Što staj Tilich/Woidke docpěłoj?

Što staj knjezaj Woidke a Tilich na wuprawje do šwedskeje politiki a centrale statneho koncerna Wodopada docpěłoj? Zaćišć w sakskej a braniborskej domiznje, zo so starataj. W busu při ministerskimaj prezidentomaj embedded žurnalist MDR je do Łužicy wusyłał: Nětk je wjac sensibility pola zamołwitych w Šwedskej za połoženje we łužiskim brunicowym rewěrje. A tohodla bě jězba wuspěšna.

Nimo toho su šwedscy politikarjo do Łužicy přeprošeni. Tamle budu woni potom z demonstracijemi za brunicowe jamy a přećiwo wotbagrowanju wsow konfrontowani. Mjeztym steji Vattenfallske wobsydstwo pola nas dawno na předań, a wšě wuprajenja dźensnišeho dnja wo wobkedźbowanju zajimow wšěch na někajke wašnje potrjechenych su zwučena politiska folklora, wjac nic.

Druhi koncern E.on je so tele dny jasnje wuprajił: Z fosilnymi energijemi njemóžemy hižo ničo zasłužić, budźemy wotnětka na wobnowjomne wusměrjeni. A wobłuk wudobywanja a zmilinjenja brunicy so wotsunje kaž bad bank. Faktisce dźe Vattenfallej wo předań z nuzy, tohodla dyrbi chětř hić, štož su za docpěće porjadnych kondicijow za předawarja a region najhubjeńše wuměnjenja.

Mój dźěd maćerneje strony je hač do 67. narodnin w porurskich podkopkach dźěłał. To bě w lěće 1954. Wosom lět pozdźišo bě čas strukturneje změny, twornja Opel bu w Bochumje załožena, zdobom su započeli, so krok po kroku z kamjentnym wuhlom rozžohnować a hórnikow wotbyć. Dźensa bě po 52 lětach kónc z Bochumskej produkciju awtow Opel. Telko chwile za strukturnu změnu we Łužicy njezmějemy.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: