Archive for Oktober 2013

Rogow: Problemy ze serbskosću po wotbagrowanju

31. Oktober 2013

Wurězk ze Sakskich Nowin 30. winowca

Slepjanscy Serbja na Sylće

31. Oktober 2013

Tema: škit pobrjoha

http://www.shz.de/lokales/sylter-rundschau/sorben-besuchen-sylt-id3920821.html

Do toho pola Frizow k temje spěchowanje mjeńšinow

https://www.lr-online.de/regionen/weisswasser/Foerderung-von-Minderheitenarbeit-in-der-Grenzregion-zwischen-Deutschland-und-Daenemark;art13826,4373712?_FRAME=64

Wulka wjetšina za změnu wjesnych taflow: Serbske mjeno smě horjeka stać!

31. Oktober 2013

Z wusahowacym wobdźělenjom je so wothłosowanje wudawaćela „Hornjołužiskeho kurěra“ wo namjeće Alfonsa Ryćerja skónčiło: 1.098 hłosow je so wotedało. 56,1 procent praji: Haj, tak dyrbi to być, serbske mjeno smě po wobzamknjenju gmejnskeje rady w jadrowych kónčinach nad němskim w samsnej wulkosći pismikow na wjesnych taflach stać. 42,8 procentow wothłosowacych ludźi je přećiwo tomu, a dwanaćom (1,1 procent) je to wšojedne.

http://www.alles-lausitz.de/info/voting/9488159_Muss_sorbischer_Name_oben_stehen.html

Z tym ma předsyda zarjadniskeho zwjazka „Při Klóšterskej wodźe“ jasny demoskopiski mandat němskeho časopisa z najwjetšim nakładom w našim regionje, so za prawnisku změnu na dobru serbskich wjesnych taflow dale zasadźować. Nětkole by rjenje było, hdyž by so tež wěsta w serbskich medijach pěstowana bojazliwosć přewinyła, zo bychu wšitcy tónle rozumny a demokratiski namjet bjez wobmyslenjow ofensiwnje podpěrować móhli.

Narodninarka Chrysta Meškankowa dźensa doma

30. Oktober 2013

Chrysće Meškankowej k 75. narodninam

29. Oktober 2013

… kotrež wona srjedu, 30. winowca, w Budyšinje swjeći, wjele zboža a přeco dosć mocow za jeje mnohostronski angažement wosebje w serbskej kulturje a politice, wjele wjesela ze swójbnymi, přećelemi a wšěmi znatymi ze wšelakich wobłukow žiwjenja!

Přeju zastupjerce TCM w zwjazkowym předsydstwje třěšneho zwjazka Serbow, městopředsydce wuběrka Domowiny za lobby-dźěło, organistce, publicistce a wusahowacej fachowči na hudźbnym polu dale stajnu kreatiwnu žiłku a wótre pjero. Jej mamy zo dźakować za towaršnostne wjerški historiskeho wuznama kaž oratorij "Serbske jutry", kotrehož teksty je wona spisała.

"Grande Dame" katolskeho Serbstwa ma po dołholětnym powołanskim skutkowanju w Lipsku a aktiwnym dźěle we wokrjesnej politice hišće wjele wužadanjow před sobu. Z tym wotpowěduje hrónčku Jurja Brězana wo žiwjenju: "Spirala wono je, so horje wjerćaca, a jeli je wocl dobry, njezłama so spirala." Bohudźak je Chrysćiny wocl jara dobry!

Za serbske mjeno jako prěnje na wjesnych taflach w jadrowych kónčinach!

29. Oktober 2013

http://www.alles-lausitz.de/content/umfrage_der_woche/9488200_Muss_sorbischer_Name_oben_stehen.html

Hač do jutřišeho móžeće hišće wothłosować a namjet Alfonsa Ryćerja podpěrować!

Antika we Łužicy

29. Oktober 2013

Nimale njeznata pohórnistwowa krajina – něhdyša kaolinowa jama w Kamjenej. Snadź tež nastork šulam we Łužicy, šulerjam wjac wědy hač dotal wo antice, zakładźe našeje ciwilizacije, posrědkować. Bjeze znajomosćow starogrjekskeje filozofije resp. mentality a staroromskeho prawa resp. žiwjenskeho wašnja njewěš, što Europa docyła je.

„Spiegel“: Stasi-IM čini w nadawku Vattenfalla propagandu za wotbagrowanje

28. Oktober 2013

DER SPIEGEL 44/2013, 28.10.2013, str. 40/41, „Vattenfall ist überall. Der Konzern beherrscht das Leben in der Lausitz (…)“ – wurězk

Stup dale: Nazymske pućowanje

28. Oktober 2013

NAZYMSKE PUĆOWANJE

Lubi stupdalnicy, přećeljo a zajimcy,

krasna rjana nazyma steji před durjemi a chcemy tutón składnosć wužić, so na zhromadne pućowanje podłu winowych horin w Radebeulu podać.

Skrótka najwažniše informacije k temu:

hdy: 31. oktobra
čas: wot 10 hodź. do někak 15 hodź.
zetkanišćo: "Landesbühnen Sachsen Radebeul"
parkowanje: napřećo dźiwadłu abo na pódlanskich pućach
zjawne wobchadne srědki: linija 4 hač k zastanišću "Landesbühnen Sachsen" abo S-Bahn 1 do směra Mišnja, zastanišćo "Radebeul Weintraube" —> !!! wot dwórnišća nowe město jědźe SEV (Schienenersatzverkehr)
zastaranje: njech prošu kóždy něšto za zhromadny připołdniši piknik sobu přinjese
wosebitosće puća: někotre schody (dźěćace wozy hodźa so horje njesć –> přez sylnych muži 🙂

Wjeselimy so na TEBJE!

nazymski postrow
Zuzi

w mjenje Stup dale z.t

Braška Šołta z rjanym nowym „babyjom“: „Serbska protyka“ 2014

28. Oktober 2013

Zo je braška redaktor "Płomnjenja", je cyle logiske, wšako wjedźe hižo spěw "mandźelstwo" na kwasu w połnocy k prěnjemu dźěsću – po jednym lěće.

Najnowši publicistiski baby Budyskeho braški Pětra Šołty je "Serbska protyka" 2014. Tamle zhoniš wšo – nic jenož wo Worklecach a Wěteńcy. Zo bě Wěteńca sydlišćo staroserbskich stražowarjow dróhi Via regia, njejsym wědźał.

Wo dudach móžeš čitać, a wo rewoluciji tež. Stawizny warjenja w Europje tohorunja njepobrachuja. Klětu běrtlk lětstotka po poslednjej rewoluciji w Serbach je najwjetši čas za přichodnu – snadź namakamy recept w protyce?

Po kotrym recepće je "Serbska protyka" nastała, přeradźi redaktor w pŕedsłowje knihi LND, kotraž słuša do kóždeho serbskeho doma abo bydlenja – jako kniha nastorkow za serbski žiwjenski stil.