Na serbsko-němskej rěčnej mjezy

W programowym zešiwku lětnjeho dźiwadła Serbskeho ludoweho ansambla (SLA) na Jakubecec twjerdźiznje protyčku přichodnych zarjadowanjow wuhladawši sym z wosebitym zajimom posledni termin na wědomje wzał: swjedźeń přewinjenja hranicow na serbsko-němskej rěčnej mjezy w Žuricach 26. požnjenca – jedyn dźeń po 45. narodninach intendantki :-).

Naše kónčiny steja we wólbnjej statistice po lětušim 31. žnjencu na čole wuspěcha AfD/NPD, lobbyistow nowych hranicow. Tohodla je program SLA dobra wuměłska wotmołwa na bruno-módry politiski trend w regionje, kiž je Serbam, ale tež nahladnosći Budyšina na škodu.

Zdobom je zajimawe, zo leži rěčna mjeza tule hižo lětstotki dołho na dźensnišej optiskej hranicy mjez serbskim a němskim swětom – na trasy awtodróhi Drježdźany-Zhorjelc. To je změrowace znamjo historiskeje stability serbskeho kraja. So wě, zo smy dźensa w swěće njewobmjezowaneje mobility wšudźe na rěčnej mjezy žiwi – w kóždej wjesce a nimale w kóždej swójbje.

To pak njeje zlě: Žuricy pokazuja, kak Serbstwo a serbšćina na wšě časy žiwe wostanjetej – sebjewědomje a swětej wotewrjenje na rěčnej mjezy eksistujetej. Přičiny dosć za wulki swjedźeń!

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: