Rozžohnowanja w krajnym sejmje

Tón napohlad na druhim poschodźe sakskeho parlamenta přichodny tydźeń hižo njebudźe. Bohudźak! By-li 800 wjac ludźi NPD woliło, by prawicarskoekstremistiska strona zaso w krajnym sejmje zastupjena była. Jasnišo je FDP zwrěšćiła, kotraž měješe swoje běrowy na prěnjej etaži. Wčera po wobjedźe dyrbjach so ze sympatiskim kolegu něhdyšeje liberalneje frakcije rozžohnować.

Hišće rumnosće 14 nowym zapósłancam prawicarskopopulistiskeje AfD k dispoziciji njesteja. Porno nim Zeleni swój wobłuk w domje znaja, hačrunjež su po wotstupje Antje Hermenau wot wosom čłonow najmjeńšeje frakcijow sydmjo nowačcy. 59 zapósłancow CDU namakaš na zwučene wašnje na třećim poschodźe, druhu najsylnišu frakciju Lěwicy kaž dotal horjeka na štwórtej etaži – ze 27 zapósłancami.

Štó so nětk wosebje w frakcijach serbskim naležnosćam wěnuje? W CDU zawěsće dale Marko Šiman, SPD dyrbi najprjedy koaliciske jednanja dokónčić, doniž njebudźe personelnych rozsudow w frakciji. Nastupajo AfD hišće nichtó ničo njewě, a pola Zelenych změju Serbow z Franzisku Schubert z Hornjeje Łužicy přichodnje dobru partnerku. W frakciji Lěwicy je Kathrin Kagelmann z Niskeje zwólniwa, rěčnica na polu serbskich temow być. Wona je loni w zwisku z problematiku brunicy we Wochozach na posedźenju zwjazkoweho předsydstwa přeswědčacy rěčała.

Nimo Stanisława Tilicha (CDU) najskerje – jeli sym prawje informowany – w nowym sejmje žadyn zapósłanc njeje, kiž běžnje čěsce a pólsce móže, po tym zo Hajko Kozel hižo z čłonom parlamenta njeje. Wón je w třoch legislaturnych periodach 117 narěčow w plenumje sakskeho parlamenta dźeržał. Hač Chróšćan zběžk abo kaolin w Róžeńće, při kóždym serbskim problemje minjenych pjatnaće lět bě wón jako Serb-Lěwicar w sejmje a zwonka njeho aktiwny. Zdobom je wón syć dźěłowych poćahow k lěwicarskim a druhim politikarjam susodneju słowjanskeju krajow natwarił a pěstował.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: