Frakciska předsydka Zelenych so z předsydu Domowiny zetkała

Zhromadna nowinska zdźělenka frakcije Zelenych a Domowiny

Budyšin/Drježdźany. Wčera (štwórtk, 14.08.) zetka so w Budyšinje Antje Hermenau, předsydka frakcije Zwjazk 90/Zeleni w Sakskim krajnym sejmje, z předsydu Domowi-ny Dawidom Statnikom. Na zetkanju wobdźělištaj so tež kandidataj Zelenych do kraj-neho sejma Franziska Schubert a Jens Bitzka z Łužicy.
Rozmołwa słužeše wosebje mjezsobnej informaciji. Temy běchu mjez druhim finan-cowanje serbskich wobsahow do přichoda, wotpohlad třoch zapósłancow, nowelěro-wać Sakski serbski zakoń a dalewuwiće samo- a sobupostajowanskich prawow serbskeho luda.
„Sakski krajny sejm měł w přichodnej wólbnej dobje pruwować, hač su tuchwilne wólby čłonow Rady za serbske naležnosće přez Sakski krajny sejm hišće načasne”, tak Antje Hermenau. “Přeju sej, zo so sobuskutkowanske a samopostajowanske prawo serbskeho luda zesylni. Namjet direktnych wólbow serbskeho zastupnistwa přez Serbowki a Serbow je mi jara sympatiski. Kak móhł tajki model wupadać, bych chcyła rady ze Serbowkami a Serbami diskutować.”
W tutym zwisku namjetowaše Hermenau, zhromadne dźěło intensiwować a na přikład zhromadnu lisćinu prioritow nadźěłać.
Dawid Statnik widźi w tutym namjeće móžnosć, “zo wobě stronje swoje zaměry na dobro serbskeho luda docpějetej. Rozsudne při tym pak je, zo so historisce rosćene rozdźěle mjez Sakskej a Braniborskej wobkedźbuja. Tohodla su za mnje wočako-wanja našich župow a towarstwow wažne. W jich nadawku jednam.”
W Serbskim muzeju informowachu so hosćo wo stawiznach a přitomnosći Serbow.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: