Samopostajowanje dawno mamy

"Serbja chcedźa samopostajowanje" rěkaše w Kamjenskim wudaću Sakskich Nowin hladajo na njedawne mjeńšinopolitiske aktiwity w Njebjelčicach.

Preferuju město konjunktiwa futura (sej žadamy, zo by snadź přichodnje jónu było) prezentne samopostajowanje w přitomnosći. Nětko serbować, serbsku kulturu a serbske kubłanje pěstować, kaž to – připódla prajene tež na zakładźe zakonjow – činimy. To je praktiske serbske samopostajowanje wšědneho dnja.

So wě, zo staramy so wo polěpšenje ramikowych wuměnjenjow – na přikład přez Domowinu. Runja druhim akteram zjawneho žiwjenja mjenje abo bóle wuspěšnje. Třěšny zwjazk je jenički konstantny politiski nadregionalny serbskorěčny rum swěta. Tež to je nałožowane samopostajowanje.

Štóž serbsce njemóže, ma njedźiwajcy toho wjele móžnosćow sobuskutkowanja w serbskim swěće. Druhe modele samopostajowanja z dominantnej serbskej rěču pak mi dotal znate njejsu. Tohodla sym za wobstejace wobsahowe samopostajowanje, nic za teritorialne.

A brunicu? Přiwisnicy teritorialnje definowaneje serbskeje awtonomije bychu hišće wjac a Róžant k tomu wotbagrowali, přetož bychu te dochody za financowanje tuteje sepratistiskeje konstrukcije trjebali.

Eine Antwort to “Samopostajowanje dawno mamy”

  1. Hanso Says:

    To je tola mjeńšina a potom tajka wulka hara. Domowina so stara wo wšitkich wěcach w Serbach.
    A brunicu? Tež ja sej myslu hustodosć, brunicowe hórnistwo zawěsća serbski rěčny rum, wosebje wokoło Slepoho. Ale je to wěrnosć? Jenož, po času brunicy serbscy (burske) ludźo faluja. “Nowe časy, nowe kwasy”. Hospodarske problemy njemóžetej žana Domowina a wosebje žana Lužiska Alianca (hladaj internetowa strona) rozrisać. Zajimawy artikel k temje Saska a brunica steji w nowinach “Leipziger Internet Zeitung” wot 07.02.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: