Běrokratija je kat našich duchow a dušow – pod kwaklu njedowěry tež w Serbach

Njedawno bě w Serbskich Nowinach wulki interview z předsydu Južnošleswigskeho wolerskeho zwjazka (SSW) čitać. Jako přičinu za wědomostnje wobkrućeny staw Danow jako mjenje abo bóle najzbožowniši lud swěta mjenowaše wón „kulturu dowěry“ – porno w Europje přewažnje knježacemu staroromskemu modelej njedowěry. Wšudźe so přez zakonske a zarjadniske nadregulowanje wšěch wobłukow wšědneho žiwjenja skorži, a z kóždym nowwym zakonjom a kóždym wuwjedźenskim postajenjom budźe dale a hórje.

Kardinalny zmylk je knježaca ideologija, kóždežkuli znjewužiwanje spisanych prawow někak wuzamkować chcyć, štož wjedźe na kóncu k dospołnemu podušenju swobodnych socialnych stykow a k skóncowanju powahi čłowjeka: Štóž sam wšudźe wobšudnistwo widźi, kotremuž dyrbiš zadźěwać, spyta sej podźěl na powšitkownym wobšudnistwje organizować – pozdatneje sprawnosće dla, wšako to tak a tak wšitcy činja…

W Serbach podležimy bohužel dawno samsnej kwakli. Porjadni seriozni ludźo njesmědźa zawěsćernje dla Domowinske awto na posedźenja třěšneho zwjazka šoferować; towarstwa u župy so por fenkow dla z najwšelakorišimi podłožkami bědźa; serbscy wučerjo wuskeho korseta jich wukubłanja dla pobrachuja atd. Běrokratija je kat našich duchow a dušow. Snadź so zwažimy zhromadnje na serbske kupy měrneje słowjanskeje / bohemskeje anarchije, hdźež škódne myslenje na paragrafy přeco znajmjeńša za jedyn dźeń wušaltujemy.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: