Serbja maja prawo na swójski rěčny a kulturny swět kaž wšitcy druzy

K wědomostnje podkładźenej legendźe, na kotruž je so Domenico Gruhn w zawodnym přinošku najnowšeho "Rozhlada" poćahował, słuša twjerdźenje, zo je na atakach přećiwo Serbam njewěda wina: Bychu-li wšitcy nas derje dosć znali, njebychu namócne nadběhi přećiwo serbskim młodostnym a móranja na dwurěčnych taflach byli. To njetrjechi.

Sym w Hamburgskej štwórći z ludnosću wjac hač sto narodow wotrostł. To jeničke, štož su ludźo wot někotrych druhich znali, běchu dźakowano hosćencam jednotliwe kulinariske chłóšćenki. Hewak běše a je tamle kóždy měrliwje w swojim swěće – bjez nadpadow dla wšelakeho pochada abo rěče. Wěda wo druhim žiwjenskim wašnju je přeco něšto dobre, ale toleranca njeje wot toho wotwisna, zo nałožki druheho znaju.

Znaju dosć ludźi, kotřiž su Serbam napřećo jara přećelnje nastajeni, hačrunjež maksimalnje wo křižerstwje a jejkamolenju wědźa. K tolerancy słuša suwerene wobchadźenje ze wšelakimi swójskimi swětami a optimalnej metodu, swoju maćeršćinu pěstować a wuwiwać. A k swobodźe słuša tež, zo je kóždemu přewostajene, kak jara so za swojich kulturnych susodow zajimuje.

Eine Antwort to “Serbja maja prawo na swójski rěčny a kulturny swět kaž wšitcy druzy”

  1. TaBeja Says:

    By rjenje było, hdy bychu wšitcy tolerantni byli… a wjele wo susodach wědźeli. Nimale utopija…

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: