Brunica: Ze šwedskej pomocu přećiwo němskej politice – kak to dźe?

Kak móže to być, zo šwedska politika w Němskej brunicowym jamam zadźěwa, kotrež stej krajnej knježerstwje Braniborskeje a Sakskeje wobzamkłoj? Šwedski koncern Vattenfall ma prawnisce dowolnosć za wudobywanje brunicy, ale nic winowatosć, to tež činić.

Čehodla reaguja nětk politisce zamołwići našeho regiona tak bjezradnje abo rozhorjenje, kaž tuchwilu we medijach abo w Knize wobličow – hlej wótru reakciju Piwarza na Piwarca? Dokelž su woni jednostronsce z tym ličili, zo póńdźe na kóždy pad z brunicu dale, pak Šwedska to čini pak wona jamy druhim předa.

Je skónčenje wudobywanja brunicy na tutym administratiwnym puću noweho šwedskeho knježerstwa docyła prawdźepodobne? To je prašenje płaćizny, kotruž je zdźěłany skandinawiski lud zwólniwy, za škit klimy na swěće a krajiny/kultury we Łužicy zapłaćić. Najekstremniša warianta: Vattenfall dyrbi šwedskeje politiki dla bagry stejo wostajić, ale wot němskeje politiki dowolnosć za druhe wužiwanje płoninow njedóstanje. To je šwedskim dawkipłaćerjam najdróši scenarij.

Što budźe z dźěłowymi městnami w brunicowej industriji? Za kóždeho dźěłaćerja w zwisku z jamu Wochozy II dyrbi so jedyn druhi čłowjek swojeho domu wzdać. Bjez strukturneje změny tak a tak žanoho dołhodobneho přichoda socialnje a ekologisce znjesliweho hospodarstwa z dobrymi a zdobom zmysłapołnymi dźěłowymi městnami njebudźe. Doba zahubneje industrijneje monostruktury so nachila.

Kak nětk dale póńdźe? Najbóle strukturnokonserwatiwne dźěłarnistwo IG BCE budźe masiwnje politisce mobilizować a spytać, na socialdemokratow w šwedskim knježerstwje ćišć wukonjeć. Tohodla dyrbimy zhromadnje ze wšěmi móžnymi partnerami dale a ofensiwnišo ze zjawnymi akcijemi w Němskej a Šwedskej, z manifestacijemi, listami, wustupami w medijach a inteligentnym protestom tónle wčera wozjewjeny přewrót škitać a podpěrować.

Zaměr je klasiski kompromis: žane wjeski hižo njewoprować, šmórnjenje wotkryća jamow Wochozy II a Wjelcej juh II. Ale wuběženje wobstejacych jamow w běhu dwaceći plus x lět, z energijowopolitiskich přičin a dźěławych w brunicowej industriji dla, kotřiž trjebaja nětk dźěło a pozdźišo nowu perspektiwu.

A štóž je dźensa w starobje 40+, móže potom hač k wuměnkej hórnik wostać, štož je wulki priwileg pod dźensnišimi wuměnjenjemi. Štó hewak ma běrtlk lětstotk dołho samsne dźěłowe městno scomter dobrej mzdu atd. zaručene? Zo pak tuchwilu ani wjes z tradiju pjeć stow lět prawo na eksistencu nima, je njeakceptabelna diskriminacija, kotruž mamy ze šwedskej pomocu wotwobarać.

4 Antworten to “Brunica: Ze šwedskej pomocu přećiwo němskej politice – kak to dźe?”

  1. brunicaŕ Says:

    A jo Domowina po tutych powěsćach něnt jasoła? Ja se to njamgu pśedstawić.

    To, co som wo wobchadanju z Thomasom Burchardtom w NC cytał, mě jano groni, až jo won za nich „Störfaktor“: Won wšuźi – tek ako zastupnik Domowiny w brunicowem wuběrku – jano ně k nowym jamam groni. Jano ně a nic wěcej!
    Ale ta naša luba Domowina (zarěd Domowiny a pśedseda Statnik) groni: „ně k nowym jamam, ale …“ a to de facto „jo, ale“. Njejsom žednje rozměł, dla cog se centralna Domowina pśichylujo poziciji kněžecych, kenž su za brunicu. Žednje nejsom rozměł, cogodla woni njejsu byli zwolniwe, se myslenju wo strukturnej změnje we Łužycy pśizamknuś
    Ja se teke myslim, až to njejo akceptabelna relacija: 1700 wotbagrowanych luźi jano we Slěpem – za 1700 źěłowych městnow, jolic jich docełeg telik jo. A to Domowina akceptěrujo???
    Źo jo waše swědobnje štycy wostało?

    • Die dralle Dirne Says:

      Luby brunicarjo,
      Stanik, Cyž, Brězanowa a co. du k pjenjezydawarjam, nic k přehračkam. Domowina njeje kulturna, ale politiska institucija. Domowina so jenož jako kulturna institucija předstaja. Njejsy najskerje wobraz widźał, na kotrymž snědatej Statnik, Brězanka z pjenjezydawarjom Tillichom (CDU): Breakfast at Tillich’s, mój lubuško!
      Z Duligom (SPD) njeje Statnik snědać móhł. Hódaj čehodla???? Dokelž Dulig pjenjezy nima. Tillich ale haj (1 mio. wjac na konće Załožby) haj:) Tak funguje swět, mój lubuško.
      Prašam so, čehodla njeorganizuje Wałda a co. hižo planowany Sejmik. Abo so wón boji?

  2. dr. Hync Rychtaŕ Says:

    Maš cyle prawje, puchotne holičo, wobrazy wjele wuprajeja, wobhladaš-li sej je dokładnje. Štó tam z kim a při kotrej składnosći kak pozěruje, přeradźa tójšto wo zwiskach, planach a wotpohladach w pozadku. Tak maja tež fota w nowinach wo wjele wjetši „wuznam“ a „woznam“ hač jenož być z ilustraciju za wokolny tekst. Słowam njewěr (bjeze wšeho), ale skutkam – a hladaj z wotewrjenymaj wočomaj na inscenaciju před kameru! Wuprajiwa symbolika! Ale kedźbu: tež při Breakfast at Tiffany’s so rjana fasada hakle krok po kroku drjebi a hłubše dohlady zmóžnja. Jednanje we filmje namaka zbožowny kónc, w knize pak nic. Tuž wšitko zaso wotewrjene …
    Hync Rychtaŕ

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: