Azylanća z najnowšim handyjom na farje…

"Wšako mnozy z nich z najnowšim handyjom a w najlěpšej drasće po hasach chodźa", steji w Serbskich Nowinach jako wopodstatnjenje "wěsteje hidy" přećiwo azylantam.

Dźiwam so, zo maja ludźo w dobje "Aldi-Talk" ze smartfonami jako tunje hrabnjenčko wobsydstwo aktualneho wudaća handyja za status-symbol. Za ćěkancow je mobilny telefon najwažniši instrument za koordinowanje žiwjenja a zdźerženje zwiskow k přiwuznym a přećelam w starej domiznje. W mojej skupinje syriskich muži je handy to jeničke, štož su sej dotal materielnje popřeli.

A te drasty? Tež moji swójbni su wězo drasty darili, kotrež kaž nowe wupadaja. Potajkim je porjadny načasny dobry outfit ćěkancow wuslědk wuspěšneje namołwy k daram ludźom, kotřiž njejsu přichadźejo ničo měli. Budźmy radšo hordźi na domoródnu ludnosć, kotraž njeje njenahladne stare draby wotedała. 🙂

A prošu přestańće z tutej pseudomoraliskej kampanju: Azylantow na faru! Kak maja so na přikład młodźi kurdiscy kadlojo na wjesnej farje bjez hospozy, hdźež je farar wodnjo po puću a wjesenjenjo su něhdźe druhdźe na dźěle, bjez awta do towaršnosće integrować? Rumnosćow je teoretisce we wokrjesu dosć a nadosć, prózdnych bydlenčkow w někajkich blokach. Ale tež tamle je přeco prěnjotne prašenje: Je to so hodźacy wobswět?

Nimo toho njeje nikomu zakazane, tež nic redaktoram nowin, druhich ludźi w swójskim domje abo bydlenju přiwzać. 🙂 Potajkim: Prošu wjac realizma při tutej temje!

5 Antworten to “Azylanća z najnowšim handyjom na farje…”

  1. studentka Says:

    Na haj, powědaj, štož chceš. Jenož ći, kiž maja wjele pjenjez, su w Němskej. Čehodla njechaja azylanća do Čěskeje? Dokelž njedóstanu HARZ-4 abo podobne fenki. Wjetšina ćěkancow bjez fenkow je w susodnych krajach kaž na př. Libanonje atd.
    Integracija za čo? Integracija měła so jeno za tajkich přihotować, kiž maja status BLEIBEBERECHTIGT a kiž so woprawdźe integrować chcedźa.

    • piwarc Says:

      Swobodny stat Sakska chce, zo je kóždy azylant awtomatisce bleibeberechtigt, hdyž ma zrěčenje za wukubłanske městno.- Wjele pjenjez? Kurdojo mojeje skupiny su jednori ludźo chudych swójbow. – Po statistice ličby ćěkancow přirunujo z wulkosću ludnosće njeje Němska na čole europskich krajow.

  2. nyča Says:

    Spomjatkuj sebi: Azylanća žadyn Hartz-štyri njedóstanu.

    • studentka Says:

      Luby Niča, nimam ja ničo k spomjatkowanju a nimam ničo přećiwo azylantam, ale woprawdźitosće su woprawdźitosće. Woni njedóstawaja Harz-štyri (bafoeg atd.), ale ći, kiž su bleibeberechtigt haj. Azylanća chcedźa tutón status dóstać, štož njeje wězo špatnje. Ći, kiž přichadźeja z Afriki wjele płaća, zo bychu so do Lampeduzy dojěli. To je fakt. Zwotkel maja woni te pjenjezy? Ći, kiž sej do Němskeje přez Turkowsku-Balkan-(Chorwatsku)-Madžarsku dojědu, tež wjele płaća (mjez 500 – 1000 Eur za informacije, kak hranicu překročić a k tomu jězbu). W tutych krajach so wulke pjenjezy z azylantstwa wjerća. Nimo toho maš jednoho abo druheho azylanta, kiž je wobšudźeny był. To je wulke swinstwo, wězo, dokelž su někotři azylanća wjele w swojim kraju dožiwili a poslednje pjenjezy jebanstwa dla zhubili. To je chcyjo nochcyjo woprawdźitosć. Haj, chudźi ludźo woni su, dokelž su wšě pjenjezy za jězbu wotedali.

  3. budyslaw Says:

    Tuta pseudomoraliska kampanja pak njeprindze z redakcije Serbskich nowin, ale z Ralbican gmjenskeje rady. Tuz z politiki.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: