Hdyž su hólcy a holcy z Hornjeje Łužicy w Choćebuzu do šule chodźili

Poprawom njejsym přiwisnik awtobiografiskich knihow, z kotrymiž starši ludźo dokładnje wo podawkach resp. wobstejnosćach swojeje młodosće rozprawjeja. A potom móža w najlěpšim padźe něhdyši towaršojo na čitanja přichwatać a mjez sobu na zakładźe teksta swoje dopomnjenki wothłosować: Haj, tak je to było. Abo tež nic, wšako móžemy so ze swojimi rowjenkami najlěpje na najrjeńše zhromadne legendy dojednać 😉 .

Ale Jurja Kochowa kniha "Wětrnik na třěše" mi so lubi. Dokelž legendarna powójnska hornjoserbska pomoc, dawno wot Ponaschemu-aktiwistow pod hesłom "połsta komunistow z Hornjeje Łužicy je našu rěč skomolilo" zatamana, w knize wobliča a atmosferu dóstanje. Tež z hornjołužiskimi wučerjemi, kotřiž w Choćebuzu z hornjoserbskimi šulerjemi delnjoserbsce rěčachu.

So wě, zo słušeja k legendarnej literaturje tež tajke wěcki kaž "prěni symjenjowy zliwk" na stronje 18 (sic!). Hač chcemy to tak dokładnje wědźeć, je wšojedne. Bóle łoskoćiwe je wopisanje wuprajenja sportoweho wučerja, zo su cholowy při płuwanju njetrjebawši balast, a praktiskich sćěhow. To drje trjechi, ale dźensa by wučer najskerje krótko po prěnjej hodźinje z nahimi šulerjemi přestać dyrbjał, z wučerjom byč.

Njejsym wobžarował, zo sym so jako druhu knihu prózdninskeje lektury za "Wětrnik na třěše" Kocha rozsudźił, z kotrejž budu nětk rady pokročować. Hižo tohodla, dokelž njeje druheho serbskeho spisowaćela, kiž stajnje tak nazornje a zabawnje piše.

2 Antworten to “Hdyž su hólcy a holcy z Hornjeje Łužicy w Choćebuzu do šule chodźili”

  1. TaBeja Says:

    BWAAAAAAAAA! Kajki njerjany wobrot! Klinči za „omelet“! Bych radšo ejakulacija rjekła…

  2. dr. Hync Rychtaŕ Says:

    … abo snano wupław / wuprysk (symjenja) ?
    Štóž ma zajim na zběrce hornjoserbskeje erotiskeje leksiki (a je 18. žiwjenske lěto docpěł !!! a njeje nad měru čućiwy / -wa ;-), njech mi mejlku napisa, a ja wam připósćelu. Adresu namakaće na mojej domjacej stronje http://www.hync.de pod „impresum“.
    Hync Rychtaŕ

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: