Serbski stawiznopis: Nawrót NDRskeje stronitosće do nowin

Je njeličomnych přikładow: Serbskopolitiska rěčnica Zelenych ma w interviewje z SN tři kritiske přispomnjenja k sejmikarjam a potom hišće jedne k Domowinje – w nadpismje steji "wězo" te poslednje. Wot fairneho, objektiwneho wobchadźenja z třěšnym zwjazkom je so wječornik dawno njewotwisny sčinił. Bohudźak dźensniši dźeń w dobje interneta ćišćane słowo jutřiši stawiznopis tak njewobwliwuje kaž w starych časach.

Nětko je Jurij Koch na manipulaciju rozprawy wo wólbach noweho župana w Delnjej Łužicy skedźbnił (hlej wurězk čitarskeho lista). Stronitosć Serbskich Nowin přećiwo Domowinje je dale a wjac ludźom stajnje spóznajomna.

Porno tomu smědźeše nowinski rěčnik iniciatiwneje skupiny za serbski sejmik prawidłownje wo tutej skupinje přinoški pisać. Tak bě tule ta pro-stronitosć zaručena. Wopačne posudki SN wo předsydźe Domowiny so wězo njekoriguja: Zo ma Dawid Statnik k SPD-ministerce samsny dobry dźěłowy poćah kaž k CDU-politikarjam a wšěm druhim demokratam, móžeše čitar nětk na wědomje brać – porno dotalnemu politiskemu komentowanju nowin.

9 Antworten to “Serbski stawiznopis: Nawrót NDRskeje stronitosće do nowin”

  1. TaBeja Says:

    Kedźbu, sy něšto zabył. Njeje (medijam a druhim) wažne, z kim ma D.S. dobry poćah, ale z kim so w zjawnosći prezentuje a z kim wobjeduje a sněda.
    Statnik je z Tilichom a jeho sobustronku knj. dr. B.B. jara symbolisce na wjeršku hory snědał. To njemóža SN najskerje zabyć. Za Duliga pak chwile měł njej.

    • piwarc Says:

      Wěm, zo je Domowina z CDU snědała – a z Lěwicu a Zelenymi ,wobjedowała po zhromadnym wopyće Serbskeho muzeja; wo tym běštej tež rozprawje w medijach. Termin z SPD njeje so tehdom na Domowinje zwrěšćił, ale na njewotrěčanym přeprošenju dalšich ludźi, z kotrymž bychu nutřkoserbske diskusije, kotrež dyrbja Serbja tež po měnjenju knjenje Stange (SPD), hlej dowólbne zarjadowanje w Kamjenskim dźiwadle, naprjedy sami mjez sobu wjesć, na blido němskeho politikarja přišli.

  2. błotowski Says:

    Snadź knjez Nowak sam wjace wo motiwach knjeza Nowaka wě hač wěsty Koch. To, štož wón k tomu měnješe, klinčeše bóle po nowinskej wersiji („zwady z Budyšynom“).

  3. TaBeja Says:

    Halo? A zwotkel wě Koch, kotre motiwy ma Měto Nowak? W Nowym Casniku su hižo te motiwy jasnje stali. SN su te motiwy jenož wotpisali.

    • błotowski Says:

      „Nowak jo we swójom gronje pśiwdał, až jogo su wobśěžkali pśedewšym „komunikaciske a strukturelne problemy“ zwězkowego pśedsedarstwa – wósebnje njeglědanje na Dolnu Łužycu – a njerědne dožywjenja w prezidiumje a w zgromadnem źěle z Budyšyńskim běrowom Domowiny. „Ja som ako župan dlej a wěcej frustrěrowany bywał“. Njeglědanje na Dolnu Łužycu pśi pósćenju znamuškow Domowiny, zadoranje pśi wuzwólenju zastupnika župy do brunicowego wuběrka, njezapśěgnjenje dolnołužyskich cłonkow Domowiny pśi pśistajenju nowego šefa Domowinskego běrowa, dominanca górnoserbskich temow – to su někotare wěcy, kótarež su k jogo njespokojnosći wjadli.“ – manipulacija tež w NC!

      • TaBeja Says:

        Kajka manipulacija widźiš w tutym NC-nastawku?

      • piwarc Says:

        Bych ja dyrbjał? 🙂 Hdyž staj so awtor a redakcija w NC přezjednaj…

      • Alojs Says:

        Posldene słowa błotowskeho čitam skerje jako ironiske přispomnenje. Hladajo na to pak Casnik wopak cituje abo knjez Koch a knjez Piwarc činitaj to štož SN wumjetujetaj: Njewěcowne nadběhi na SN při kóždej składnosći.

  4. TaBeja Says:

    Haj, ja sej tež myslu, zo su to njewěcowne nadběhi. W Nowym Casniku je rjenje stało, to štož Měto Nowak praji. Měto Nowak njeje sej wot Noweho Casnika donětka žadał, zo so něšto wuporjedźi. Horst Adam wšo z róžojtymi nawočemi widźi a dokelž jeho rozprawa njeposrědkuje woprawdźite wuprajenja, je zrozumliwe, zo so informacije změnu. SN su jenož faktualne wěcy sporjedźili. Hdyž su wuprajenja jedneje wosoby wopačne, te maja być wuporjedźene. W hinašim padźe by sej to M.N. žadał. Najwjetši zmylk SN je wozjewjenje Kochoweje reakcije. Koch so tam tyka, hdźež mało wě. Koch hraje rólu rěčnika Měta Nowaka a Horsta Adama. Čini to pak publicity dla, pak wostudy dla.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: