Ze serbskimi słowami – před tysac lětami a za tysac lět

Zajimawe předstajenje: Wužiwamy płody samsneho štoma kaž Miliduch. Mjez kóncom politisce samostatneho Serbstwa a našim časom leži žiwjenski čas jednoho štoma, wjac nic. Snadź z klimatiskich přičin nic tutoho na wobrazu – tón by nas z potomnikami za tysac lět zwjazać móhł -, ale na přikład jednotliweho duba.

Hdyž so ekstremne zjawy wjedra ze statistiku přirunuja, je to stawizniski ramik lětstotka. Dźe-li wo wulke politisko-strategiske prašenja, hladamy hdys a hdys dwěsćě lět wróćo; je rěč wo rěči, snadź hač k reformaciji – poł lěttysaca. Přirunujo z cyłymi stawiznami čłowjestwa je to poměrnje mały wotrězk. Ale wo swojich ludźoch woneho časa (wokoło lěta 1000) lědma wjac wěmy hač nam literarne fantazije čěskeho haptikarja posrědkuja.

Što budu naši potomnicy za tysac lět wo nas wědźeć? Njeje žaneje generacije do toho z telko dokumentowanymi informacijemi, ale dźeń a wjac bjez papjery. Tež Sakski krajny sejm je nětko wužiwanje papjery za wšědne dźěło wotstronił. To je wulke wolóženje, wšako je hižo wšudźe nimale kóždy kućik z papjerami zatykany. A nětk so nadźijamy stajneje transformacije składowanskich medijow, zo bychu slědźerjo lěta 3014 zwěsćić móhli, što su zapósłancy čehodla w lěće 2014 wobzamkli.

Snadź pak najwjetši dźěl našich "informacijow" tajke wažne njejsu, kaž sej myslimy. Domjacnosć, dźěło, dźěći, přećelstwo, lubosć, towaršliwosć, wěra, swěra, nadźija – poprawom mamy we wšěch dobach samsne čłowječe prašenja, na kotrež w podobnej formje wotmołwy pytamy. Ze serbskimi słowami. Před tysac lětami a za tysac lět.

Hižo před 1.500 lětami bě Serbow we Łužicy. Wjac serbskorěčnych ludźi w tehdomnišej prózdnej krajinje hač dźensa najskerje njebě 😉 . Potajkim: Čim wjac lět wobkedźbuješ, ćim mudriši bywaš. Potom móžeš krótkodobny pesimizm přez antropologiski optimizm narunać. 🙂

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: