Premjera z Alojsom Andrickim

Mam "swojeho" Alojsa Andrickeho we hłowje – kaž kóždy, kiž je poměrnje wjele wo mjeztym zbóžnoprajenym serbskim martrarje čitał. Z knihow, listow a přinoškow našeho swjateho z regionalnym wuznamom sym sej žiweho Alojsa zestajał, kiž wčera w premjernym předstajenju na połnje wobsadźenej žurli Budyskeho dźiwadła widźeć njebě. To njeje zlě, tak so husto ludźom dźe, kiž film wo wosobinje hladaja, z kotrejž su so do toho z lekturu knihi zeznajomili.

Jewišćowy wobraz ze žiwjenskej škrutu běše markantny, antikski chór ze spěwnym zwobraznjenjom fantazijow a myslow přeswědčacy. Hewak je mi runja druhim přihladowarjam hudźba na čuwe šła. Wurěkowanje a fonetika někotrych dźiwadźelnikow stej polěpšujomnej. So wě, zo nam wšěm mjenje abo bóle přiwuznym Alojsa trěbny wotstawk faluje, přetož přeco prajimy: Tajka jeho swójba njeje.

K dobremu dźiwadłu pak njesłuša wuměłska kopija reality abo zhromadneho pomjatka. Tohodla je Jěwa-Marja Čornakec swojeho Alojsa Andrickeho stworiła, kotryž ma nam něšto prajić (ćerpjenje je zmysłapołne). Bóle w stilu prědarja z jara jednorej teologiju. Bohudźak smědźeše zdźěłany estet wostać. Jeho agitacija w lubosćinskich, nabožnych a narodnych naležnosćach bě jara hruba, tak sej tutoho charismatisce w młodźinje skutkowaceho młodeho muža njepředstaju. Ale druhe časy, hinaše kwasy, snadź bě historiski Alojs nic cyle tón, kotrehož we hłowje mam.

Wuběrnje poradźena je – tež rěčnje – jeho zhromadnosć z Čechami a Polakami. A tuta dźiwadłowa hra najskerje wotnětka na wólnočasnym programje kóždeje serbskeje swójby steji, wšako móže wo njej jenož sobu rěčeć, štóž je pódla był.

Eine Antwort to “Premjera z Alojsom Andrickim”

  1. čitarka Says:

    Swoje měnjenje wo sobotnišej premjerje sy přewšo diplomatisce sformulował. Kompliment! Kryje so absolutnje z mojim, ale tak mudrje je njebych do słowow zdrasćić móhła.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: