Z kupy zabytych do kraja swobody

Na kóncu wjele patosa, recensentej SZ drje přewjele, ale nam je so jara lubiło – "Kupa zabytych" Jakuba Lorenca-Zalěskeho bu štwórty raz jako rejohra předstajena. Publikum na kopatej połnej žurli Serbskeho ludoweho ansambla w Budyšinje bě zahorjeny a mytowaše wusahowacy wuměłski wukon popołdnju na dźensnišim pokutnym dnju z dołho trajacym přikleskom.

Knihu Zalěskeho sym drje wospjet započał čitać, ale dotal njeje mi so zešlachćiło, smjerćmytiski tekst dočitać. Snadź je klasiski balet, kotryž w SLA na wysokim niwowje dožiwjachmy, so bóle hodźaca forma přistupjenja metafyziskeho pućowanja mjez wonym swětom zady hranicy smjerće, hdźež duše bydla, a zemskim swětom, hdźež runja Jakubej wotměnjacy w dole podarmneho čakanja a w dole žadosćow putnikujemy.

Cil stej spóznaće a rozsud: za lubosć a swobodne žiwjenje w serbskim kraju. Jenički tekst na jewišću bě Wótčenaš, a po modlitwje w zadwělowanym połoženju přińdźe finale a – happy-end. Po wšěch wušparanjach narodneho wšědneho dnja je nam hižo do smjerće perspektiwa zbožowneho serbskeho žiwjenja data.

Zalěski je politisce přesćěhany w času knjejstwa nacistow zemrěł. My mamy policiju, zarjady a politiku jako partnerow a tež škit přećiwo někotrym intolerantnym skupinam. Tajkile historiski postup směmy njedźiwajcy aktualnych wužadanjow tež jónu patetisce swjećić. Z porjadnym narodnym sebjewědomjom.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: