Mytowanska manifestacija za wuznaće k Serbstwu w Błótach

Roža Šenkarjowa z Rownego, Měrćin Herrmann z Ćiska, Jadwiga Wejšina a Hilža Nukowa z Budyšina su nošerjo lětušeho Myta Domowiny, spožčeneho pjatk wječor na žurli Lubinskeho hrodu. Město drje na swojej internetnej stronje z dźěćimi w serbskej drasće wabi, ale nochce so dotal k serbskemu sydlenskemu rumej wuznawać. Tohodla steji na tafli při dróze na kromje města jenož němske pomjenowanje "Lübben".

A tohodla widźi předsyda Domowiny, Dawid Statnik, mytowanske zarjadowanje w Lubinje jako nastork za komunalnych zamołwitych, na zakładźe serbskeho zakonja w Braniborskej status města w Błótach realiće přiměrić. Apropos dźěći: Ansambl serbskeje zakładneje šule "Jurij Chěžka" Chrósćicy je Myto Domowiny za dorost dóstał – to bě wosebje Wórši Wićazowej, kotraž jim mjez druhim kruchi piše, a direktorej šule, Měrkej Šmitej, wulke wjeselo.

Čestne znamješko 2014 bu spožčene prof. dr. Luciji Hajnec, Joachimej Lipičej ze Žuric, Geratej Šołće à Janej Hrjehorjej z Konjec, Uwe Schusterej ze Židźinoho. Dalši lětuši nošerjo čestneho znamješka su Walter Rizo z Hochoze, Borbora Felberowa, Andrea Lanzyna z Konjec a Jurij Matka z Chrósćic. Rěčnicy laudacije běchu Trudla Kuringowa, Marhata Korjeńkowa, Harald Koncak a Marcus Koinzer.

W srjedźišću mytowanych wukonow steji na zwučene wašnje čestnohamtske a wusahowace powołanske prócowanje wo nałožowanje serbšćiny na kulturnym a kubłanskim polu. W swojich dźaknych słowach w mjenje wšěch wuznamjenjenych je Hilža Nukowa wjeselo nad serbowacymi dźěćimi a młodostnymi a zrudobu němcowacych serbskich swójbow dla zwurazniła.

Bóh dał, zo wo tym poslednim zjawje hižo bórze rěčeć njetrjebamy.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: