiwar tutoho medija specielnu HTML-rěč (http://de.wikipedia.org/wiki/Hypertext_Markup_Language) wobknježić, dźensa to hižo dawno trjeba njeje. Tónle přinošk sym z mejlku na stronu swojeho bloga pósłał, w tutym padźe za kompjuterom sedźo, ale dale a husćišo bloguju z handyjom. Před dwaj lětdźesatkomaj njeje to hišće předstajomne było.

Z internetom bu poslednja doba globalizacije zahajena, kiž je so z industrializaciju w 19. lětstotku započała. Nětko steji wotstronjenje wšěch hranicow na dnjowym porjedźe. A z tym tež zničenje wšěch modelow dokoławokoło industrielneje masoweje produkcije. Najnowše wuwiće je rozpad markow a z tym kónc klasiskeho marketinga.

(http://www.2bahead.com/fileadmin/content/2bahead/PDFs/Trendanalyse_Das_Markensterben_beginnt.pdf). Do časa interneta je so globalizacija na kóšty mjeńšinow wuwiwała, přetož dźěše přeco a wšudźe wo dale a wjetše masy; małe skupiny a produkcije snadnych mnóstwow móžachu jenož w kategoriji luksusa abo dźakowano subwencijam wobstać.

Přewrót strukturow budźe dale a bóle dramatiski. Štož logice našeho časa njewotpowěduje, zańdźe. To potrjechi klasiske nowiny a nakładnistwa, ale tež wšelake zarjady. Za dwaceći lět njebudźe lědma hišće něšto z dotalnych strukturow serbskeho institucionelneho žiwjenja wyše, dokelž je so jeho fundament w času analogneje komunikacije twarił, nětkole pak sym w dobje digitalneje komunikacije (http://de.wikipedia.org/wiki/Digitale_Kommunikation). A budźe jenož hišće markow (hlej analyzu trendow), kotrež pěstowanju identity tyja, kaž na přikład w Serbach marka „Domowina“ …

Kćenja – posoljo so bližaceho róžownika

30. April 2013

Swobodna narowna kultura na čěskim kěrchowje

29. April 2013

kerchow_1

kerchow_2

Tak zdźěla wupada w Poděbradach na kěrchowje, hdźež leži tež row Ludvíka Kuby. Jeho swójbni su na tute wašnje pochowani:  

Kuba_swojba

„Serbska bajka“ při mejemjetanju atd.

29. April 2013

We wobłuku swjedźenja mejemjetanja w Pančicach-Kukowje dnja 5. meje poskići Serbski ludowy ansambl popołdnju w 16.00 hodź. w stanje na swjedźenskej łuce w Kukowje našim najmjeńšim mału překwapjenku. Florian Kaulfürst (rěčnik)  předstaji małym a wulkim připosłucharjam bajce „Cyketarušk“ a „Wjelk a sydom kózlatkow“. Woblubowany rjada „Serbska bajka“, kiž so jenož w serbskej rěči předstaja, wjedźe małeho připosłucharja do wobkuzłaceho swěta serbskich bajkow, bajow a powěsćow. Wo hudźbne wobrubjenje postarataj so na njedźelnym popołdnju bubonar orchestra SLA Alexander Peter a pianistka Liana Bertók. K jeje hudźbje rejuje 5lětna Elena.

5.5.2013, 16.00 hodź. Pančicy-Kukow

LĚSNY RÓH – HOŃTWJERSKI  RÓH – NOSOROHAČ – SWĚT ROHOW

Wosebity swójbny koncert wotměje so 5. meje 2013 w 16.00 hodź. w klubowni Serbskeho doma w Choćebuzu, kiž je wěnowany swětej rohow. Podobnje kaž trubka wužiwa so tež róh hižo wjac hač 2000 lět. Při hońtwje, na póstowej kuči a w hudźbje dawa wón zynk, je takrjec směr postajowacy. A zamóže wjace hač wótře hrać. To a wjele wjace zhonimy w koncerće za dźěći, na kotrymž předstaja hnydom štyri hornistki – mjez nimi naša intendantka Milena Vettrainowa – swój instrument a swoju hudźbu. Moderaciju přewozmje po wupruwowanym wašnju Christian Kabitz a wotkryje potom tež potajnstwo kołowokoło nosorohača. A wězo móža so na kóncu koncerta dźěći tež na jednym z instrumentow  wupruwować.  

„Zelena ta meja“ – zabawna hudźba do nalěća

Lochka a wožiwjaca kaž meja měła hudźba być, hdyž chce wutroby docpěć.  Z wobkuzłacymi melodijemi a temperamentnymi rejemi w židźanych šatach  chce Serbsku ludowy ansambl  z Wami zhromadnje 5. meje w 16.00 hodź.  na jewišću  pod hołym njebjom w Grodku nalěćo witać. Zabawny a zdobom naročny program ze solistami, komornym orchestrom a baletom SLA pod nawodom Dietera Kempe wubudźi wšě mučne duchi wot přisłowneje nalětnjeje mučnoty. Z miknjenčkom a wot lochkeje muzy košena zaklinči někotražkuli hudźbna překwapjenka, kiž postara so na tutym  njedźelnym popołdnju wo wjesołu rejku do nalěća.

(Nowinske zdźělenki Serbskeho ludoweho ansambla)

Japanska swójba a serbske jutrowne jejka

29. April 2013

Kimura

Swójba Gora Christopha Kimury z Japanskeje prócowaše so
serbske mustry na jutrowne jejka zdźěłać. Snadź móžemy klětu z tutym fotom mjezynarodnje za wubědźowanje wo najrjeńše jutrowne jejko wabić :-).

Na wobrazu: Syn Kischiro, mandźelska Megumi, dźowka Nagi a Goro Christoph.

Kulturny kraj Sakska w serbskej rěči

29. April 2013

Sakska_kulturnykraj

Wjac hač sydomdźesat stron w serbskej rěči wo kulturje w Sakskej – z krasnymi fotami, dobrymi tekstami wo wšěch kulturnych rumach a wosebitosćach kultury w swobodnym staće, a wězo tež wo Serbach. Tež słowjanski pochad wjele tradicijow rólu hraje. A to wšo móžeće sej darmotnje skazać: z mejlku na publikationen(at)sachsen.de resp. telefonisce +49 351 2103671/2. Ministerka von Schorlemer so na spočatku dosłowa w drasće z doby lubkow Hawštyna Sylneho na foće prezentuje :-). Tuta drohotna brošurka do kóždeje serbskeje domjacnosće słuša – bohudźak předleži nakład 2.000 eksemplarow!

Ludvík Kuba 150 lět – wopyt w jeho ródnym měsće

28. April 2013

Što je wón wšo móhł? Jurij Łuśćanski w rozmołwje z direktorom Połobskeho muzeja w Poděbradach, Janom Vindušku. Spominanje w měsacu 150. narodnin Kuby.

A potom při rowje na kěrchowje w Poděbradach:

Jurij_Kuba

Serbske terminy w róžowniku

26. April 2013

04-26 Terminy meja 2013

Serbja z hosćimi zwjazkoweho prezidenta

25. April 2013

Minderheitenrat_Gespräch mit Bundespräsident Gauck

W ramiku zetkanja mjeńšinoweje rady běchu dźensa Serbja z hosćimi zwjazkoweho prezidenta Joachima Gaucka w hrodźe Bellevue. W hodźinskej rozmołwje informowachu zastupjerjo mjeńšinow wo połoženju a próstwach narodow. W tutym zwisku chwaleše zwjazkowy prezident sebjewědomne a doprědkarske myslenje mjeńšinow. Gauck rěčeše w swojich witanskich słowach wo tym, zo nježedźi za zeznaćom ideologijow, ale zo chce wo žiwych wěcach wědźeć. Tole spózna wosebje we rozłožowanjach přitomnych. Z Rostocka pochadźacy Gauck wědźeše hižo z časa NDR wo Serbach a přiwza dźakliwje jemu sposrědkowane přeprošenje do Łužicy. Na kóncu zetkanja rozžohnowaše so zwjazkowy prezident Gauck z předsydu Domowiny Dawidom Statnikom ze serbskim słowom „Božemje“  

(z Facebook-strony Domowiny)

Minderheitenrat_Gespräch mit Bundespräsident Gauck_2

Serbstwo 5.0: Tam, hdźež smy, chce swět być

25. April 2013

Na kóncu poslednjeho lětstotka mějachmy web 1.0.:

http://www.netzvitamine.de/kategorien/web-10.html

Kak wuwiće dale běži, je tule derje wopisane:

http://www.smo14.de/2010/11/08/vom-web-1-0-zum-web-3-0-drei-grafiken-zur-entwicklung-des-internet/

Tuchwilu stejimy hišće tule – tež blog Piwarca:

http://de.wikipedia.org/wiki/Web_2.0

blogowanje_medije

ze zešiwka Němskeje nowinarskeje akademije w Berlinje wo blogowanju: Načasny medij indiwiduelnych nošerjow pěstowanja tematisce tworjenych zhormadźenstwow

W blišim přichodźe web 3.0 wočakujemy:

http://de.wikipedia.org/wiki/Semantisches_Web

W najinowatiwnišej industriji je samo rěč wo 4.0:

http://de.wikipedia.org/wiki/Industrie_4.0

Komunikacija bjez přetorhnjenja – wot sensora hač do syće

My Serbja smy poprawom hižo lud 5.0 (jeli to na wědomje bjerjemy) – kiž zwoprawdźuje principy tutoho trenda jako cyła towaršnosć: Nic jenož w ličaku na pisanskim blidźe abo we wirtuelnej wzajomnosći interneta abo w zawodźe přichoda.

Bjezposrědnja komunikacija kóždeho z kóždym je markowe znamjo našeho ludu, tohodla smy tež cyle oficielnje „bratřa a sotry“. Z wjele njewotwisnymi małymi (kulturnymi, wjesnymi) cyłkami, kiž syć tworja.

A zdobom je w Serbach njepřetrjechujomna indiwidualnosć data, wo kotruž so masowa towaršnosć ze swojimi masowymi produktami a masowymi medijemi tak prócuje: Pola nas rěči kóždy kusk hinak a ma swoje wosebite wašnje, Serb być.