Hajko Kozel zaso na wuhladnym městnje

Dołholětny serbski zapósłanc Hajko Kozel bu zaso wot swojeje strony Lěwicy na wuhladnym městnje lisćiny za wólby do sakskeho krajneho sejma woleny. Kozel, hižo 15 lět rěčnik krajnosejmskeje frakcije Lěwicy za mjeńšinowu a europsku politiku, dósta dźensa na krajnej zhromadźiznje zastupjerjow sakskeje Lěwicy w Lipsku 49,7 procentow hłosow mjez dźesać kandidatami za tři městna a bu z tym na městnje 28 placěrowany. Lěwica ma tuchwilu 29 zapósłancow w sakskim parlamenće. Gratulaciju a wšo dobre za dalšu legislaturnu periodu! Kozel kandiduje tež jako direktny kandidat w Budyskim wólbnym wokrjesu.

12 Antworten to “Hajko Kozel zaso na wuhladnym městnje”

  1. Jurij I Says:

    28. městno – wuhladne je něšto druhe. Z 20 % je Lěwica posledni raz 29 mandatow dobyła. Nimale wšě prognoze po tym pokazuja stronu jasnje pod 20 % (aktualnje 17) – šansa za Kozela je tuž skerje snadna.

  2. piwarc Says:

    Wuhladnosć městna je wuslědk wyšeje matematiki: ličby procentow hłosow (nic tuchwilnych woprašowanjow mjez 17 a 22 procentami), w krajnym sejmje zastupjenych frakcijow a wurunanskich mandatow za nadbytk direktnych mandatow CDU přirunujo z procentualnym rezultatom. Hajko Kozel njepóńdźe zaso do sejma, jeli CDU štyri procenty wjac wolerjow dobudźe, Lěwica dwaj přisadźi, AfD a FDP wjac hač 5 procentow docpějetej a Dietmar Pellmann we wólbnym wokrjesu Lipsk-Grünau najebać tajke straty strony swój direktny mandat za Lěwicu zakituje. Štóž do tuteje absolutnje njeprawdźepodobneje kombinacije faktorow wěri, je sam wina 😉

  3. To je mi raz powědał Says:

    A što je z Cybulinu????

  4. piwarc Says:

    By dyrbjał so delegatow prašeć ;-). Snadź je tež rólu hrało, zo je něchtó jeje kandidaturu do prašenja stajił prajo zo stej Budyski wokrjesny zwjazk Lěwicy a Serbska Lěwica z wotpowědnymaj wotumomaj Hajka Kozela preferowałoj.

  5. Jurij II Says:

    Kozel 15 lět zapósłanc a tola (při wšej wólbnej arytmetiki Piwarca – z <21 % je wón won) jenož "Wackelkandidat" a Cybulina won. To njerěči za serbske sympatije pola Lěwicy.

    • Alojs Says:

      Nó haj, Kozel žno něšto noweho namaka. Suchy chce bórze na wuměnk a sej rady jurista za naslědnika přeje, A je-li so to njeporadźi: SN pytaja redaktora… Snano ma tam wjace wuspěcha hač tamny lěwicar.

    • piwarc Says:

      Jurjo, Hajko je w dwěmaj kołomaj kandidował: za 22., 24., 26. městno a potom za 28., 30. a 32. Do toho nic. W prěnim kole běše mjez sydom kandidatami na šestym městnje, w druhim bu dźakowano podpěrje wjednistwa krajneje strony za kulisami z wotstawkom na prěnim městnje tutoho koła woleny. To rěči za jara wulke sympatije strony za reprezentancu Serbstwa na lisćinje, žadyn druhi kandidat njeje přirunujomnu pomoc dóstał.

      • woler Says:

        Tez nic knjejni Neuhaus-Wartenberg?

      • piwarc Says:

        Ně, wona bu přeco we wšěch etapach nominowanja w prěnim zazběhu wolena: w krajnym předsydstwje, na małym stronskim zjězdźe a potom na krajnej zhromadźiznje zastupjerjow strony.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: