Archive for Juli 2014

Fiasko při spjatym jězoru

31. Juli 2014

Direktor něhdyšeho hotela při spjatym jězoru steji nětk ze swojim bledźenjom wo afriskich dźěćoch w srjedźišću wabjenskeho filma nacistow. Wón je načolnemu kandidatej (!) nacijow, kiž je tak činił, hač by wón w nadawku wuběrka sakskeho sejma domy za požadarjow azyla přepruwował, rumnosće pokazał a při tym rěčał, hač by za stajnym blidom po pjatym piwku kokał. Prezident krajneho sejma je njewoprawnjeneho přiswojenja hamtskeje mocy dla pochłostajomny skutk wozjewił.

http://www.mz-web.de/mitteldeutschland/amtsanmassung-in-sachsen-landtagspraesident-stellt-strafanzeige-gegen-npd-mitarbeiter,20641266,27996472.html

To potrjechi frakciskeho šefa – načolneho kandidata bruneje strony we wólbnym boju, a jeho sobudźěłaćerjow. Hač budźe so direktor přetwarjeneho bywšeho hotela přećiwo natočenju pjeć minutow dołheho wideja wobarać, kotrež je na internetnej stronje sakskich nacijow wozjewjene, njewěm. Z tym je katastrofalne wobchadźenje z ćěkancami w Budyskim zjawnym žiwjenju nowy zrudny wjeršk docpěło. Myslach, zo hórje njebudźe, ale fiasko da so přeco hišće stopnjować.

Łoskoćiwa tema: zakoń wo zhromadźowanju / Kaolin, Serbja, Róžant a statny škit

30. Juli 2014

Za přeńdźenje přećiwo zakonjej wo zhromadźowanju přisłušny decernat Zhorjelskeje direkcije policije přepytuje demonstraciju přećiwo móžnemu wudobywanju kaolina w Róžeńće. K tomu a dotalnym wozjewjenjam ma wjele ludźi wjele prašenjow. Piwarc spyta wotmołwić:

1. Njeje to spodźiwne, zo so woni poł lěta po demonstraciji hakle abo hišće z tym zaběraja?

Ně, to je bohužel hustodosć z wašnjom, hlej prawniske rozestajenja minjene lěta wokoło 13. małeho róžka w sakskej stolicy.

2. Je to docyła poměrne postupowanje policije, so hišće tajkej naležnosći wěnować?

To je jara łoskoćiwa wěcka, wosebje we wuchodnej Sakskej. Mějachmy hižo dosć wušparanjow z nacijemi, kotřiž chcychu njejapcy pochodować, so na prawo „spontaneje demonstracije“ powołajo. To pak njepłaći, hdyž bu dny abo tydźenje do toho k manifestaciji namołwjene. Smy w swobodnym kraju žiwi, tohodla njetrjebaš wo dowolnosć za zhromadźowanje pod hołym njebjom prosyć, ale dyrbiš je jeničce přisłušnemu zarjadej přizjewić. Tak maja woni hišće móžnosć sčasom zakročić abo sej přidatne zawjazki žadać, hdyž njeskutki wočakuja. Prěni princip porjadneho prawniskeho stata je: Samsne prawo kóždemu – to pak rěka: Jeli chcemy, zo so srědki prawa přećiwo njepřećelam demokratije wužiwaja, dyrbimy je sami tohorunja dodźeržeć.

3. Njeje so w Róžeńće prosće něšto so stało, štož dotalnej praksy w Serbach wotpowěduje?

Ně, Chróšćan zběžk na přikład bě kóždy dźeń porjadnje přizjewjeny.

4. Je policija z přeprošenjemi swědkow mudrje jednała?

Ně. Potrjecheny, kiž nima zdaće wo prawniskich wěckach, móhł sej myslić, zo jemu něšto hrozy. Tule pak njeńdźe wo legalnosć abo njelegalnosć wobdźělenja na wonej demonstraciji, ale přepytowanje prašenja, štó je zamołwity w zmysle zakonja wo zhromadźowanju a by dyrbjał zarjadowanje přizjewić. Tohodla tež prepošeni jako wobwinowaći deklarowani njejsu.

5. Budźe na kóncu něchtó zasudźeny?

To jasne njeje. Jeli njeda so naležnosć dokładnje wujasnić, so jednanje zastaji. A ja wočakuju, zo wujasnjenje jim so njeporadźi, wšako su woni samo na woprawdźitych njeskutkach kaž móranja na wjesnych taflach abo wonječesćenje swjatych křižow a božich martrow dotal zwrěšćili.

Za wšě přichodne pady namakaće tule trěbnu cedlku za přizjewjenje:
http://www.landkreis-bautzen.de/download/allgemin/Versammlungen_Anmeldung_und_Merkblatt.pdf

A tule powšitkowne informacije:
http://www.mdr.de/sachsen/demonstrationsrecht100_page-1_zc-43c28d56.html

Dokumentacija stejišća Antje Hermenau:
http://www.l-iz.de/Melder/Melder/2014/07/Antje-Hermenau-Sorben-als-Staatsfeinde-56516.html

Aktualna rozprawa serbskeho rozhłosa MDR wo přepytowanju policije:
http://www.mdr.de/serbski-program/rozhlos/aktualne-prinoski/audio922312.html

Tehdomniša rozprawa MDR wo protestnej akciji:
http://www.mdr.de/sachsen/kaolin-rosenthal102_zc-f1f179a7_zs-9f2fcd56.html

Druhe rozprawy před poł lětom:
http://www.alles-lausitz.de/startseite/kamenz/10511922_Kraftvoller_Protest_gegen_den_Kaolinabbau.html

http://www.katholisch.de/de/katholisch/themen/news/page_news.php?id=28546

http://www.wochenkurier.info/sachsen/staedte-gemeinden/oberlausitz/kamenz/nachrichtendetails/obj/2014/02/21/protest-gegen-kaolinabbau-in-rosenthal-geht-weiter/

Serbski zakoń: Statnik a Gebhardt přezjednaj

30. Juli 2014

Statnik_Gebhardt_muzej

Gebhardt z hosćom pola Domowiny

Načolny kandidat strony Lěwicy za wólby do Sakskeho krajneho sejma, Rico Gebhardt, zetka so w Budyšinje z předsydu Domowiny Dawidom Statnikom. Tema rozmołwy běchu mjez druhim wólbne prašenja, kiž je Domowina započatk měsaca kandidatam pósłała.

Narěčane bu tež njedawne postupowanje třoch jednotliwych zapósłancow krajneho sejma nastupajo móžneho nowelěrowanja serbskeho zakonja. Statnik wobkrući, zo njeje to tema za wólbny boj, „ale zo měli po wólbach na zakładźe wobsahoweho přemyslowanja rozjimać, hač mamy potrjebu”. Domowina a rada za serbske naležnosće měłoj so při tym słyšeć a akceptować. Frakciski a zdobom krajny předsyda Gebhardt na to pokaza, zo steji frakcija Lěwicy dale k přilubjenju, zo móžne přemyslowanja jeničce z Domowinu a na zakładźe mnohotneho měnjenja přewjedu. Wón widźi rozdźěle mjez braniborskim a sakskim politiskim systemom, kiž maja so do přemyslowanjow sobu zapřijeć. Tole zdźěleše předsydźe Domowiny hižo dnja 07.07.2014 pisomnje z listom.

Zetkanju přizamkny so dwuhodźinski wopyt Serbskeho muzeja, hdźež wjedźeše Statnik Gebhardta po wustajeńcy a jemu stawizny a situaciju Serbow zwobraznješe.
Gebhardt k tomu: „Spóznaju, zo su Serbja wosebite bohatstwo za naš kraj a zo žada sebi jich situacija wosebite naprawy, zo bychu swójski puć kročić móhli. K tym słuša wosebje prawo sobupostajowanja. W tym widźu Domowinu jako dobreho partnera politiki.”

NOWINSKA INFORMACIJA DOMOWINY

http://www.mdr.de/serbski-program/rozhlos/powesce/powesce2138.html#anchor1

Snowden serbsce w Budyšinje

29. Juli 2014

Mój šef Rico Gebhardt njemóžeše so dźensa připołdnju dodźiwać: Snowden wosrjedź Budyšina na němsko-serbskej tafli! Gramatikalisce drje dwělomna, ale njedźiwajcy toho zajimawa wěcka. A zawěsće zaso so ludźo prašeja: Štó to bě?!

Pokiw na postajenje pacienta – delnjoserbsce!

28. Juli 2014

Patientenverfügung in Niedersorbisch

Statoškit Zhorjelskeje policije přepruwuje demonstraciju katolskich Serbow přećiwo wudobywanju kaolina w Róžeńće

28. Juli 2014

Dokumentacija:

Kosel: Fragwürdige Ermittlungen des Staatsschutzes gegen katholische Sorben – Versammlung „Rosenthal wehrt sich [gegen] Kaolinabbau” im Visier

Zu den aktuell bekannt gewordenen polizeilichen Ermittlungen wegen der Versammlung „Rosenthal wehrt sich [gegen] Kaolinabbau” erklärt der sorbische Abgeordnete und minderheitenpolitische Sprecher der Fraktion DIE LINKE im Sächsischen Landtag, Heiko Kosel:

(čitajće dale tule)

http://www.linksfraktionsachsen.de/index.php?section=news&cmd=details&newsid=3148&teaserId=6

Pozdatne přeńdźenje přećiwo zakonjej wo zhromadźowanjach:
http://www.mdr.de/sachsen/vorladung-kosel100_zc-f1f179a7_zs-9f2fcd56.html

Štož sej druzy mysla, štó my smy

28. Juli 2014

http://crowdspondent.de/2014/07/25/schaut-euch-weg-wer-sind-eigentlich-die-sorben/

Zajmawe widejo młodeju žurnalistkow

Kak wonej dźěłatej, zhoniće tule:

http://crowdspondent.de/uber-das-projekt/

Wusłyš nas, Hynco, w rěčnej nuzy!

25. Juli 2014

Zo njeby nałožowanje rjaneje serbšćiny k rakecam jěło, je nam wšěm dr. Hync Rychtaŕ z Lipska k pomocy. Studenća dyrbjachu so drje z nim rozžohnować, přetož chce so Hync na wuměnk podać – poprawom njepředstajomne!

To pak prosće njeńdźe, trjebamy jeho nuznje za saněrowanje hustodosć skomoleneje serbšćiny – z němskej fonetiku, demontowanej gramatiku, słowoskładom mjez pěstowarnju a zakładnej šulu. Tohodla tule pokiw na najwažnišu serbsku stronu w interneće:

https://sites.google.com/site/hyncowastrona/

So wě, zo so dalšich jeho hóstnych přinoškow nadźijam kaž tónle hižo w Piwarcu wozjewjene:
https://piwarc.wordpress.com/2012/01/06/hync-rychtar-hostny-prinosk-z-aktiwnje-nalozowanej-recu-wso-steji-abo-pada/

W tutym zmysle: ad multus annos we winicy rěče na dobro derje serbowacych přichodnych generacijow, kotrež su tuchwilnu mizeru přewinyli – tež dźakowano pokiwam-pomocy „wuměnkarja“ Hynca Rychtarja!

Domowina k serbskemu plakatej NPD

24. Juli 2014

Nowinska zdźělenka Domowiny

Zatrašenje nastupajo dwurěčny serbsko-němski wólbny plakat NPD

Předsyda Domowiny, Dawid Statnik pokaza so zludany přez dwurěčne serbsko-němske wólbne plakaty NPD w Sakskej. K tomu wón praji:
“Znjewužiwanje serbskich hódnotow w prawicarsko-populistiskim wólbnym boju so z našeje strony njepřeje. Hódnoćimy tutu akciju jako jeničce njelepe a njesprawne wašnje sebi hłosy zdobyć.
W padźe NPD měło so cyłkowne wólbne zadźerženje tuteje strony hódnoćić. Plakatowe akcije, kaž wone přećiwo awtochtonej mjeńšinje Sinti a Roma, pokazaja woprawdźite mjezwočo tuteje strony.”
Dawid Statnik, kiž je zdobom předsyda Mjeńšinoweje rady štyrjoch awtochtonych mjeńšinow Němskeje praji k tomu dale: “Wosebje my jako mjeńšina wěmy, što prawicarski populizm w našim kraju načinić zamóže. Narodne sebjewědomje Serbow njeměło so tuž jako přičina wothódnoćenja abo wuzamknjenja tamneho w zmysle wuprajenja “domiznu škitać” znjewužiwać. Skerje je to prašenje nutřkowneho nastajenja k swojim stawiznam a swojemu pochadej.

Bestürzung bezüglich zweisprachig sorbisch-deutscher Wahlplakate der NPD

Der Vorsitzende der Domowina, David Statnik zeigt sich bestürzt über die zweisprachig sorbisch-deutschen Wahlplakate der Partei NPD in Sachsen. Hierzu sagte er:

“Der Missbrauch sorbischer Werte im rechtspopulistischen Wahlkampf ist unsererseits nicht gewünscht. Wir werten diesen Akt lediglich als plumpe und unlautere Stimmenhascherei. Im Falle der NPD habe man das gesamte Wahlverhalten der Partei zu werten. Plakataktionen wie die gegen die autochthone Minderheit der Sinti und Roma zeigen das wahre Gesicht dieser Partei.“ David Statnik, der zugleich auch Vorsitzender des Minderheitenrats der vier autochthonen Minderheiten Deutschlands ist, hierzu weiter: “Besonders wir Minderheiten wissen, was der Rechtspopulismus in unserem Land anrichten kann. Traditionsbewusstsein hat meines Erachtens nichts mit Heimatschutz zu tun. Vielmehr ist es eine Frage der inneren Haltung zur eigenen Geschichte und Herkunft. Hierzu muss ich niemanden abwerten oder ausgrenzen.”

Dalše zdźělenki:

Rico Gebhardt k plakatej a wozjewjenju NPD: „Gipfel der Frechheit und Dummehit“:
http://www.linksfraktionsachsen.de/index.php?section=news&cmd=details&newsid=3146&teaserId=6

Nacisća chcedźa serbskokatolske hłosy měć – bjezwuhladna kampanja

23. Juli 2014

Njebudu serbski plakat nacijow dospołnje dokumentować – mały wurězk dwurěčneho hesła a znjewužiwaneho křižerskeho konja dyrbi dosahać. NPD so na nowu zaměrowu skupinu měri: katolskich Serbow.

W dźensnišej nowinskej zdźělence k předstajenju prěnjeho serbsko-němskeho plakata prawicarskoekstremistiskeje strony, z kotrymž chcedźa so přichodne tydźenje w serbskich wsach pokazać, tči trójna strategija:

zredukowanje CDU na lobby za mošeje, šwulnych a rozpušćenje tradicionelneje swójby, "wopodstatnjene" z difamowanjom jednotliwych křesćanskich demokratow. Zdruha chwalospěw na hajenje hódnotow a awtochtonych nałožkow, kotrež k sakskej domiznje słušeja. Střeća přilubjeny škit naličenych serbskich nałožkow kaž "procesiony wulki pjatk". Pohanscy bruni to wšo wězo tak dokładnje njeznaja.

Bohužel su woni na zakaz Katolskeho Posoła, druhich serbskich medijow, serbskich organizacijow a zjawneho nałožowanja maćeršćiny Serbow w "třećim rajchu" politiskich prjedownikow NPD "zabyli". So wě, zo nic zabyli, wšako je wotpósłar zdźělenki najhórši škarak načasnych nacijow w Sakskim krajnym sejmje, Jürgen Gansel, kiž so rady ze stawiznami zaběra.

Wón je hižo před lětami "přikładny patriotizm" Serbow Němcam w parlamentariskej narěči poručił. Nětko we wulkej nuzy – NPD leži we wšěch demoskopiskich woprašowanjach jasnje pod pjeć procentami – wón so na tutu taktiku dopomni. To pak jim pomhać njebudźe.

Nihdźe w Sakskej njeje NPD stajnje hubjeńšo wotrěznyła hač w katolskich Serbach. Tule ludźo hladajo na stawizny wědźa: Nacijow njewolić je jedna z najwažnišich naprawow škita serbskeje domizny. A tak to tež při wólbach 31. žnjenca zaso budźe.

Nimo toho njejsu NPDnicy na wědomje brali, zo su katolscy Serbja drje swěrni swojej tradiciji, ale zdobom přeco wotewrjeni cyłemu a wosebje słowjanskemu swětej. To pak njejsu nacisća w Němskej ženje byli.