„Kaž 1937“: Serbski paralelny swět njemóže naš partner při aktualnych problemach być

Přirunanja z dobu nacijow maja w Němskej dołhu zahubnu tradiciju. Hdyž stajiš aktualnu situaciju na samsnu runinu kaž tehdomnišu realitu systamatiskeho, statnje organizowaneho morjenja, kotrehož wopory su miliony ludźi po cyłej Europje byli, njemóžeš swoju kritiku hižo stopnjować, jeli so něšto woprawdźe towaršnostnje katastrofalne stanje.

1937 rěkaše knježaca politika wutupjenje Serbstwa ze wšěmi srědkami, wosebje z konsekwentnym zakazom rěče a brutalnym přesćěhanjom njeoportunistisce wustupowacych ludźi. By Němska wójnu dobyła, njeby serbski lud hižo eksistował. Dźensa wuwiwa stat dale a wjac serbsku rěč spěchowacych (zdźěla bohužel porjadnje njefungowacych) naprawow a metodow. A statej směš złóstnistwa kaž 1937 zjawnje wumjetować – na z dawkowymi pjenjezami financowanym zarjadowanju w rumnosćach měšćanskeho dźiwadła.

Po tajkim wuprajenjom njepřińdźeš do klětki abo kaceta, ale jako medijalny star do nowin. Zo je wuprajenje z maksimalnje móžnym přeńdźenjom přećiwo rozumej, při tym nješkodźi. Ale Serbam samym je to ekstremnje na škodu, dokelž so sprěnja němski susod, kiž nadpismo čita, praša, hač pola Serbow w hembjerkach šeri. A zdruha wjedźe polemika serbskich prócowarjow do slepych hasow.

Naš problem njejsu ani zakazy ani diskriminacija. Brunica je drje – za wobswět, kulturu a pěstowanje serbskeho žiwjenskeho wašnja problematiska (tohodla wotpokazujemy „Wochozy II“ a „Wjelcej-juh“) -, ale nic tajka, kaž so druhdy twjerdźi. Klětno njebu wotbagrowane, ale Serbstwo je njedźiwajcy toho preč. Serbska identita je jedna móžnosć tworjenja swójskeje eksistency w načasnym morju zmysł posrědkowacych poskitkow. Atraktiwiće serbskeje kupy tajke zarjadowanja kaž w dźiwadle na hrodźe njetyja.

Domowina nochce do tajkeje twjerdźizny zadwělowanosće nutř. Tohodla su so wčera čłonojo zwjazkoweho předsydstwa składnostnje swojeho rjadneho posedźenja wot tuteje „filozofije“ distancowali. Najebać zakładnu komunikacisku wotewrjenosč je najskerje woprawdźe rozbrojenje časa, so z protagonistami tutoho serbskeho „paralelneho swěta“ dorozumić spytać. Město werbalneho radikalizma trjebamy wěcowniše debaty.

Link k přinoškej nowiny wo forumje z wonym wuprajenjom:

http://www.alles-lausitz.de/startseite/bautzen/10837718_Die_Situation_der_Sorben_aehnelt_der_von_1937.html

Reakcija Benedikta Dyrlicha na aktualnu diskusiju wo tym:

WOZJEWJENJE 14. 4. 2014

4 Antworten to “„Kaž 1937“: Serbski paralelny swět njemóže naš partner při aktualnych problemach być”

  1. Nóhajnik Says:

    Hm, w dźensnišim (němskorěčnym) wozjewjenju Benedikt Dyrlich nětko piše, zo njeje „tajke absolutne přirunowanje“ sčinił. Wšo potajkim jenož kačka němskich medijow? Njebě da na wonym forum tež znajmjeńša jedyn čłon Zwjazkoweho předsydstwa w publikumje?

  2. Nóhajnik Says:

    Haj, někak su tajke naci-přirunowanja perceptiwny fenomen. To kóždy hinak słyši a rozumi. Dalša přičina, so toho najlěpje wzdać…

  3. Detl.K. Says:

    Čehodla njeje wón potom medijam hižo znapřećiwił?
    Ja sej myslu, wón so rady w nowinje widźi jako wažny muž, štož wón pak we woprawdźitosći docyła njeje.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: