Opera „Jank a Hanka“ SLA je tež finskich hosći zahoriła

Opera za dźěći „Jank a Hanka“ (na foće 2. a 5. w.p.) w Serbskim ludowym ansamblu je na dźensnišej jutrownej póndźeli popołdnju nimo Serbow tež zajimawu finsku skupinu hosći zahoriła. Eero Balk (7.w.p.), w Serbach hižo wjele lět znaty serbskorěčny tołmačer z Finskeje, je tón raz swojich přećelow z towarstwa „Bukovinan perilliset“ (Namrěwcy Bukowiny) sobu přinjesł.

Towarstwo bu před lětami z wostudy při čakanju na lětanišću w Gdańsku załožene, powěda sobuzałožer a předsyda Tapani Harriainen (1.w.p.), emeritowany profesor za semitiske rěče. Jězba do Serbow je štwórta wuprawa čłonow towarstwa, kotřiž so kulturnje wosebje zajimawym kónčinam Europy wěnuja.

Wčera su woni křižerjow hladali, jutře budu w Zhorjelcu na woběmaj bokomaj Nysy. Mjeno towarstwa je žortneho razu a steji za žedźbu za wotkrywanjom jim dotal njeznateje kulturneje bohatosće. Nimo Janka a Hanki (Mira Szary, Elmira Yakhina) staj so tež wjera (Tanja Donatec, hraješe tež mać, 3. w.p.) a nan (Gerald Schön, 1. w.l.) na zhromadnym wobrazu swětowej zjawnosći hosćom přidružiłoj.

Hudźbu: Engelbert Humperdinck, wobdźěłanje: Christian Kabitz, zeserbšćiła: Jěwa-Marja Čornakec.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: