Ze Syriskeje do Łužicy – pytam přichodne dźěło za třoch kurdow

Hdyž třo kurdojo mojeje skupiny němsce wuknjacych syriskich azyl pytacych z domu w Holešowje mjez sobu kurdisce rěča, njepraji štwórty, studowany arabski muž, "tule so arabsce rěči", hačrunjež wón ničo njerozumi a woni tež arabsce móža. Wot ćěkancow móže ludnosć we Łužicy wjele wuknyć. Naša skupina so přerěznje kóźdy druhi dźeń dwě hodźinje abo dlěje zetkawa, tuchwilu so z temami pytanja bydlenja a dźěłoweho městna zaběramy – najwažnišimaj temomaj praktiskeje integracije.

Dźensa chcu tule kusk wabjenja za "swojich" třoch kurdiskich hólcow (20, 22 a 35 lět) činić (arabski lěkar w skupinje tak a tak swój puć do dźěła w chorowni w Němskej namaka). Najstarši dźěłaše dwaj lětdźesatkaj jako pjekar, srěni sydom lět w awtodźěłarni, wot najmłódšeho eksistuje wobraz ze sam sčinjenej tortu. Wón je słódkosće pjekł, ale runja druhimaj wotzamknjene wukubłanje nima.

Ale tući hólcy, kotřiž su hižo 15-lětni zwučeni byli, kaž dorosćeni džěłać, su čłowjesce zrali awtodidakća połnje zdwórliwosće, pilnosće a přirodneje wćipnosće. Woni su pobožni ludźo, njepija alkohol, su towaršliwi a maja jako dźěći chudych wulkoswójbow skromny, njesebičny raz. Tajcy hólcy su wobohaćenje našeje k demontaži kóždeježkuli dostojnosće chilaceje ciwilizacije – hlej tež błudnu satěru SN z pohrjebom w silwesterskim wudaću – a ze swojim žiwjenskim nastajenjom dobra alternatiwa ke "kulturje", w kotrejž su jenož hišće konsumowe twory "swjate".

Maće-li předewzaće z potrjebu jednorych praktiskich dźěławosćow a njebojiće so ludźi, kotřiž formalne kubłanje scomter hamtsce wotkołkowanymi kwalifikacijemi w zaku nimaja, ale dušnu zwólniwosć a krutu disciplinu, so z Wašej pomocu na dobro Wašeho zawoda nowym wužadanjam stajeć, potom dajće nam prošu cejch. Dokelž w nalěću smědźa woni z wěstosću dźěłać – a do toho da so hižo kusk hladać. 🙂

Tak móžeće tež něšto přećiwo islamistiskemu terorej činić, před kotrymž su tući muslimojo ćekli. A něšto za w jich starej domiznje potłóčenu narodnu mjeńšinu, Z tutym dorostom njezmějeće žane problemy motiwacije – a porno nam mjeztym psychisce dale a labilnišim nawječornym čłowjekam wočakuja was jakni, zmužići kadlojo. Woni su so pod najćešimi wuměnjenjemi do Němskeje podali, zo bychu tež Waše problemy z puća zrumować móhli. 🙂

13 Antworten to “Ze Syriskeje do Łužicy – pytam přichodne dźěło za třoch kurdow”

  1. budyslaw Says:

    Njedawno serbski pjekarski mister z bliskich Rakec w SN skorzese zo zanoho wucomnika njenamaka.

    • TaBeja Says:

      A kak so serbski pjekarski mištr z Kurdom dorozumi? Němsce zawěsće nic. Jendźelsce abo rusce? To ja dwěluju…

      • piwarc Says:

        Němsce. Woni smědźa – po zakonju – wot spočatka měrca dźěłać, tak kaž tuchwilu wupada. Trěbny minimalny słowoskład za pjekarsku dźěławosć atd. potom wobknježa – za to wosobinsce zaručam.

  2. TaBeja Says:

    Jeli to tak lochko je, ha woprašej so pjekarja…

    • piwarc Says:

      Njeje lochko, ale na madźarskich pinčnikach w mjezynarodnych ćahach widźiš, z kelko słowami w kóždej rěči wuńdźeš, zo by móhł kóždeho přistojnje a přećelnje posłužować.

  3. TaBeja Says:

    Ja sym ale jara jara skeptiska. Jeli to na zakonskich naprawach njezwrěsći, přińdźe problem interkulturneho dorozumjenja atd. Štóž njeje ženje z cuzymi kontakt měł, njewě, kak so z nimi wobchadźa a z toho nastawaja problemy.

    • piwarc Says:

      Po třoch měsacach w Sakskej smědźa (zasadnje) dźěłać – to je w konkretnymaj padomaj po 20. februarje. Jeli so za dźěłowe městno ani Němc ani EU-staćan njenamaka. PS.: Tak konsekwentnje přećelni kaž woni je lědma Němc, tohodla sej myslu, zo budu woni to kulturnje mištrować a domoródnym při tym pomhač 🙂

  4. TaBeja Says:

    Ja njejsym to wo Kurdach prajiła, ja sym wo serbskim mištrje rěčała. Je-li wón „skeptiski“, to maš problem:)

    • piwarc Says:

      Tón pad sej předstajeć njemóžu 😉 , njejsmy tajke něšto kaž „kurdojo Němskeje“? 🙂 – tež we wjacorych krajach bydlaca etniska mjeńšina, w Sakskej, Braniborskej…

      • TaBeja Says:

        Dokelž je to wosebity pad, njebych sej jón wjacekróć předstajała, ale bych sej jón jónu předstajiła. Najskerje njejsy knihu lubeje Kateriny Elineje z citatom twojeho přećela Kozela čitał: ,,Mjez Serbami…njedawa žanych nacijow“ Nimo toho: woprašej so Omita Knakšema z Turkowskeje. Wón a jeho přećeljo z wuchodneho susodneho kraja zawěsće předmjet k wumjetowanju namakaja:)

  5. kozoł Says:

    Rjenje, zo ty, Tabeja, tak dokładnje wěš, štó je piwarcowy přećel.

  6. TaBeja Says:

    Tak róžojte wšo njejo:
    http://www.taz.de/Studie-zu-Ausbildungsplaetzen/!153315/

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: