Schramm woteńdźe

De mortuis nil nisi bene, rěka stare hesło – a to njepłaći jenož za wumrětych ludźi, ale tež za tych, kotřiž so z dźěłowym městnom a dotalnymi sobudźěłaćerjemi rozžohnuja a na wuměnk podawaja: Na kóncu njech to pozitiwne w srjedźišću stawa. Hižo tohodla, dokelž nětko tak a tak korektury hižo móžno njejsu.

Po 25 lětach poda so Budyski wyši měšćanosta na wuměnk. Knjeza Schramma móžach tež ja hdys a hdys kaž přećelnu brašku dožiwjeć. Dušny kadla. A najskerje tež dosć kompetentny organizator – Sprjewinemu městu njeje so „pod“ nim hubjenje šło. Ale Schramm a Serbja? K tomu ma so radšo mjelčeć.

Bohužel njeje to so stało – a tohodla smědźeše so wón k dotal njeznatej „lubosći“ k serbskim naležnosćam wuznać. Zo je so pak akcija „A serbsce?“ runje w Budyšinje zahajiła, ma swoje přičiny; a hdyš přirunješ prócowanja města wo dwurěčnosć we Wojerecach z Budyšinom, wěš, štó je lěpši.

Ja so nadźijam, zo so pod nowym wyšim měšćanostu zarjadniska měntalita změni, kotraž – kusk zjednorjene zjimane – tak mysli: Mamy telko Serbow a serbskich institucijow w Budyšinje, njech so sami staraja. A hdyž woni wot nas něšto chcedźa, najprjedy pruwujemy, hač njeje jich žadanje „přehnate“.

http://www.wissen.de/fremdwort/de-mortuis-nil-nisi-bene

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: