Grjekska a Słowakska, Porurska a Łužica

Mi wo to njeńdźe, hač ma tónle komentator hladajo na načasne grjekske knježerstwo prawje abo nic.

http://www.spiegel.de/politik/ausland/griechenland-tsipras-ist-nicht-links-kommentar-a-1042561.html

To móžeš tak abo cyle hinak widźeć, kaž druhi awtor w samsnym němskim politiskim magacinje:

http://www.spiegel.de/politik/ausland/augstein-zu-griechenland-nein-zum-referendum-kolumne-a-1041705.html

Fakt je: W Grjekskej je wjele socialneje bědy a hospodarskeje krizy, přewjele njeefektiwneje běrokratije, nepotizma a šonowanja bohatych w dawkowym systemje. Hižo předołho – pod nawodnistwom prjedy knježacych politikarjow, z kotrymiž je EU bohužel derje kooperowała.

Mi dźe wo to, zo je zaznawanje reality přeco prašenje historisce zrosćeneho stejišća, kaž dawa so tuchwilu w Němskej a Europje wobkedźbować.

Wuchodoeuropske ludnosće kaž w Słowakskej (tón stat ma samo euro bjez někajich wušparanjow na europskej runinje) wězo zrozumjenje nimaja, zo dyrbjachu woni sami přestrukturowanje ze wšěmi ćežemi a z widźomnym wuspěchom znjesć, mjeztym zo zdawa so Grjekska kaž pjenježny sud bjez dna – na kóšty druhich, zdźěla bóle chudych krajow.

A po lětdźesatkach z njeličomnymi miliardami subwencije z móšnjow wšěch dawkipłaćerjow za strukturnu změnu stareho rewěra kamjentneho wuhla w Porurskej su nětk ludźo Slepjanskich kónčin z dramatiskej njewěstotu konfrontowani, bjeztoho zo je wuhladow na přirunujomnu podpěru w brunicowym rewěrje. Tohodla sej žadamy „Łužiski fonds“ za přichodnu industrjnu strukturu.

K sprawnosći w zhromadnej Europje słušeja jenake měritka za wšěch a nic bjezkónčna ćahańca wo wurjadne kondicije za kóždeho, štož by towaršnosć kontinenta zlemiło. Tajkale diskusija – tež wo antilobby-dźěłe zapadoněmskich winicarjow přećiwo nowym płoninam małeje „konkurency“ w Sakskej atd. – by spomóžniša była hač lěta trajaca medijalna keklija dokoławokoło „Grjekskeje“.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: