Brunica: Domowina so wobdźěli na čłowječim rjećazu přećiwo wotbagrowanju – solidarna

Sobotu, dnja 23.08.2014 wot 13.45 hodź. wotměje so w Kerkojcach (Kerkwitz) pola Gubina hač do Grabice (Pólska) „Human chain“ − čłowječi rjećaz přećiwo wotbagrowanju brunicy (Anti-Kohle-Menschenkette). Akcija přewjedźe so jako dźěl Łužiskeho klimoweho campa w Kerkojcach. Jako zastupjerjo Domowiny wobdźěla so na njej mjez druhim čłonojo zwjazkoweho předsydstwa Marcel Brauman, Jurij Łušćanski, Jan Nuk a Chrysta Meškankowa.

Domowina angažuje so wotpowědnje swojemu programej za zachowanje serbskeho sydlenskeho ruma a podpěruje bój wobydlerstwa, kotrež je wot dewastowanja potrjechene. Mjez druhim je zwjazkowe předsydstwo w septembrje zašłeho lěta w swojim stejišću k naćiskomaj brunicoweju planow wotpokazało rozšěrjenje wotkryteju jamow Wjelcej-juh a Wochozy a žadaše sej rjadowane a planowane srjedźodobne kónčenje wudobywanja a zmilinjenja brunicy w serbskim sydlenskim rumje. “Kerkojcy njesłušeja do serbskeho sydlenskeho ruma, tola nam je wažne, zo smy tam prezentni a solidarni”, praji předsyda Domowiny, Dawid Statnik.

Tuchwilu běži planowanski proces za rozšěrjenje brunicoweje jamy Janšojcy. W padźe přizwolenja bychu byli Kerkojce, Wótšowaś (Atterwasch) a Grabk (Grabko) wot wotbagrowanja wsow a přesydlenja nimale 1.000 wobydlerjow potrjechene. Přećiwo tomu wupraji so tež Župa Dolna Łužyca z. t. a solidarizuje so z bojom potrjechenych.

NOWINSKA INFORMACIJA TRĚŠNEHO ZWJAZKA

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: