Tilich: Łužica budźe tež w lěće 2030 rjana domizna, hdźež knježi serbska rěč

Sakski ministerski prezident Stanisław Tillich (CDU) w dwurěčnym přinošku za Lausitzer Rundschau.

5 Antworten to “Tilich: Łužica budźe tež w lěće 2030 rjana domizna, hdźež knježi serbska rěč”

  1. Hanso Says:

    Prošu cyły artikl čitać.
    2030 – róžojte wuhladanja a bajkojte krajiny we Łužicy.

  2. TaBeja Says:

    Kak rjenje, zo budźe wšo rjenje 2030. Budźemy juskać na Tilichec dworje. Radšo rozprawy bliše woprawdźitosći čitam (kaž tu prof. D. Šołty) hač tute žwantorjenje. Njezabudźmy: subjekt horjeka je čłowjek, kotryž so stara wo to, zo njedawa Łužicu. Łužica za njeho su Pančicy-Kukow hač do Róžanta a wróćo. Hač so Slepo wotbagruje, je jemu wšojedne. Wobhladajće sej kartu. Što budźemy z tutymi wšěmi jězorami činić?

    Analyzujmy staw 2030:
    W ewangelskej Łužicy žanoho Serba hižo nětko njewidźiš. Hlej njedawny nastawk Piwarca. Tam tež dale Serba widźeć njebudźeš.
    W Delnjej Łužicy njebudźe hižo žadyn maćernorěčny Serb žiwy być. Tajke pady, kotrež su nawuknyli serbšćinu jako „maćernu rěč“ (hlej dźěćo S. K. z rbb) wot maćerkow, kiž njejsu maćernorěčne, měli so jako podladne pady wobhladować, dokelž te dźěći maja wot spočatka wobmjezowany słowoskład. Tež hdy bychu někotre maćernorěčne dźěći dawali, njebychu měli z kim so rozmołwjeć, (chibazo činja kulojte blido)? W Delnjej Łužicy njebudźe hižo žana potrjeba, serbske knihi wudawać. Delnjoserbšćina wostanje aktiwna jako esperanto – hobby jednotliwcow.
    W Hornjej Łužicy budźe ličba Serbow snano stupać, ale ta by dyrbjała konstantna wostać – nic niša wordwać. Dyrbimy so nadźijeć, zo njebudźe ličba šulerjow tak niska kaž nětko (Hlej SŠ, rozprawa Budarjoweje, jenož 654 šulerjow 2014). Hdy by to tak pokročowało, njemóžemy so nadźijeć, zo wostanu serbske šule serbske. Za tak mało šulerjow a Serbow njetrjebaš ani RCW, ani LND, ani Institut za sorabistiku, kiž je tež nětko zbytny, dokelž so w nim walizišćina a žana serbšćina njewuwučuje. Tam žanoho studenta nimaš a to rěka, zo njezměješ žanoho sorabista na serbskej šuli a to dokelž je naladnosć instituta tak špatna. Potajkim trjebamy ličby a dźěći kaž tež jasne přeća za wuspěch.

  3. Alojs Says:

    Ličba Serbow w Hornjej Łužicy snano stupa? To je iluzija, luba TaBeja, kiž tón abo tamny (tež na tutej stronje) powjeda. Bohužel temu tak njeje. Štóž sej statistiki wobhlada zwěsći, zo jenož w někotrych gmejnach ličba dźěći runje tak za konstantnu ludnosć dosaha (2,3 dźěči na dorosćenu žonu). ALE: tež z tutych wsow młodźi Serbja wupućuja do němskich kónćin abo so na němca/němsku wudaja a serbsćinu dale njedaja. Haj wězo, wječina tutón puć njeńdźe, ale straty su tola.

    A prjedy hač zaso rěka: Ale tež zwonka Łužicy je Serbstwo tola móžne… Haj a ně: Za wupućowarjow a jich dźěći to wězo trěchi. Za wnučkow abo prawnučkow je to pak jara njejasne, runje dokelž njezmeja dźěda a wowku we Łužicy, pola kotrež moža so serbskeho ducha a wědomja nasrěbać. To su potrěcheni (wupućowarjo-starši) z podijuma a publikuma na Drejzdźanskim zympoziju tež tak rozkładli.

    Haj a knjez T. z P.-K.: Što dyrbi hewak pójedać, hdyž chce so zaso wolić dać?

    • TaBeja Says:

      Luby Alojso, ja ničo njetwjerdźu. Ja jenož wo ličbach a faktach Ludmile Budarjoweje rěču. Wona praji, zo je so wjele dźěći posledni čas narodźiło. Zdruha praji wona, zo je jenož 654 šulerjow na serbskich šulach, štož je PŘEMAŁO! Ličby steja w najnowšej SERBSKEJ ŠULI (1-2015)

  4. hync Says:

    Budźe to tajka serbšćina kaž we wotćišćanym wotrězku – z dwěmaj zmylkomaj w tak krótkim teksće? * – Skerje haj, wšako hižo dźensa lědma bjezporočnu serbšćinu w medijach čitaš abo słyšiš, wo ertnej a pisomnej wobchadnej „serbšćinje“ ani njerěčo. W tutym nastupanju sym tuž jara pesimistiski. Štó ha so stara wo kwalitu našeje rěče, abo lěpje prajene: wo kwalitu jeje wobknježenja a nałožowanja? Što nam pomhaja wšitke rjane statistiki a diagramy a ličby a fakty? Haj wšak – tež kwantita je wažna; ale bjez kwality je wona kaž medalja, kotrejž tamna strona pobrachuje.
    hync
    * (Na cyłu stronu teksta přeličene by potom telko zmylkow było, zo ani pjatka jako znamka njedosaha.)

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: