Přichodne sakske knježerstwo snadź tola bjez kuchinskeho blida – Zeleni zwólniwi?

Hač móže so načolny politikar SPD w Sakskej, Martin Dulig, po wólbnym boju ze swojim kuchinskim blidom nětkole z nim do knježerstwa podać, hišće jasne njeje. Přetož tuta po měnjenju profesionelnych krajnopolitiskich wobkedźbowarjow najbóle prawdźepodobna warianta přichdneje koalicije w swobodnym staće – CDU/SPD – dóstawa dale a sylnišu konkurencu: CDU/Zeleni.

Šwedski koncern Wodopad by najradšo swoje jamy předał, přetož njedźelu budu w maćernym kraju předewzaća wólby a so wjetšina přećiwnikow dalewjedźenja brunicowych jamow wočakuje. To su tež lěpše ramikowe wuměnjenja za čorno-zelenu koaliciju w Sakskej, wšako je najprominentniša zastupjerka Zelenych Antje Hermenau dawno formulu kompromisa pasliła: Nowe brunicowe milinarnje smědźa dale bežeć, doniž njebudu amortizowane, ale žane wotkryće nowych jamow hladajo na to, zo so tuchwilu połojca zmilinjeneje brunicy ze Sakskeje eksportuje.

Što by to za "Wochozy II" rěkało, tuchwilu nichtó njewě, wšako je tuta jama poprawom po dołholětnym planowanskim procesu politisce wobzamknjena, jenož posledni "kołk" Wyšeho hórnistwoweho zarjada pobrachuje. Ale – hlej njejapki wustup z atomoweje energije: Hdźež je kruta politiska wola, tam je puć.

CDU by ministerka Eva-Maria Stange (SPD) zalutowana wostała, kotraž po měnjenju nawjedowacych křesćanskich demokratow hižo tehodomnišu čorno-čerwjenu koaliciju jako ministerka za wědomosće "wobćežowaše". W padźe horjeka mjenowaneje konstelacije by za Serbow prěnjotnje přisłušne ministerstwo najskerje w rukach CDU wostało, Hermenau financne ministerstwo přewzał a druhi politikar Zelenych ministerstwo za wobswět.

Dotalny financny minister Unland, něhdyši rektor Freibergskeje uniwersity, by móhł so z ministrom za wědomosće stać, wšako za knjeni von Schorlemer tak a tak derje njewupada. A tak by serbski ministerski prezident zwjazkowej kanclerce připódla pomhać móhł, za 2017 alternatiwu k wulkej koaliciji w najwjetšim wuchodoněmskim kraju za cyłu Němsku testować. Krajna rada sakskich Zelenych je z njewočakowanym nimale jednomyslnym wotumom za rozmołwy z CDU prěnju etapu zahajiła.

Znaty zapósłanc za čorno-zelenu koaliciju w Sakskej:
http://www.mdr.de/mediathek/radio/mdr-info/mdrinfozumnachhoeren100.html#

2 Antworten to “Přichodne sakske knježerstwo snadź tola bjez kuchinskeho blida – Zeleni zwólniwi?”

  1. student Says:

    Ale hač budźe CDU riziko na so wzać, zo jenož z jednym hłosom wjac w sejmje knježi? To je tola strašne, wšako móže tak opozicija do knježenja zapřimnyć! Mój Božo!!

    Bych to na kóždy pad witał, zo dóstanu Zeleni wjac mocy a móža sobuknježić, ale mam strach, zo budźe jich wulka CDU srěbnyć a jim wšitko nadiktować za to, zo smědźa so Zeleni jónu kaž honače čuć…

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: