Chcu jasnu wotmołwu měć: Štó w ZSW tute počinanja sobu čini?

Chcu jasnu wotmołwu měć: Štó w Zwjazku serbskich wuměłcow (ZSW) čini tute činki, ně, počinanja sobu, kotrež so w dźensnišim přinošku Serbskich Nowin (SN) na titulnej stronje „Chcedźa jasnu wotmołwu“ wotbłyšćuja. K poslednjej akciji leži mjez druhim hišće njewozjewjeny čitarski list na składźe redakcije, kotryž deleka dokumentuju. Dźensa potajkim tole:

Dotal je hospodarski minister Gabriel na list ZSW z přirunanjom z brunicowej politiku NDR (kaž prajene, mjeztym dźe wo přirunanje z dobu nacijow) jenož tak reagował, zo je so za gratulaciju k swojemu nowemu zastajnstwu podźakował. Nětk rěka w SN „Předsydstwo ZSW zhoni tež wo wobsahu wotmołwy na dalši swój list hospodarskemu ministrej Sigmarej Gabrielej (SPD) z próstwu wo změnu hórnistwoweho prawa (…).“ Je ZSW nětk list dóstał abo jenož blady wo pozdatnym wobsahu zhonił?! „Wón je mjez druhim pisał, (…) zo su so nastupajo přesydlenje wuhloweje jamy Wochozy II“ dla „Zwjazk, Domowina a Vattenfall dojednali.“ Nětk chce předsydstwo ZSW jasnu wotmołwu wot Domowiny, tak piše inoficielny centralny organ ZSW, SN. Tule so listowanje z ministrom přećiwo Serbam samym instrumentalizuje.

Sym wosobinsce na spočatku lěta wobnowjene zrěčenje mjez Domowinu a Vattenfallom słowo po słowje čitał. Tamle wězo tajke něšto nutřka njesteji. Nawopak, zasadna pozicija wobsahowje tomu wotpowěduje, štož je tehdomniši předsyda Domowiny Jan Nuk před wjele lětami podpisał. Tež wospjetne wobzamknjenja zwjazkoweho předsydstwa ze stejišćom přećiwo přesydlenju su znate. Ale to najskerje nawodnistwo ZSW wědźeć nochce – tule dźe jenož hišće wo přisłodźenje, wočornjowanje a difamowanje druhich a pěstowanje swójskeho pycharstwa.

K přinoškej „Předsyda ZSW Benedikt Dyrlich so wobara“ (SN 15.4.)

W lěće 1937 buchu Serbske Nowiny wot nacijow zakazane. Hdyž so něhdyši šefredaktor SN we wulkim artiklu němskeho časopisa, rozšěrjeneho we wšěch domjacnosćach našeho regiona, cituje, zo hrozy serbskej rěči a kulturje dźensa zničenje „kaž 1937“, je to komunikaciska katastrofa. Čłonojo zwjazkoweho předsydstwa su so tři tydźenje po zarjadowanju z wonym pozdatnym wuprajenjom tutej njeluboznej naležnosći wěnowali, přetož bě Domowina mjeztym z naprašowanjemi zbliska a zdaloka konfrontowana, što to wšo dyrbi. Sobotu bě artikl Hornjołužiskeho kurěra hižo dwě njedźeli w interneće kóždemu přistupny. Hač do dźensnišeho ranja (16.4.) bjez komentara Benedikta Dyrlicha, zo citat njetrjechi.

 Dawid Statnik njeje před wobjednawanjom temy warnował, ale jenož na to skedźbnił, zo njeběchmy hižo sobotu popołdnju dołho po kóncu rjadneho dnjoweho porjada a předwidźanym posedźenskim času wobzamknjenjakmani, čehoždla njemóže to oficielne wobzamknjenje zwjazkoweho předsydstwa, ale prosće wuprajenje měnjenja čłonow tutoho gremija być, štož tak a tak dosaha. Wozjewjenje Benedikta Dyrlicha medijam, zo njeje wón połoženje Serbow direktnje ze situaciju w lěće 1937 přirunał, je hakle po rozprawach medijow wo posedźenju zwjazkoweho předsydstwa dóšło. Z toho by konkluziju sćahnyć móhł, zo njeby jemu korekutura rozprawy wo zarjadowanju 21. měrca wažna była, hdyž njebychu so čłonojo zwjazkoweho předsydstwa 12. apryla na tutym citaće postorkowali.

 Kóždy móže so kóždy čas při kóždej składnosći zjawnje słowa jimać – wězo tež k serbskim naležnosćam, wšako njeje dźensa kaž 1937. Z tym je tež kóždy sam za efekty swojich zjawnych wustupow zamołwity.

 Marcel Brauman z Łuha

3 Antworten to “Chcu jasnu wotmołwu měć: Štó w ZSW tute počinanja sobu čini?”

  1. hnewny filozof Says:

    BD je pomału njekontrolujomny a kozdy kotryz jeho podperuje je tam tez blisko dron!
    Affencirkus, Hottentotten! Wjac k tomu wjac prajic njemozes. Snano je won to z tym Serbstwom konc 80atych let hisce derje menil. Wso stoz je won po tym cinil, je skodu naworalo. Hac na por dobre basnje. Bohuzel njemozes nico druheho wjac k tomu prajic! Mjelčenje by najskerje najlepsi skit za njeho sameho bylo! Prosu tych, kotriz hisce kusk rozuma w sebi maja: Distancujce so wot njeho. Wso druhe je slepa hasa. W ZSW njejsu wsitcy tajcy. Jako predsyda pak instrumentalizuje BD kozdeho jednotliweho clona a reci w jeho mjenje. Rozumni clonojo tuteho towarstwa, prosu spjecujce so! Krescan Krawc je njedawno zmuzity zapocatk cinil!

    • XYZ Says:

      Štóž je dźensa hišće z čłonom ZSW, wě, na čim z předsydu towarstwa je ‒ wšako je jeho do zastojnstwa wolił. Tuž wuchadźam z toho, zo su čłonojo ZSW z wuprajenjom BD přezjedni, zo smy pječa dźensa jako Serbja w podobnej situaciji žiwi kaž 1937. Distancowanje po přikładźe Zwjazkoweho předsydstwa je prěni krok, kak na tutón wopiči cirkus reagować, dalši je pruwowanje, hač jedna so w padźe ZSW wo wustawonjepřećelsku organizaciju. Za to mamy dosć serbskich prawiznikow, statnych rěčnikow a sudnikow. Čestnemu Serbej, kiž je dźensa hišće z čłonom ZSW, móžu jenož radźić, zo tak chětře kaž móžno z towarstwa wustupi.

  2. hnewny filozof Says:

    Ok, prosu wodaj. Wcera bech woprawdze hnewny. Mas prawje. Narunaj z „pomhalu njekontrolujomny“ a „mjelcenje“.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: