Němcowanje jako wuswobodźenje Serbow? Razna kritika so na Serbski institut měri

SI_SN

Marc Krawc za Prahi piše w čitarskim lisće Serbskim Nowinam, wozjewjenym we wčerawšim wudaću, k přinoškej Cordule Ratajczakoweje w meji (!) wo slědźenjach Elki Černokožoweje, zo wona „radšo teoriju čłowjekej (přiměrja) hač nawopak. Wuwiće w Slepjanskej kónčinje pokazuje, kak pozbudźace móže to być, ludźi wot njedocpějomneho naroka ryzy serbskeje identity wuswobodźić.“ Wón so praša: „Je to brach, měć serbsku identitu a nałožować serbšćinu? (…) Mamy dźakowni być, zo smy nětk w tajkej měrje wuswobodźeni, zo hižo serbsce rěčeć njetrjebamy? (…) Njejsu tajke slědźenja za Serbow skerje kontraproduktiwne a njezrudźa to, zo Serbski institut tajke něšto financuje?“

Wo němcowanju woneje wědomostnicy při prjedawšich přednoškach na Lipšćanskej sorabistice před serbskimi a druhimi słowjanskimi studentami bě tule tohorunja rěč kaž wo spodźiwnej hybridologiji, kotruž je wona jako wotrjadniča instituta lěta dołho pěstowała a z kotrejž je so faktisce Serbski institit jako serbski sam demontował. Haj, tajki Serbski institut nichtó njetrjeba, a za to tež „serbske pjenjezy“ wudawać njetrjebamy. Hladajo na to, zo je institut mjeztym pod nowym nawodnistwom a zo słuša hybridologija hižo ke ćmowym stronam serbskich stawiznow, chcemy so pak přewróta w zmysle praktiskeho zeserbšćenja Serbskeho instituta nadźijeć.

Ke kritiskemu rozestajenju z dobu pospyta demontaže serbskeje duše přez tajkele skepsane slědźenje na kóšty serbskich srědkow (by-li so wona tajkim teorijam na někajkej katedrje něhdźe na uniwersiće wěnowała, njebych wězo ničo přećiwo tomu měł, wšako knježi bohudźak swoboda wědomosćow; ale štóž da so faktisce wot Serbow zapłaćić, njech za jich konkretne potrjeby wšědneho dnja dźěła) chcu pak z mojeho wida poslednje słowčko dodać: Je prosće grotestne, zo podpěrujemy na jednym boku přisowjenje serbšćiny wot připućowarjow a zo Serbski (?!) institut na druhim boku ludźom ze serbskimi prjedownikami njeličomnych generacijow spad serbowanja jako „wuswobodźenje“ posrědkuje.

15 Antworten to “Němcowanje jako wuswobodźenje Serbow? Razna kritika so na Serbski institut měri”

  1. studentka Says:

    1. Cituju: „Hladajo na to, zo je institut mjeztym pod nowym nawodnistwom a zo słuša hybridologija hižo ke ćmowym stronam serbskich stawiznow, chcemy so pak přewróta w zmysle praktiskeho zeserbšćenja Serbskeho instituta nadźijeć.“
    Njemóžemy so jara nadźijeć, dokelž su „dźěći hybridologije“ dale w Instituće přitomne. Tajki přikład je Antonia Erwied (hlej webstronu), kiž je přiwisnica hybridologije a k tomu słušeja tež dalše wosoby.

    2l Cituju: „Haj, tajki Serbski institut nichtó njetrjeba, a za to tež „serbske pjenjezy“ wudawać njetrjebamy.“ Trjechi. A to płaći tohorunja za Lipšćanski Institut za sorabistiku. Tam so zasadnje němcuje, dokelž njemóže docentka S. Asmus serbsce. K tomu njemóže ani knjez Anderson serbsce. Tam žan Serb hižo njedźěła. J.Š. je jenož jen dźeń w tym instituće a knjez T.M. ma połměstna (hlej webstronu).
    Nowa docentka instituta ma samsne połoženje kaž Elka Černokožewa w zańdźenosći. Prof. Werner je Elce Černokožewej pječa zakazał, w Instituće wuwučować, dokelž rěčeše wona ze studentami němsce. Nětko pak mamy podobnu situaciju, ale kaž widźimy, njeje Elka žana profesorowa přećelka była. Za Sabinu su hinaše prawidła płaćiwe. S.A. wuwučuje němsce, ale dokelž steji w jara „wuskim poćahu“ z profesorom, móže dale wuwučować a je samo dźěłowe městno dr. Hynca Rychtarja dóstała. Hdźe je serbska rěčna praksa wostała?
    Wot koho budu ja wo serbskej stilistice wuknyć, hdy bych to chcyła???? Štó wuwučuje serbsku literaturu a stawizny? Kajki da to studij je prošu? To je hańba za Domowinu a dalše serbske institucije, kiž juskaja z prof. při škleńcy sekta w Lipsku.
    Kajke dźěło namaka student, kiž wuknje mjeńšinowe rěče? Da nowy studijny směr studentam perspektiwu? Nic! Trjebamy tajki institut? Wotmołwa je wšěm jasna.

    • nyča Says:

      Směm tež raz něšto citować? „W zańdźenosći je Załožba w Serbskim instituće jara lutowała. Załožba za serbski lud ma mało pjenjez za spěchowanje serbskeje rěče.“ Tomu sy přihłosowała. Nětko je wězo prašenje, w kotrej měrje spěchuje Serbski institut we swojej dźensnišej formje serbsku rěč a w kotrej měrje so to pjenježnje podpěrować dyrbi.

      • studentka Says:

        Wězo, směš cytować.
        Serbski institut we swojej dźensnišej formje serbsku rěč dosć njespěchuje. Započeć měło so we wšědnjej komunikaciji. Rěčne kućiki w rozhłosu njedosahaja. W instituće so na posedźenjach němcuje, dokelž je hižo wjele sobudźěłaćerjow, kiž serbsce njemóže abo kiž rěčeć njecha.
        Měło so na přikład wot doktorandki A. E. wočakować, zo nawuknje serbšćinu, ale njeje to jeno jeje naležnosć. Hdy bychu wšitcy z njej konsekwentnje serbsce rěčeli, tak kaž dyrbja pěstowarki z dźěćimi serbsce we WITAJ-projekće rěčeć, by wona tež serbsce móhła.
        Nimo toho njewidźu tutón serbski institut docyła jako instituciju. To je horstka wosobow bjez zhromadnych zajimow, kiž so jónu wob tydźeń zetkawaja abo docyła njezetkawaja. Što doma činja, nichtó njewě. To je institucija, w kotrejž njeknježi žana team-owa atmosfera.
        Njewidźu tež jich solidaritu młodym napřećo. Znaju tři pady, hdźež njeje institut prawje reagował a pomhał.

        Kaž to Turka dele praji, njeje institucionalne serbstwo za Serbow wunošne a Serbja te serbstwo na kóncu wotpokazaja.

        Myslu sej, zo njedyrbi załožba w Serbskim instituće lutować, ale wjetši ćišć zdokonjeć a wjace kontrolować. Serbski institut je na kóždy pad wažniša institucija za Serbow hač SLA, hačrunjež ju jowle kritizuju.

      • studentka Says:

        A haj, sym zabyła: W SI team-owa atmosfera faluje, dokelž nima SI praweho nawodu.

  2. Hanso Says:

    Wuswobodźenje?
    Slepjanska kónčina pokazuje přichod wšitkich Serbow. Hybridologija je čertowska ideologija a w Slepom widźiš hižo slědy tuteje hybrodologije.
    Štó je zamowity za wuwiće w Slepom? Tak jednorje njemóžeš wotmołwić. Politikarjo, gmejnska rada abo Domowina?
    Wulki serbski wjerch, rěčnik Domowinje w Slepom a tež čłonojo Domowinskeje skupinje maja zamołwitosć Tuchwilu płaći jenož złotobrune (wodajće prošu) brunicowe pjenjeze. W Slepom rěka to rěka nětko předawaće serbskeje duše. To su reje wokoło złoteho ćelesa.To je ideologija a politika wulkeho serbskeho wjercha a tež sakskeho krala. A nimale kuždy člowjek w Slepom slěduje, hdyž wjednik to tak praji. Ale mamy nadźiju, bohužel traje to dlěši čas.

    • TaBeja Says:

      Luby Hanso, njeje tak ćežko, spóznać, zo skutkuje Manfred Hermaš wšudźe, wšojene hač w gmejnje, politice, cyrkwi abo Domowinje.

      W Slepom so serbska duša předawa.

      Hermaš je hybridologow w Slepom powitał. Hybridologija Hermašej tyje.

    • piwarc Says:

      … złoteho ćeleća (prošu :-))

  3. Omit Knakşem ze Slepoho Says:

    Hybridologija je awtoreferencielna wědomosć. Zastupjerjo hybridologiskich nahladow konstruuja na přikładźe Slepjanskeje kónčiny někajku nowu serbsku identitu bjez serbskeje rěče, zo bychu sej předmjet za wědomostne slědźenja wobchowali a z hornca Załožby za serbski lud tak wjele kaž móžno pjenjez wucycali. Jedna so při tym wo znatu reju wokoło złoteho ćeleća. Za žiwe serbstwo móžetej kaž slědźerski personal tak wuslědki přepytowanjow w najwyšej měrje jako negatiwny přikład słužić. Prawdźepodobnišo pak je, zo so přećiwk mjez Serbami a „serbskimi“ institucijemi do teje měry pohłubši, zo wjedźe tole jednoho zakrasneho dnja k dospołnemu wotpokazanju a zaćisnjenju institucionelneho serbstwa.

    • piwarc Says:

      Tak to je.

      • TaBeja Says:

        Woni njedóstawaja pjenjezy jenož wot Załožby za serbski lud. Hybridologojo dóstawaja mj. dr. fenki wot Vatenfalla. Štó je knižku wo Prožymje spěchował?? Čehodla je Hermaš tak wažny wopytowar hybridologiskich konferencow?

    • Hanso Says:

      Sy ty woprawdźe ze Slepeho?

      • TaBeja Says:

        Njejsym ze Slepoho, ale znaju brošurku wo Prožymje. Njedyrbju Slepjanka być, zo bych brošurki, kotrež spěchuje Vatenfall, znać.

  4. holadra Says:

    Sto z was je hizo raz w Slepom byl? A jeli sce: Tez raz wjac hac jedyn dzen? A jeli haj, tez raz w Rownom, Mulkecach, Trjebinku, Milorazu, Trjebinje, Brezowce a Dzewinje? Sce hizo raz z ludzimi poreceli? Nic jenoz citali abo sluchali to, stoz praja znaci wosoby w medijach?
    Sledzerski personal je to tez jenoz do jara maleje mery cinil. W Slepom njejsu jenoz ze wselakich sredkow spechowane pseudo-serbske projekty. Tam spytaja ludzi tohorunja, sej serbsku rec znowa priswojic. To wezo w medijach jara widzec njeje. Nichto z hornjoserbow njemoze sej tak prajwje predstajic, kak je tuta wokolina pod wliwami zhubjenja serbskeje rece cerpjela a tez dzensa hisce cerpi. Dokelz njeje skoro nichto z nich tam ziwy, mjez a pod wsemi tymi problemami a njedostatkami.

    Na priklad nima skoro nichto z hornjoserbow lost a zajim, tam dzelac, skutkowac, zastupowac nekoho abo prewzac dzelo za serbsku rec. „SLEPO JE TOLA TAK DALOKO PREC!“ Podpera Slepjanskich procowarjow by wsemu lepje tyla hac kritika na ludzoch, kiz serbsku identitu (bohuzel casto hizo bjez serbskeje rece) maja a haja. A, tez, hdyz nochcece weric, k tutym wosobam slusa tez Manfred Hermas. Hybridologa njebych ja jeho nihdy mjenowal. Za to a druhe posudzowanja pak trjebas kusk dohlada do wecow, a ton dostanjes jenoz, hdyz so na mestno podas.

    A hybridologija, ta je bohuzel puc do bahna. Wuswobodzenje ci z njeho ani Slepjanska bludnicka njeprinjese.

  5. Hanso Says:

    Mudra holadra,
    Sprěnja wutrobny dźak za poselstwo z dalokeho Slepoho. Prawo maš, za nas je Slepo „kónc swěta”. Ale móžeš so předstajeć, čehodla? Što namakaš za Trjebina, lubozny kraj, abo što?
    Njemyslu tak prawje, zo M.H. woprawdźe k wosobam słuša, kiž Slepjansku bursku serbsku identitu pěstuje. Najprjedy je wón gmejnski politikar strony KřeDU a najwótřiši „bojownik“ za přesydlenje serbskeje wjeski. Wón běše jedyn prědnych, kotřyž je so nowu ležownosć wobstarał. Wón ma poćahi hać do Drjezdźan a wón wužiwa kontakty za swoje wužitki. Za jeho płaći tola jenož pjenjeze wot konzerna Vattenfalla. Abo je to njewěrnosć, zo wón zamołwity za projekty kaž „přichodne dźěłarnja“? Na kóncu su to pjenjeze Vattenfalla. Fenki dóstanja najprjedy swoji přećeljo a towaršojo. W realnej politice je to tak, ale tež a wosebje w Slepom. “Dóstaš tute městno ale dyrbiš za to něšto činić.” Wón wobsedźi za mojim zdaću spodźiwne předstajena swojeho skutkowanja a to wotbłyšćuje jedyn citat Hermaša: “Hdys a hdyz so kaž NOAH čuju, kiž meješe nadawk … a sym přikaz spjelnił” (hamske łopjeno Slepo za april 2014, strona 17). Přichodne přesydlenje rěka na kóždy pad strata ludźi serbskeje wuznaća a předawaće sebskeje duše. Přirunowanje w Rozhledźe (hladaj horjeka) njeje tak wopačne.

  6. holadra Says:

    Hanso, jenož to jedne: Podpěra serbskich prócowarjow. Ničo dale. Prošu žane wosobinske nadběhowanja. To je mi naprosto fuk.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: