Łuh w „smjertnej conje“ deponije?

Nalěpkaj "A serbsce?" stej drje na tutej tafli wotstronjenej. Ale pućnik wostanje wažny, přetož pokazuje na deponiju, kotrejež składowane twarske wotpadki z něhdyšeje atomoweje milinarnje tuchwilu tež w Serbach wjele ludźi zaběraja – hlej reportažu w Katolskim Posole a rozprawu w Serbskich Nowinach. Ja bydlu pozdatnje w "smjertnej conje", wšako je rěč wo powyšenej kwoće padow leukemije we wobkruhu wot pjeć kilometrow dokoławokoło jadrowych milinarnjow, a Łuh je jenož dwaj kilometraj wot Wětrowskeje deponije zdaleny.

Jako něhdyši dołholětny aktiwny sobuwojowar anti-akw-hibanja z nazhonjenjemi demonstracijow w Grafenrheinfeldźe pola Schweinfurta a we Wackersdorfje znaju pro a kontra k tajkim studijam. Tak a tak wot toho wuchadźam, zo so sakski wobswětowy minister Kupfer ze swojej poziciju přesadźi: přichodnje tajke wotpadki po cyłej Němskej hižo njewozyć, ale blisko spotorhanych atomowych milinarnjow wotbyć. Tež palne žerdki (kotrež su strašniše hač material wobdatych twarow, wo kotryž nětko dźe) so hižo wot Ahausa do sakskeho Rossendorfa njetransportuja.

Štóž so pak Wětrowskeje deponije dla w Chrósćicach njezasydli, by dyrbjał k racionalnišemu wotwažowanju rizikow dóńć. Njetrjebamy ani wo wyšej radioaktiwiće w lětadle abo w Rudnych horinach rěčeć. Štóž hranične hódnoty pawšalnje wotpokazuje ("wšo je jěd"), njesmě dlěje swoje dźěći z wotpłunami awta wobćežować a dyrbi přestać, trawu z mašinu syc. Kurjenje je potom w přirunowanju statistiskich rizikow poprawom direktne sebjemordarstwo. Ja wosobinsce so wohroženy nječuju – sym přenaiwny?

Eine Antwort to “Łuh w „smjertnej conje“ deponije?”

  1. dr. Hync Rychtaŕ Says:

    Štó ha je raz prajił: „Niemand hat die Absicht, eine Mauer zu errichten.“ abo „Die Renten sind sicher.“ abo je dowolił, na brjohach jězorow, nastatych z wuhlowych jamow, stanowanišća a samo bydlenske chěže twarić, kotrež su potom do wody spěli. Mamy tola swoje nazhonjenja, kak spěšnje a lochkomyslnje abo wotpohladnje so zjawnosć změruje z rjanymi słowami, złahodnjacymi twjerdźenjemi a hołymi slubjenjemi.
    Jako zahorjeny hribar mam so přeco po maćernej zasadźe: dołhož njejsy sej cyle wěsty, zo je namakany hrib njejědojty a k jědźi, jón radšo njebjer! A pozdaću mortweho lawa so z porstom njedótknu, zo bych so přeswědčił …
    Hync Rychtaŕ

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: