Jebanstwo: Małe widźomne a wulke njewidźomne strachi a kmanosć rozeznawanja

Cuzi prošerjo po serbskich wsach –

http://www.mdr.de/serbski-program/rozhlos/aktualne-prinoski/audio1209360.html

tale tama zaběra ludźi našich kónčin. Tež pola nas we Łuze su byli; so wě, zo njejsym wonemu kadli ničo dał. W měsće druhdźe něšto dawam, jeli so mi story prošerja lubi. Štóž pak nimale pjatnaće kilometrow wot dwórnišća zdaleny na celdce twjerdźi, zo trjeba nuznje pjenjezy za jězbny lisćik, zo by so z čahom do swojeje domizny podać móhł – ně, to je mi přehłupe, to ani za połsta centow njedosaha. Nichtó njeby w tajkej situaciji dwě hodźinje z města won běžał, zo by w někajkich wjeskach tajkule sumu nazběrać spytał.

Swět je połny jebanstwa, kóždy dźeń retomas spam-mejlkow dochadźa – poprawom by wšěch tych wotpósłarjow wobskoržić móhł. Wězo njeby to ničo přinjesło, a tohodla to tež lědma štó čini. A nimale kóždy tydźeń su w nowinach přinoški wo ludźoch, kotřiž su swój skromny nałoženy kapital – hustodosć předwidźany jako přidatnu rentu – přisadźili a nětko přećiwo wobšudnikam skorža, derje wědźo, zo maja woni jenož jara małe šansy, na kóncu wšěch drohich sudniskich jednanjow  dźělne narunanje škodow docpěć.  Přirunujo z tym su straty při wobchadźenju z cuzymi prošerjemi wobličomne – jedne euro w rukomaj druheho jako wupłód wumysleneho dóńta.

Rjany přikład to je, zo nazorny mały „strach“ psychisce intensiwnišo skutkuje hač pozdatnje abstraktny wulki. Měritka za rozeznawanje woprawdźiteje bědy a dobreho resp. hubjeneho dźiwadła móža ći na přikład ćěkancy posrědkować. Wot swojich přećelow – ćěkancow dam so w tajkich naležnosćach poradźować.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: