Gerat Wornar nošer Myta Zejlerja

Dźesate dźěćo serbskeje swójby je prěni nošer Myta Zejlerja. Wšitcy, z kotrymiž sym wčera nawječor wo spožčenju tutoho wuznamjenjenja sakskeho statneho ministerstwa za wědomosć a wuměłstwo rěčał, běchu sej přezjedni: Z fararjom Geratom Wornarjom je njewotwisna serbska jury jara dobry rozsud tworiła.

Ze swjatočnym aktom w klóšterskej cyrkwi swjateje Hany wosrjedź Kamjenca je ministerstwo "misionarisce" městno zwonka zwučenych rumnosćow w Serbach wuzwoliło. Po postrownych słowach zastupjerja ewangelskeje wosady, wyšeho měšćanosty a ministerki von Schorlemer běše w so k mytu rěče hodźacej najrjeńšej serbšćinje lawdacija Leńki Andersoweje na rjedźe.

Wo perfektny hudźbny program starachu so chór Lipa, Uwe Macka (z trompetu) a Michael Pöche (na pišćelach). Gerat Wornar je, skromny kaž wón je, w swojich dźaknych słowach wuzběhnył, zo je jemu přičina spožčenja myta z potajnstwom.

Tři a poł lětdźesatka čestnohamtskeho zastojnstwa šefredaktora Katolskeho Posoła, najwuspěšnišeho ćišćaneho serbskeho medija, by poprawom hižo přičiny dosć było. Ale tónle ćichi, na njebjeske wašnje wurunany duchowny je swoje cyłe žiwjenje scomter wobšěrnej publicistiskej dźěławosću do słužby poselstwa swjatkow stajał: šěrjenje zrozumliweje duchapołneje rěče.

Kak wón to wšo swěru a stajnje přečelnje wukonja, je jeho potajnstwo. A my so wjeselimy nad tutym prěnim nošerjom Myta Zejlerja, přetož tuta wosobina je skutkowniša hač kóždy rěčny program a na to pokazuje, zo je wuspěch wšěch naprawow spěchowanja rěče wotwisny wot – jednotliweho čłowjeka.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: