Žonjace bachtanje, mužace bledźenje – čehodla žony do wjesneje politiki nochcedźa

Bogna Korjeńkowa je dźens rano w Serbskim rozhłosu přemału ličbu žonow na lisćinach k wólbam do gmejnskich radow našich wsow komentowała:

http://www.mdr.de/serbski-program/rozhlos/aktualne-prinoski/audio861390.html

Widźu hišće dalšu přičinu za tule mizeru: Žony drje rady bachtaja, ale z jasnym socialnym zaměrom – tworjenje dobreje atmosfery. Hdyž pak wo rozrisanje konkretnych problemow dźe, chcedźa chětř praktiske rozrisanje měć. Pola muži je to nawopak: Woni so dźiwaja wutrajnosće žonow na bjesadźe při kofejpiću, ale maja sami bjezkónčnje chwile, hdyž smědźa so na přikład wo wšelakich modelach wotstronjenja wopłóčkow wadźić. Tute diskusije hač do nocy su ze žonjaceho wida rozbrojenje žiwjenskeho časa, wosebje hdyž dyrbiš po tym hišće na piwko chodźić J.

Potajkim: To je – načasnje prajene – gender-problem. Splahaj matej w swojej socialnej formje rozdźělnu komunikacisku kulturu. Na wyšich abo hinašich politiskich runinach, hdźež je wjac žonow, wobkedźbuju přeco zaso tónle zjaw, zo žony najprjedy subu rěča, doniž so na kóncu mužojo mjez sobu njenasadźuja a žony jenož hišće na časnik njehladaja…

Nětkole je dweju alternatiwow: Pak so žony wo dobru klimu a mužojo wo dobru politiku we wsy staraja – kóždy splah na swojim polu – abo mužojo dyrbjeli swoju diskusijnu kulturu změnić. Snadź bychu kadle potom tež wjac chwile za wotputane bachtanje měli, hač při kofeju abo piwku.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: