Nócne rozprawy w parlamenće – Serbja z njedebatu diskriminowani?

Bě wosrjedź nocy, w jednej, hdyž měješe sakski socialdemokrat Karl-Heinz Kunckel swoju poslednju narěč jako zapósłanc krajneho sejma. Na dnjowym porjedźe steješe rozprawa wo połoženju serbskeho ludu. To bě před dźesać lětami.

Kulturny politikar Kunckel je runja wšěm druhim tehdomnišim rěčnikam jemu přizwoleny čas za narěč najebać nócnu hodźinu dowučerpał. Lětsa staj dwajo skrótka rěčałoj, doniž njejstaj wjetši dźěl swojeho předwidźaneho teksta k prorokolej dałoj. Druzy su so dospołnje rěčenja wzdali, byrnjež rozprawa tón raz "hižo" połdra hodźiny do połnocy z temu była.

W parlamenće steja na spočatku wuradźowanjow aktualne debaty, potom naćiski zakonjow, na třećim městnje su namjety frakcijow a po nich rozprawy – społnomócnjeneju za wukrajnikow a datowy škit, wo połoženju serbskeho ludu atd. Prezidij sakskeho sejma dźiwa na to, zo so dnjowy porjad po móžnosći wječor w dźewjećich skónči.

Ale srjedu bě zaso wuwzaćna situacija: Bilancowe knježerstwowe wozjewjenje ministerskeho prezidenta scomter debatu wo nim a skónčenje přepytowanskeho wuběrka wo wobchadźenju wěstotnych organow z teroristiskej cwólbu NSU. A tak njebě serbska tematika někak w sydmich na dnjowym porjedźe, ale napoł jědnaćich.

Šěrša zjawnosć so tak a tak lědma za debatu wo tajkich rozprawach zajimuje. Wuwzaće bě prof. Gillo, społnomócnjeny za wukrajnikow, kiž zamóhł předstajenje rozprawy ze spektakularnym žadanjom zwjazać – za decentralnymi kwartěrami požadarjam azyla.

A Gillo by wězo tež rano w dwěmaj z połnej paru rěčał, a zapósłancy bychu poskać dyrbjeli :-).

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: