Party kaž we wulkoměsće – festiwal w Chrósćicach: Wuběr pjeć plus-dypkow

Wobdźiwanja hódne je lětsa kaž minjene lěta dobre kulinariske zastaranje z chłóšćenkami – Chróšćan lajkojo mějachu tež tule stronu mjezynarodneho folklorneho festiwala na zwučene wašnje w horšći. Štož skupiny nastupa, ma wězo kóždy swojich faworitow: To su pola mnje tónle kónc tydźenja Jankahanka, Wusmuž a Logarhytmus – to pak porno druhim žadyn ranking njeje, wšako sym so z logistiskich přičin na Wjeselic a Zahrodnikec-Grutkec dwór koncentrował, po tym zo běše Salman z předawanjom noweje cejdejki na Šołćic dworje („pjeć euro, prošu“) hotowy.

festiwal

Tamle mějach při skazance mineralneje wody jeničke přesłapjenje wječora, dokelž je jedyn před teku stejaca kadla „deutsch!“ wotmołwił, tomu zady teki přiwołał „Wasser“ a potom so hóršił, zo toho wšitcy serbsce narěča, hačrunjež serbsce njerozumi, a tohodla dyrbi wón jemu pomhać. Dobreje nalady dla njesym so z tym kulturnym ignorantom nasadźował, ale tule dyrbi so jasnje a zjawnje prajić: Štóž serbsce njemóže, je při posłužowanju na tajkim festiwalu na wopačnym městnje. Ze serbskorěčnym wupisanjom poskićenych produktow je wosebje na dróze klacało. A hdyž młody kadla w serbskej předawarni rybow njewě, što je łosos, potom je to poprawom dosć pričiny, so jědźe wzdać…

Zwjeselace je nimo kulinariskeje kwality wuprudźenje tutoho kulturneho wjerška na cyły region. Tak smy njejapcy němskeho rjemjeslnika, kiž bě pola nas doma, na dworje w Chrósćicach wuhladali. Wulki plus je dospołnje měrniwa atmosfera, na kotrejž tež stupace alkoholizowanje masow młodostnych wosrjedź nocy niči njezměni. Dale chcu chwalić, zo je to swjedźeń za wšě generacije – wot spočatka hač do kónca. A nic naposledk: Njedźiwajcy mjena njeje to „jenož“ folklora, ale tohorunja „serbske disko“, štož atraktiwiće našeje kultury z wida wulkoměšćanow z druhich krajow tyje. Po połnocy bě w Chrósćicach party kaž prjedy w Damaskusu. A Marko Njek běše njepřetjechujomny zabawjer.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: