Stupdalnicy, idioća, dwě swobodźe a třeći puć do přichoda Serbow

Na kóncu NDR běše mjenje abo bóle kóždy z čłonom někajkeje tak mjenowaneje masoweje organizacije. Běchu tohodla tež ludźo w Domowinskich skupinach, kotřiž bychu pod dźensnišimi wuměnjenjemi maksimalnje rabata dla lětne zrěčenje za fitnes-studijo podpisali. Tohodla njejsu sobustawske ličby wobeju dobow přirunujomne, hewak bychu zamołwići politiskich stron jenož hišće pišćeli.

Načasna swoboda rěka swoboda njewobdźělenja. Normalny čłowjek so we wokomiku angažuje, jeli hrozy wotpadkowa deponija blisko jeho domu. Snadź je wón tež zwólniwy, hdys a hdys přećiwo prawicarskim něšto hodźin demonstrować, wšako so derje čuješ, hdyž w mjenje dobreho – čłowjeskeho prawa, hódnotow našeje ciwilizacije – swoje wobličo pokazuješ.

Prawidłownje pak móže rowjenk na tych swarjeć, kotřiž jako čestnohamtski wjesnjanosta abo nawoda towarstwa „zdaleni wot ludu“, „intransparentnje“ swoje zastojnstwo wukonjeja. Podobne debaty w Serbach tohorunja znajemy. Tón problem z tym njerozrisamy, zo dale a wjac ćišćenkow dźeń a wobšěrnišo do interneta stajamy.

Nihdźe do toho njeje „wyšnosć“ „systema“ telko informacijow wo swojej dźěławosći bjezposrědnje wšěm k dispoziciji stajiła. To pak ničo njepomha, hdyž su internetne strony z dodawanskimi poskitkami najwšelakorišich tworow zajimawše. W grjekskej antice su ryzy priwatnikow, kotřiž su so ze wšěch zjawnych naležnosćow won dźerželi, „idiotes“ mjenowali, to njebě wudmo, ale neutralne zwěsćenje.

So wě, zo su zjawne naležnosće hustodosć wottrašace, přetož sy po jednej hodźince angažementa tři hodźiny z běrokratiskimi a prawniskimi wušparanjemi wobćežowany. A potom knježi wšudźe „komunikaciska potrjeba“, běda ći, hdyž njejsy sčasom z někajkim někak po swójskim začuwanju potrjechenym rěčał – potom sy njeprawdu naparał, wšojedne hač wón so hodźace argumenty ma abo nic.

Z mojeho wida su ći najbóle doprědkarscy, kotřiž swětej cyle konkretny přikład dawaja. W tym tči fascinacija Drježdźanskich stupdalnicow. To je – spomóžny – třeći puć nimo skiwlenja na konopeju a pěstowanja zastarskich strukturow. Woni praktisce pokazuja na swobodu samostatneho činjenja, kotraž so w tuchwilnym „systemje“ jako wulki potencial chowa a pasiwnu swobodu njewobdźělenja přesahuje.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: