Neonacisća „azyl“ w krajnym sejmje dóstali

Wotoru popołdnjo je so zastupowacy zamołwity za wěstotne naležnosće w sakskim parlamenće poł hodźiny dołho ze mnu nasadźował, dokelž spyta připowědźenemu pobytej małeje skupiny ludźi w tak mjenowanym „foyeru wobydlerjow“ zadźěwać. Woni chcychu srjedu prezidentej krajneje direkcije 1.500 podpismow njeznjesliweje hary dokoławokoło wubědźowanskeje čary „Sachsenring“ dla zjawnje přepodać. Termin je mój parlamentariski jednaćel z Rudnych hór organizował a sym medije tohodla na to skedźbnił. Tónle zastojnik widźeše porjad wohroženy, hačrunjež sym jemu –kusk šibale – prajił: Tući ludźo njejsu wobrónjeni. Nimo toho je tónle foyer w nowotwarje z plenarnej žurlu při Łobju porno staremu twarej z rumnosćemi zarjada a frakcijow cyle swobodnje přistupny. Potajkim sym na terminje wobstał, a tak je tež k tomu dóšło, kaž MDR rozprawješe – wězo bjez někajkich problemow:

http://www.mdr.de/sachsen/chemnitz/buergerinitiative-laerm-sachsenring100.html

Samsny dźeń je samsny zastojnik někotre hodźiny pozdźišo štyrceći nacijow do poprawom zawrjeneho starotwara pušćił, štož je so mjeztym w medijach po cyłej Němskej jako jónkrótny skandal wozjewiło:

http://www.dnn-online.de/dresden/web/regional/specials/polizeiticker/detail/-/specific/Polizei-lehnt-Verantwortung-fuer-2421327491

http://www.welt.de/politik/deutschland/article129229154/Saechsischer-Landtag-gewaehrt-Neonazis-Asyl.html

Bulwarne nowiny pisaja samo wo „brunym sćinje“ nad Sakskej:

http://www.bild.de/regional/dresden/landtag-sachsen/nazi-skandal-opposition-verlaesst-saechsischen-landtag-36440676.bild.html

K tomu dyrbiš wědźeć, zo směš so hewak jako wopytowar jenož do tuto wobłuka parlamenta podać, hdyž a) swój wupokaz wotedaš, b) zapósłanc / sobudźěłaćer sejma za tebje na spočatku a kóncu wopyta při straži podpisa a c) wón će cyły čas w domje přewodźa. Za nacijow pak je wočiwidnje wosebitych prawow: Woni smědźachu při pozdatnej potrjebje hodźiny dołho poprawom maksimalnje škitany foyer starotwara wobsadźeć a samo na městnje straže kokać, hdźež tež kluče MDR za studijo w sejmje wisaja… To dokumentuja fota sobudźěłaćerja SPD. Tež zo njejsu bruni před sejmom wohroženi byli, ale tamle cyle wotputanje stali – scomter policistami. Prezident Drježdźanskeje policije je wčera na nowinarskej konferency přidał, zo njeje trjeba było, nacijow do sejma wjesć. Za to pak, wón praji, njebě policija přisłušna, ale krajny sejm resp. wony zastojnik – abo prezident krajneho sejma, kiž praji, zo bu hakle pozdźišo informowany?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: