„Hišće“ dyrbi preč, „hižo“ njech je hesło noweje serbskeje doby

Tónle "hišće", kiž steji na spočatku abo kóncu nimale kóždeho powědanja wo Serbach kaž tule w kónctydźenskim wudaću ND składnostnje europskeho dnja rěčow, dyrbimy wotbyć. Smy sami na tym wina, zo so wo nas rěči kaž wo starcu, kotryž praji: "Hišće móžu so wo dom a zahrodu starać…"

25 lět po měrliwej rewoluciji a potom wotwiwanju resp. wuwiwanju wšelakeho stareho a noweho je najwjetši čas za nowu serbsku dobu ze słowom "hižo", pokazujo za potencial přichoda. K tomu jenož "hišće nic" w zmysle wuprajenja młodeho porika: "Dźěći hišće nimamoj."

Připódla prajene móže tež starc w swěće zapřijeća "hižo" žiwy wostać, hdyž wón "my" praji, sebje samoho jako dźěl socialneho cyłka widźi, kiž potom młódši dale powjedu. Mamy dosć młodźinskich klubow, młodych serbskich swójbow, žiwu kulturu wšěch starobnych skupin a přiběrajcy serbsku komunikaciju tež w interneće, potajkim wjele potenciala přichoda.

Hižo smy serbscy we wjacorych wobłukach žiwjenja – dalše chcemy sej wotkrywać a wudobywać. Njejsmy stary lud pod hesłom "hišće", ale młody lud w duchu "hižo" resp. "hišće nic". To njeje ćežko zwoprawdźeč, ale prašenje zaměrneho sebjeprogramowanja. A wažny přinošk k dobrej naledźe město zrudneho skorženja.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: