Naprašniki kandidatam k wólbam do Sakskeho krajneho sejma

Předsyda Domowiny Dawid Statnik je so nětko z wobšěrnym naprašnikom na kandidatow k wólbam do Sakskeho krajneho sejma wobroćił.

W srjedźišću steji prašenje, kak chcedźa so woni za zachowanje a nałožowanje serbskeje rěče a kultury angažować, na přikład při nałožowanju serbšćiny jako runohódneje rěče abo k zwyšenju akceptancy serbšćiny w zjawnosći. D. Statnik złožuje so w swojim wjacestronskim lisće mjez druhim na Ramikowe zrěčenje k škitej narodnych mjeńšin, na Europsku chartu regionalnych abo mjeńšinowych rěčow a dalše zakonje w Sakskej hač k Planej naprawow Sakskeho statneho knježerstwa k pozbudźowanju a k wožiwjenju wužiwanja serbskeje rěče z lěta 2013.

Naprašniki su so dotal pósłali stronam CDU, SPD, FDP, Lěwicy, Zelenym a AfD z próstwu wo wotmołwy hač do kónca tutoho měsaca. W přichodnych dnjach chce Domowina nimo toho direktnych kandidatow demokratiskich stronow w Serbskim sydlenskim rumje narěčeć. „Wotmołwy budu nam wažny zakład dialoga ze sakskimi politikarjemi w přichodnej wólbnej dobje. Potom so wopokaza, hač slěduja jich słowam tež skutki”, praji předsyda Domowiny.

NOWINSKA INFORMACIJA DOMOWINY

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: