Šula w Janšojcach serbskemu kubłanju w Sakskej z přikładom: Wšědna serbska komunikacija zaměr

Jansojce_1

Zahubna doba hybridologije so nachila – w Braniborskej dóstanje jutře prěnja šula titl „serbska šula“. Tuta chwalobna kročel w Janšojcach, wobkrućena wot społnomócnjeneho za serbske naležnosće krajneho knježerstwa w Podstupimje, njech je nam wšěm w Hornjej Łužicy z nastorkom, so wotnětka wzdać pomjenowanjow „dwurěčne wosady“ abo „dwurěčne gmejny“ atd.; to su serbske wosady resp. gmejny njedźiwajcy tych ludźi, kotřiž bohužel serbsce njemóža.

Jansojce_2

A serbske šule njech su wotnětka šule, kotrychž narok je runja šuli w Janšojcach, šulerjow wukmanić, zo bychu hornjoserbšćinu wšědnje nałožowali. Komunikacija je rozsudna. (Hlej citat šulskeho nawody Krabatoweje zakładneje šule we wurězku přinoška SN) – Kóždy wě, zo wyšej šuli w Radworju a Budyšinje tomu njewotpowědujetej, a tež Budyski serbski gymnazij jenož zdźěla. Wšě serbske šule w Hornjej Łužicy dyrbja skónčnje wočakowanja němskich staršich spjelnjeć, zo budu jich dźěći po lětach na serbskej šuli woprawdźe běžnje serbsce rěčeć a pisać móc. Tomu tuchwilu hustodosć tak njeje.

Hladajo na so bližace pochowanje pedagogiskeho parodka 2plus w Sakskej po lětdźesatku demontaže maćernorěčneje substancy chcemy lětsa tajkile delnjoserbski (!) narok do hornjoserbskeho žiwjenja přewzać. Zajimawe, zo je mjeztym zdźěla Delnja Łužica Hornjej Łužicy rěčnostrategisce z přikładom. To rěči za horliwych entuziastow w našim susodnym kraju, ale zdobom přećiwo zaměrnemu přeněmčenju serbskorěčneho kubłanja w Sakskej z oportunistiskich přičin. Lětuša róčnica Chróšćan zběžka je dobra składnosć za nowy a  zmužity rozmach.

Eine Antwort to “Šula w Janšojcach serbskemu kubłanju w Sakskej z přikładom: Wšědna serbska komunikacija zaměr”

  1. Jurij II Says:

    Rank Teams Played Wins Lost Points – A serbscy?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: