Ze žohnowanjom cyrkwje a dujerskej hudżbu do wjetšeje jamy

Zmysł wopomnjenskich dnjow je, spominać na zańdźenosć a konkluzije za přichod ćahnyć. Dramaturgija lětušeho wopomnjenskeho dnja za wotbagrowane serbske wsy, wěnowaneho dźělnemu wotbagrowanju Wochoz před třomi lětdźesatkami, na to pokuzuje, zo mamy so nětk na dospołne zničenje serbskeho regiona přez jamu "Wochozy II" přihotować.

Poslednje słowo na zarjadowanju změje zastupjer koncerna Vattenfalla, doniž njesmě cyrkej na historisce zwučene wašnje wšo wotžohnować. W cyrkwi samej nas superintendent Malink wočakuje, kiž je hižo w Rownom na dwurěčnej božej słužbje na Njepilic statoku před mnohimi Serbami brunicu "zabył" naspomnić. Hamorski wjesnjanosta Trunsch njeje ani jako kritikar zahubnych sćěhow brunicowych jamow ani jako přećel Serbow znaty.

So wě, zo je samsny dźeń hišće kusk melancholije předwidźane: Z wustajeńcu "Štož jutře budźe, je wčera było" smě so wo zhubjene wjeski žarować, bjeztoho zo ma to konsekwencu hinašeho jednanja. A tón raz samo kusk modlenja w cyrkwi, tohodla steji na spočatku oficielneho programa boža słužba.

Konkluzija: To je kaž spominanje na padnjenych, zo bychmy přichodnje hišće lěpje wójnu wjesć móhli. Tutón program so přeńdźe přećiwo duchej wobzamknjenjow zwjazkoweho předsydstwa Domowiny. To je dobyće wopomnjenskeje běrokratije nad serbskej dušu.

A k tomu zahraja Horjenjo k zabawje.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: