Namjety za Myto Domowiny a čestne znamješko 2014 zapodać

W lěće 2014 maja so zaso zasłužbne wosoby z Mytom Domowiny, z Mytom Domowiny za dorost a z Čestnym znamješkom Domowiny wuznamjenić. Z mytom maja so wosoby počesćić, kotřiž so zaměrnje a wuspěšnje za zachowanje a wozrodźenje serbskeje kultury, wosebje pak serbskeje rěče zasadźuja, kaž starši, kubłarki a wučerjo, dołholětni předsydźa Domowinskich skupin a druhich towarstwow atd. Ze spěchowanskim mytom Domowiny, tak mjenowanym „Mytom dorosta“ wuznamjeni so młodostna/y abo skupina, kotraž so na wusahowace wašnje za serbsku rěč a kulturu angažuje. Z „Čestnym znamješkom Domowiny“ připóznawaja so zasłužby w towarstwowym dźěle, zwoprawdźejo program a směrnicy Domowiny.

W mjenje Zwjazkoweho předsydstwa Domowiny prosymy čłonow župow, towarstwow a jednotliwcow, zo bychu namjety za wuznamjenjenje hač do 30. junija 2014 zapodali na slědowacu adresu:

Domowina – Zwjazk Łužiskich Serbow z. t.

Póstowe naměsto 2

02625 Budyšin.

Waš namjet móžeće tež z e-mailku pósłać na clemens.skoda@sorben.com . Namjety měli wobsahować zakładne informacije mytowaneho, kaž na př. biografiske daty a wopisanje skutkowanja. Wjac informacijow nadeńdźeće tež w syći pod www.domowina.de abo direktenje pola Clemensa Škody w zarjedźe Domowiny.

Dawid Statnik, předsyda Domowiny

(Nowinska zdźělenka Domowiny)

PS Piwarca: Je Mytow Domowiny, Ćišinskeho a Zejlerja – a přeco steji na prěnim městnje skutkowanje na dobro serbšćiny, štož je tež prawje tak. Ćim bóle pak je najwjetši čas, w zjawnosći rozdźěle profila tutych třoch mytow jasnišo rozkłasć, dokelž su wone hewak prosće arsenal počesćenjow zasłužbnych ludźi bjeze specifiskeju zaměra a zmysła.

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: