Dźensa před 25 lětami w Lipsku – kotry postup je měrliwa rewolucija tež Serbam přinjesła?

Před 25 lětami demonstrowaše w Lipsku 80.000 ludźi přećiwo – statej njeprawdy? Runja Timej Meškankej bych prajił: diktaturje, wšako bě wony stat po proklamaciji wodźaceje strony diktatura proletariata. Dźensa mamy demokratiju, štož hižo na tym widźiš, zo njeje zestawa parlamentow hižo do wólbow znata… A zo móžeš přećiwo rozsudam zarjadow před zarjadniskim sudnistwom skoržić – tajke něšto w NDR njemějachu.

Haj wšak, město sprawnosće su prawniski stat dóstali, je so swětosławna wuchodoněmska wojowarka za wobydlerske prawa jónu hóršiła. Ale zrali demokraća wězo wědźa, zo je prawniski stat na zemi (!) złoto porno sprawnosći: Islamisća hinašu sprawnosć hač křesćenjo znaja, a mjez prawicarjemi a lěwicarjemi je dosć rozdźělow w zrozumjenju tuho zapřijeća. Pozdatna ryzy sprawnosć bjez regulow běše w stawiznach hustodosć wrota k najhóršemu terorej. Prawniski stat pak woznamjenja: Samsne prawidła za kóždeho – na zakładźe zaručenych čłowjeskich prawow.

Hač je so duch měrliweje rewolucije po zdaću pozhubił, kaž sakski ministerski prezident Tilich dźensa hladajo na to měnješe, zo je so połojca ludnosće wobdźělenja na wólbach wzdała, abo nic. Dokelž rěka swoboda, tež wolić hić njedyrbjeć. Fakt je, tež za Serbow, zo maš dźensa za swoje zaměry stajnje a wšudźe wabić a druhich wo swojich naležnosćach přeswědčeć. Ničo dołhodobnje awtomatisce njeběži. To je bóle napinace, ale tež zajimawšo a bóle wužadowace hač NDRske poměry.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: