Mohammed a Al Abdi dźakowano Chróšćanam nowej mjenje w serbskej kopańcy – zapłać Bóh!

Dźensa wosebje stronu wo sporće w Serbskich Nowinach poručam – tamle namakaće z pjera Clemensa Šmita přinošk wo přihotowanskej hrě druheho mustwa Chróšćan koparjow, kotřiž maja dweju noweju sobuhrajerjow ze Syriskeje: dweju młodeju kurdow, kotrejuž čitarjo tutoho bloga hižo poł lěta kusk znaja.

nadpismo

Dźakujemy so na tutym městnje za přećelne přiwzaće kurdiskeju kumplow do serbskeho sportowskeho cyłka. Zhromadnosć po něšto treningach bě hižo při rejwanju na festiwalu w Chrósćicach pytnyć. Tohodla směm tež přeradźić, zo su Salmanowe a Iwanowe rjane dožiwjenja z fetami serbskich młodostnych k wědomemu rozsudej za serbsku community přinošowali.

zestawa_mustwa

So wě, zo njewěm, hač nětkole wony komentator-„filozof“ a někotři jeho duchowni towaršojo před islamizaciju katolskich Serbow warnuja, ja pak chcu přirodny křesćanski duch w Serbach chwalić, kiž je žórło samozrozumliweje čłowjeskosće. A tež wuchadźišćo za stajnje zajimawe socialne wšědne žiwjenje.

18 Antworten to “Mohammed a Al Abdi dźakowano Chróšćanam nowej mjenje w serbskej kopańcy – zapłać Bóh!”

  1. filozof Says:

    Wjetšina twojich čitarjow je mojeho měnjenja, Piwarco. Nimam ničo přećiwo twojim kumplam, wšako sym prajił, zo nimam nabožiny powšitkownje rady. Wupada tola, zo stej to lubej wosobje. Kóždu wosobu wobkedźbuju jako jednotliwca, nic jako dźěl jednoho socialneho konstrukta. Ale ja njecham tež jako dźěl konstrukta „njewěriwych“ (woporow) wobhladowany być. To pak za wjetšinu wěriwych sym.
    Najebać toho sym měnjenja, zo je ta „wosebita nabožina“ z arabskich krajow zło. Ja prosće dale swoju FKK trajbwać chcu a žane konserwatiwne nałožki kaž burku atd. w swojej bliskosći njecham. Čehodla njeměli muslimske holcy sobu płuwać? Je woprawdźe směšnje, zo Turkojo w Neukölnje płuwać njemóža.
    Syriskich ćěkancow měli USA sobu do USA wzać. Afriskich pak Francoska a Wulkobritaniska. Němska, Słowakska, Pólska atd. su wopory kolonialistiskeje politiki horjeka mjenowanych krajow. Němska měła so wuwzaćnje wo wuwiće Namibije starać. Te tamne kraje žanych ćěkancow z islamskich krajow brać njetrjebaja. Tohodla najwutrobnišo Pólsku, Słowaksku a Čěsku podpěruju. Jich knježerstwa woprawdźe na to poskaja, štož sej ludnosć přeje.
    „wuchadźišćo za stajnje zajimawe socialne wšědne žiwjenje“ Ja chcu warnować před tym, zo je multikulti zwrěsćiło (Turkojo sobu njepłuwaja) a zo njeje to wuchadźišćo za stajnje zajimawe socialne žiwjenje, ale za konflikty, kotrež rostu a kotrež na kóncu jako wobydlerske wójny kulminuja.

    • nyča Says:

      Polacy mějachu samo wobsadźenske pasmo w Iraku… Njech tola woni přiwozmu Irakčanow.

      • filozof Says:

        Wodaj, ale wobsadźenske pasmo žana kolonija njejo. Pólska tola žan kolonialistiski kraj njejo. Wobsadźenske pasmo je něšto, štož krótko traje.
        Pólska njeměła žanych ćěkancow přiwzać…a hdyž haj, to jenož křesćanskich, tak kaž sej woni to přeja.

  2. Randolph Braumann Says:

    Genauso, wie Polen als treuester Aiiliierter der USA für die Katastrophe im Irak mitverantwortlich ist, ist Deutschland als treuester Verbündeter des Osmanischen Reiches (mit deutschen Offizieren im Generalstab) mitverantwortlch für die Massaker (u.a. an Christen!!!), was kein deutscher Historiker mehr bestreitet. Wieso bestreitet das katholische Polen, dass es mitverantwortlich ist für das (absehbare) Ende des Christentums im Irak?

    • filozof Says:

      Pólska njeje kolonialistiski stat a ideja za wójnu w Iraku pochadźa z USA. Pólska je jenož činiła to, štož sej NATO přeje. Pólska ma w Iraku jenož indirektnu rólu tak kaž dalše NATO-staty.
      Wo rólach Pólskeje w Iraku atd. móže so diskutować. „Wieso bestreitet das katholische Polen, dass es mitverantwortlich ist für das (absehbare) Ende des Christentums im Irak?“ To tla hižo wažne njejo. Nimale kóždy kraj na swěće je někajke swinstwo zworał. Wosebje wulke a mócne kraje maja wulku zamołwitosć.
      Wažne je, zo chce so Pólska tuchwilu wo křesćanskich ćěkancow starać. Němska so ani dźensa wo křesćanow njestara…

      • nyča Says:

        Němska njeje w Iraku žanu rólu hrała, hač na to, zo je do toho dosć a nadosć brónjow předała. Rěčo wo syriskich wójnskich čěkancach mataj Němska a Pólska samsnu (připódla prajene křesćansku) winowatosć, jim pomhać. Wo wšěch dalšich njech kóždy kraj sam rozsudźi, abo najlěpje Europska unija zhromadnje. Njeje fairne, zo dyrbja to jeničce přimórske kraje na ramjo ćisnyć.

  3. filozof Says:

    Žiwjenje njeje fairne a kóždy dyrbi z tutym faktom někak wobchadźeć. Němska tež z nami, Serbami, fairna njejo.
    Grjekska je tež njesprawna, hdyž europske a naše pjenjezy broji.
    Ja wězo swinjace mjaso dale jěsć chcu. Swinjace mjaso je najčisćiše mjaso a najlěpje słodźi. Žadyn halal njecham a njecham, zo mi něchtó někajkeje nabožiny dla, kiž su do EU jako ćěkancy přišli, kaza, zo njesměm swinjace mjaso jěsć, zo njesměm FKK činić, kaž to w někotrych městach našeho kraja a we Francoskej činja. Do wěsteje měry podpěram socializm, dokelž je přećiwo nabožinam skutkował.
    Bychmy-li sej k tomu wšěmu minarety dowolili, to popřeju našemu krajej: Na, gute Nacht, Deutschland!

    • piwarc Says:

      Nó haj, hladajo na njestrowu přerěznu tołstosć našeje ludnosće, kotrejež konsum swinjaceho mjasa je hišće na prjedawšu potrjebu ćělnje ćežko dźěłacych muži wusměrjeny, mjeztym zo my dźensniši dźeń nimale wšitcy bjez hibanja za pisanskim blidom w běrowach kokamy, bych sej wot tebje kusk bóle kritiski wid na křesćanske a sekularizowane wobchadźenje ze swinjacym mjasom přał :-). Ćelacy rězk je něšto lěpšeho haš swinjacy a serbska narodna jědź je howjaze mjaso a nic swinjace…

  4. Jurij Ł Says:

    Kak chcemy so dojednać, filozofo, hdyž twjerdźu to nawopačne: zo je wjetšina měnjenja Piwarca a nic wašeho wospjetneho žwanja?
    A što ma Chróšćan kopańca a dobyće domjacnych dźak Salmanej a Iwanej z FKK a burku činić? Su tam mužojo nazy wokoło kopali abo holcy w burce sedźo přihladowali, město toho zo bychu płuwać nawukli? Dawno wjac njenoša wšitke žony burku – a hladajo do stawiznow, njeběchu kemšace rubiška serb. kat. žonow podobne nahłownym rubiškam, kaž je wot muslimskich žonow znajemy? A koho dźensiši dźeń woprawdźe hišće zajimuje, kotre mjaso štó jě abo hač scyła žane… My sej žadamy akceptancu našeje kultury a tohold nimamy prawo druhim jich wotrjec…
    Měnju, zo su to wšo waše problemy, kotrež wospjet jowle wozjewjeće a čitarjam, kaž mi, nanuzujeće. Hdyž sće tak smjerć mudry, dyrbjało so wam tola tež poradźić – z teje wjetšiny – zwjazkarjow druhdźe namakać hač pola Piwarca, hyno. Što sej mysliće, čehodla so na waše dotalne škerjedźenje jowle njeje reagowało, cyle wěsće nic, dokelž je to, štož wot so dawaće za 21. lětstotk objektiwne, strowy
    rozum přeswědčace. A čehodla tak zasakły a bjez kóždeho humora?
    Dźiwam so, zo móže sam so pomjenowany filozof – jow so žno moje dwěle na wěstej objektiwnosći wašeho žwjemlenja započinaja – telko łžow a wopačnosćow wot so dawać a wotpušćeć. “Němska… atd. su wopory kolonialistiskeje politiki…” twjerdźiće. Jězusko, a kelko winy je runje Němska w zańdźenosći na so brała druhim ludam napřećo…
    Wěrju twjerdźenju resp. dopóznaću, zo kóžda kriza tež započatk woznamjenja. A započatk je šansa do lěpšeho přichoda, kotrež měli my, kotrymž so derje a lěpje wjedźe, positiwnje a lóštnje na wšelke wašnje podpěrować.
    Někotryžkuli bamž běše, je tež filozof – a tohodla mi w tutym zwisku do myslow přindźe anekdota bamža Jana Pawoła XXlll. Jako bu za bamža wuzwoleny, njemóžeše wusnyć a nic derje spać, dokelž běše sej njewěsty, hač je kmany, wočakowanjam a wužadanjam wěriwych wotpowědować. Tak so wospjet modleše – dołhož so jemu Jězus njezwjewi, jemu prajo “Janje, njebjer so tak wažny”.

    • budyslaw Says:

      Kotry nowy zapocatk dyrbi to byc? Sto mamy cekancam nimo lepseho ziwjenja pola nas hisce pokicec? Wuknu abo rozumja cehodla so nam tak derje dze a na kotrym fundamence je to wso twarjene?

      Zastarske a sjedzowekowske mysle a potlocowanje nima pola nas nico pytac. Njeweriwych a homoseksuelnych tam kamjenjuja, njecin sej zane iluzije Jurjo.

  5. filozof Says:

    Knježe Jurjo Ł, wy dyrbiće sprěnja swoje žwanja přepruwować a sprěnja přemyslić, što wy pisaće a potom wotmołwić. Wospjetuju: Ja nimam ničo přećiwo tym koparjam. Ja wo jednotliwcach njerěču.
    Ja sym jenož komentował, dokelž sym so narěčany čuł, dokelž je Piwarc wo mojich komentarach pisał.
    Němska, Pólska, Čěska atd. su kraje-wopory, dokelž so na NATO-akcijach wobdźěleja. Nětko dyrbja tute kraje pod tym ćerpjeć, zo je NATO nimale wšitke móžne arabske kraje bombardwał a zo je wšo zničił, hačrunjež w tutych krajach diktatura poprawom něšto hinak rěkaše hač pola nas. USA žanych ćěkancow njebjerje!!!! A znowa přińdźemy k: Žiwjenje je njefairne.
    Tohodla su te horjeka mjenowane kraje wopory. Němska njeje w Africe žanu wulku rólu měła kaž Francoska a Wulkobritaniska.
    Němska je derje sčiniła, zo njeje so na bombardowanju Lybiskeje wobdźěliła. Čehodla ha měła? Francoska a USA stej stabilnosć Europy z bombardowanjom Lybiskeje zničiłoj. Rěči-li so wo diktaturach w arabskich krajach, njemóže so na žadyn pad rjec, zo su to prawe diktatury. Kóždy Lybičan sej čas Gaddafija znowa přeje, dokelž je wšo darmo měł, je bohaty był. Gaddafi je stabilnosć Europy garantował. Piwarco, ty sy tež njedawno wo prosperiće Syriskeje pod Asadom rěčał.
    Nimo toho, kaž widźiće, mam kopicu přiwisnikow, kiž su měnjenja, zo je nabožina zło. Wosebje w radikalnych arabskich krajach njewěriwych, žony a homoseksuelnych kamjenjuja.
    K wašemu komentarej, Jurjo Ł:
    „A koho dźensiši dźeń woprawdźe hišće zajimuje, kotre mjaso štó jě abo hač scyła žane…“
    Wy woprawdźe njewěsće, w kotrym kraju wy žiwy sće. Tu w Němskej so halal lěpje respektuje hač w Turkowskej. W jednej Kölnjanskej šuli su za wšitke dźěći swinjace mjaso z menija wotstronili, jenož dokelž je 45 muslimskich dźěći pódla. Čehodla da??? Kóždy wopytowar měł so napřiměrić…
    http://www.bild.de/news/2010/gab-muslimischen-schuelern-versehentlich-schweineschnitzel-14280492.bild.html
    To njestawa so jenož w Němskej. Ja njecham nětko psychozu a strach šěrić, ale islam nima woprawdźe ničo w EU pytać. Nabožina nima ničo z doprědkarskej myslu a z technologiju činić. Srjedźowěkowske nałožki doprědkarskemu duchej njetyja.
    Sće wy w jednym muslimskim kraju pobył a słyšał, kak penetrantny tón hłós z minareta je????? Sće wy wědźał, zo njechaja muslimojo w Berlinje sobu płuwać? Wy ničo njewěsće…
    Kóžda kriza započatk rěka? Što prošu… Měniće wy arabske nalěćo?? Na dobru nóc…

  6. dušepastyŕ Says:

    a cyrkwinske zwony, njejsu te prewso penetrantne? 🙂

  7. bartgesang Says:

    Mir machen Menschen Angst, die Sätze formulieren wie: „Von Einzelnen rede ich nicht“, um im Anschluss pauschalisierend über komplette „Kulturen“ und deren angebliche Unverträglichkeit untereinander zu theoretisieren.

  8. Randolph Braumann Says:

    Danke, bartgesang. Wenn ich schon lese, wie die Angst „vor dem Minarett“ geschürt wird. In Hamburg steht seit mindestens 30 Jahren eine Moschee der Ahmadiyya an der Außenalster. Architektonisch wunderschön. Und was waren die herrlichen andalusischen Kathedralen früher mal? Richtig: Moscheen.

  9. filozof Says:

    Wospjetuju: Sym kmany dosć, mjez jednotliwcami a skupinami rozeznawać. Přeju twojimaj syriskimaj přećelomaj rjane žiwjenje a wuspěch. Nic kóždy, kotryž islam kritizuje, je prawicar.

    Ahmadiyya, Alewića a Jezidojo tola žani „muslimojo“ njejsu!!! Muslimojo, kiž w Berlinje „sobu njepłuwaja“, su sunića. Wobhladajće sej prošu Asada. Tón wědźeše, hdźe měł so rjany časnik namakać – tak kaž my tež – pola amazon.com. To bě moderny a wukubłany čłowjek a Syriska bě bohaty kraj, kaž sy ty, Piwarco, w swojim blogu rozprawjał. Samsnje za Gaddafija płaći. Što je ze Syriskeje zwostało? Kopica sunitskich ekstremistow. A to wšo dźakowano našemu wulkemu přećelej – USA…
    Ale nětko je kóńc! Njecham jenož ja diskutować.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: