Posudk lobby-wuběrka k debaće wo listowanju

DOKUMENTACIJA

Lobby-wuběrk Domowiny je so po lětnich prózdninach na poziciju k aktualnej debaće wo zjawnym lisće a iniciatiwje za nowelěrowanje serbskeho zakonja w Sakskej dorozumił. (Informaciska předłoha čo. 48/2014 za posedźenje zwjazkoweho předsydstwa 13.9. w Budyšinje, zapodata wot předsydy wuběrka Marcela Braumana)

Sćěhowy posudk dawamy čłonam zwjazkoweho předsydstwa a wšěm zajimcam na wědomje:

1. Předsyda Domowiny, Dawid Statnik, je w lisće wšelakim politikarjam jednomyslne stejišćo zwjazkoweho předsydstwa sposrědkował, zo nochcemy so z tematiku ewentualneho nowelěrowanja serbskeho zakonja w Sakskej w času wólbneho boja zaběrać. Podpěrujemy tute postupowanje a wobžarujemy, zo buchu z kruha adresatow woprawnjene wobmyslenja Domowiny w medijach skandalizowane.

2. Witamy, zo je Domowina na njedawny zjawny list w tutym zwisku z poskitkom wotmołwiła (hlej wotpowědnu nowinsku zdźělenku), měnjenje podpisarjow do dalšich diskusijow zapřijeć. To je wobkrućenje zwólniwosće třěšneho zwjazka, ze wšěmi dialog pěstować, kotřiž chcedźa na dobro serbskeho ludu skutkować.

3. Smy jako lobby-wuběrk ze zastupjerjemi iniciatiwneje skupiny za serbski sejmik we wothłosowanju z předsydu Domowiny dialog wjedli z wuslědkom kataloga prašenjow a wotmołwow, dospołnje dokumentowanych w Serbskich Nowinach, zo by sej kóždy swoje měnjenje k tomu tworić móhł. To bě wažny přinošk k zjawnej transparency. Wotpowědnje wuprajamy so nětkole za so hodźacu formu diskusije třěšneho zwjazka ze štyrceći podpisarjemi zjawneho lista.

4. Domowina je jako třěšny zwjazk serbskich towarstwow, připóznata zastupjerka zajimow Serbow a partnerka komunalneje, krajneje, zwjazkoweje a europskeje politiki legitimowana, so z platformu nutřkoserbskeho dorozumjenja k wšěm konkretnym a powšitkownym prašenjam zastupnistwa serbskich zajimow na wšelakich runinach stać. Naše programatiske zakłady zamołwitosć, wotewrjenosć a zwjazanosć njech su nam z orientaciju. Tomu dyrbimy tež atmosferisce hišće bóle wotpowědować. Tomu pak njetyje, hdyž jednotliwcy spytaja, němskich politikarjow přećiwo Domowinje mobilizować – to je z našeho wida nadběh přećiwo suwerenemu sebjepostajowanju serbskeho ludu. hlej 1)

5. Měritko za móžne rozmyslowanje wo ewentualnych změnach sakskeho serbskeho zakonja njech su jeničce konkretna situacija Serbow w Sakskej a w serbskim ludźe samym artikulowana potrjeba dalewuwiwanja zakonskich postajenjow. Sakska njeje Braniborska. Wotpokazujemy zjawny ćišć přez abstraktne prawniskopolitiske diskursy. W tutym zmysle zasadźujemy so za wěcownu diskusiju a mamy rozmołwy, kotrež je předsyda Domowiny w tutej naležnosći hižo z wjele zamołwitymi politikarjemi wjacorych stron wjedł, za dobry započatk.

1) http://www.bild.de/regional/dresden/dr-matthias-roessler/sorben-aufstand-gegen-domowina-37401142.bild.html

10 Antworten to “Posudk lobby-wuběrka k debaće wo listowanju”

  1. Hanso Says:

    To su ličby. Mamy něhdźe 50000 Serbow we Łužicy. W Domowinje je jenož něhdźe 7000 čłonojow. To je mjenšina w serbskim kraju.

  2. guido Says:

    Haj, je pak hypotetiska wjetšina, dokelž wjetšeho cyłka njeje, resp. njeje móžno zwěšćić/wutworić. Pola ver-di, ADAC, DGB abo mjedla tej DFB a DOSB to podobnje je. Kóždy njeje z čłonom ale woni jednaja za cyłk, štož je z blakami tej jich premisa.

  3. Jurij Ł Says:

    Hansko, Twoja diskusija je tola dawno stary škórń, jedyn z najstaršich, kotrež smy hdy měli. Pohladaj tola jónu do statistiki, kelko matej CDU a SPD čłonki/čłonow a přirunaj čłonstwo z wobydlerstwom Němskeje. CDU ma 467.000 a SPD ma 474.820 na 80,62 milionow wobydlerstwa Němskeje. Procentualne ličby su potajkim po Adam Ries tele
    CDU přisłušeja 0,58 % wobydlerstwa Němskeje a
    SPD 0,59 % „stärkste Partei Deutschlands!“
    A wobě stronje postajeja a knježa nad wjetšinu a mjeńšinami – a to njehladajo přiběraceho snadnuškeho wobdźělenja pola wólbow…

    To smy tola z našej Domowinu z 14,4 % čłonstwa na 50.000 trochowanych, dokelž po zakonju nic přepruwowanych Serbow tajke něšto wot derje zastupjeni w němskim systemje, zo bóle a rjeńšo być njemóže. Nic ga.

    • mudračk Says:

      Małki rozdźěl pak je: 80,62 smědźa wolić (resp. 60 mio dokelz je zbytk pře młody), pola Domowiny pak jenož čłonojo a nic wšicy.

      Wothladajo wot teho: Njewěmy kelko Serbow smy ale tež nic kelko wosobow su w Domowinje. Čłonojo we wjacorych towarstwach so jako wjacori člonojo liča. N. př. młody Sokołc kiž je čłon Pawka a TCM so tróce liči. Hlej Ela w Rozhledźe 10/2012.

      • Wórša Says:

        K tomu móžu jenož dodać, zo njeznaju nikoho, kotryž je z Domowiny wuzamknjeny. Chibazo je někajki ekstremist. To rěka, štóž chce so z čłonom Domowiny stać to přeco smě. Tuta debata „čłon Domowiny być“ je njelogiska.
        Domowina je jedna wotewrjena třěšna organizacija a žadyn klub.

      • jakotar Says:

        Domowina je towarstwo a nic wotewrjena organisacija. Štóž chce so towarstwemu prawu a wustawkow Domowiny podrjadować a ma (małki) fenk za lětny přinošk wyše smě sobu skutkować. To su małke rozdźěle, ale su tola rozdźěle.

      • Fenkfufzig Says:

        A štóž raz domowinske wustawki čita, widźi, zo tam ničo wopačneho nutřka njesteji! Kóždy kotryž chce za serbstwo něšto hibać so rady tutym wustawkam „podwoli“!

  4. konrad m. Says:

    Haj a hdyž takle na to hladaš, dyrbiš zwěšćić, zo je na př. CDU, kotraž diriguje saksku politiku tež jenož 20 % hłosow wšěch Sakskich wólbokmanych dóstała. Na und?
    To samsne na př. w Serbskim šulskim towarstwje. Su da tam 100% serbskich wučerjow z čłonom? Ja sej skerje njemyslu. Postaja pak tež na serbskim kubłanskim polu tu a tam sobu – na und?

    Abo na př. Alfons Ryčer, kotryž je tajke něšto kaž jednaćel zarjadniskeho zwjazka. Je da jeho docyła lud wolił? Na und?
    Dyrbimy někle kóždu funkciju a kóždy pimpl „demokratisce legitimować“? To tola wšudźe je. Přez delegaciski přincip na př. – přez wólby do gremijow, zastupnistwow atd.

    Rěči da knjez Dyrlich na př. tež za wšitkich wuměłcow? Ja sej njemyslu, zo wón to po tutej argumentaciji smě. Přičimž knjez Dyrlich za najwšelakoriše klienteje rěči. Jónu jako zastupjer wuměłcow, jónu za SPD, jónu jako něhdyši šefredaktor a najradšo za wšitkich Serbow. Přiwšěm pak sej myslu, zo wón to jenož za to čini, zo by wón zaso raz w nowinje z wobrazkom był (-;

    Někajkich hinkacych přikładow je přeco dosć. Na und! Wšitcy na jich městnje nadźijomnje najmaksimalniše za Serbow zdokonjeja. A te samsne płaći tež za Domowinu, kotraž něk mol z wotstawkom najwjetši „player“ za zastupowanje serbskich zajimow je. Tučasne pospyty demontowanja Domowiny mi znajmjeńša „aufn Zeiger“ du a nam Serbam jenož škodźa. Přiwšěm. Najwjetšu škodu maja ći, kotřiž w tajkich dubioznych kruhach kaž iniciatiwneje skupiny serbski parlament abo Łužiskeje alijancy sobu měšeja, dokelž tajkich wjac chutnje brać njemóžeš. A hdyž hižo pola tuteje aliancy smy. Oh Gott. Štó ha ja tych docyła hižo raz wolił? Su da woni hdy raz w jednym wokrjesnym sejmiku sedźeli? Něk su čłon na europskej runinje. Jězus Marija. Ja so nadźijam EFA, abo kak te rěkaja, wědźa, koho su tam přiwzali 😉
    Něk chce alianca tež hišće domowinske znamješko znjewužiwać. Prajmo, kak hłupo da někotři su? Njech to raz na př. ze znamješkom statneje kenzlije spytaja, abo z logom Mercedes-Benz. To je tola jasne, zo nochce nichtó seriozny z tajkimi typami něšto činjenju měć a zo so Domowina z prawom přećiwo tajkim akcijam wobara!

    A 50000? Dopokazy!

  5. Hanso Says:

    Kóždy, kotryž chce za serbstwo něšto hibać, móže to činić, mojedla tež w Domnowinje, mojedla tež zwonka Domowiny.
    Ale: “so podwolić” !!! Sy ty podan? Znaješ ty připadnje knihu awtora Heinricha Manna „Podan“?

  6. guido Says:

    bravo Hanso, směš so z prawom na ramjo klepać. Sy knihu čitał? Haj? ale rozumił ju cyle wěsće njejsy – je to ručnik hdźe dyrbimy so na kedźbu brać!!! Nimotoho je Domowina jedne towarstwo – tam chowa so, kajke to potajnstwo, słowo towarš. Mjezsobny wobchad njej stajnje chwalobny, to je wěrno ale kóždy ma tam prawo k skutkowanju a je tež raznje namołwjeny to činić. Zo su ludźo (wosebje hdyž w tysacach rěčimy) wšelkeho měnjenja je samozrozumliwe a měło so tej respektować; na přikład pola brunicy… jedyn zhromadny konsens njeimplicěruje stajnje tež identiske měnjenja… to je w politice njemóžne.

    W šuli smy hustohdy słyšeli: „Njedawaja žane hłupe prašenja, jenož hłupe wotmołwy!“ Z přiběracymi nazhonjenjemi pak póznajemy tež hłupe prašenja: su to tajke kiž hižo w prašenju wotmołwu podaja abo wotmołwu do wěsteho směry ćěrja, bjeztoho, zo so rhetoriski stil pokaza. To mam za špatny mjezsobny wobchad aka chuda fara aka štóž njeje za nas… w tym padźe žana harmonija a wobstajnosć nas njewita

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: