Su Serbja „First Nation“ našeho regiona? A je to za nas wažne? Wo stawizniskej wědźe a wěrje

Tež na institutnym dnju Serbskeho instituta bě zaso z wulkej temu: Su Serbja prěni wobydlerjo našich kónčin byli – kaž bě prjedy mjenje abo bóle z wědomostnym konsensom – abo snadź tola nic, kaž nětkole někotři wědomostnicy měnja? Najprjedy dawa so cyle cool k tomu prajić: To njeje prašenje swětonahlada, ale historiskich faktow.

Serbja su awtochtony lud – abo ze słowami Jurja Brězana: Woni su přeco hižo tule byli. Wo čimž stawiznarjo tuchwilu diskutuja, to su zažne stawizny do srjedźowěka, wo kotrychž je jara mało spušćomnych dokumentow. To rěka, zo tak a tak njebudźemy ženje dokładnje wědźeć, kelko ludźi kotreho pochada je tehdom na kotrym městnje kak žiwe było. Realiće před 1.500 lětami móža so wosebići eksperća z kriminalistiskimi srědkami kusk přibližić, ale to njejsu wobkrućene informacije kaž wo wěckach w 19., 20. abo 21. lětstotku.

Hač smy „First Nation“ abo „First Peoples“, potajkim prěni lud resp. narod abo prosće prěni wobydlerjo kraja, je zajimawe prašenje za wědomostnikow a romantikarjow, za načasnu mjeńšinopolitisku praksu nima wone wuznama. Serbja su bjezdwěla „Aboriginal Peoples“, prawobydlerjo Łužicy, kotřiž su w cyłych dokumentowanych stawiznach w našej domiznje žiwi byli.

Štož je so takrjec w mlě do toho stało, njech je, kaž je. To je bóle prašenje wěry hač wědy. Nimo toho stejimy tule jako lud před samsnym problemom kaž kóžda swójba. Jeje rodopis so něhdy w zańdźenosći kónči – w najlěpšim padźe hakle w času třicećilětneje wójny prěnjeje połojcy 17. lětstotka. Tež do toho pak bě kwasow atd. – wone pak njesteja ani w starych cyrkwinskich aktach, ale jenož hišće w knize žiwjenja pola Boha w njebjesach.

http://de.wikipedia.org/wiki/First_Nations

Projekt „Stary lud“ – Słowjenjo w 10. lětstotku – a srjedźowěkowski swjedźeń w Dešnje (25./26.5.2013, 11-23 resp. 11-18 hodź.):

http://www.dissen-striesow.de/texte/seite.php?id=119735

2 Antworten to “Su Serbja „First Nation“ našeho regiona? A je to za nas wažne? Wo stawizniskej wědźe a wěrje”

  1. wjm Says:

    archeologojo so wjesela, wšako su w milstrichu objekty z bronzoweje doby namakali, piše sz zašły tydźen: http://www.sz-online.de/nachrichten/seltener-fund-in-milstricher-erde-2579338.html

  2. Jan Serbin Says:

    Milstrich=Jitro.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s


%d Bloggern gefällt das: