Čěska z NATO a jastwom přećiwo ćěkancam – baza za serbsko-čěske styki skóncowana

Serbstwo steji za mnohotosć a interkulturnu tolerancu – Čěska republika pak so nic naposledk w azylowej politice přeńdźe přećiwo zasadam nawječorneje ciwilizacije. Najwjetši čas, oficialne styki mjez serbskim ludom a reprezentantami susodneho stata nachwilnje wotpočować dać, doniž njeknježi w Čěškej zaso dodźerženje čłowjeskeho prawa. Z mojeho wida su nětko z čěskeje strony wšě hranicy překročene a njesměmy tež na pogromy přećiwo Roma-ludnosći w nowšej zańdźenosći Čěskeje wosebje w nahraničnych kónčinach pozabyć. Mi njeńdźe wo kulturnu wuměnu – tajkele něšto je přeco wažne, hač z Běłej Ruskej abo Čěskej. Ale za kulturny patronat nad Serbami čěski stat dale do prašenja njepřińdźe.

Wicepremier Čěskeje Republiki chce NATO-wojakow na hranicy EU přećiwo azyl pytacym zasadźować:

http://de.sputniknews.com/politik/20150825/304001973.html

Prezident Čěskeje Republiki widźi to tež tak:

http://www.radio.cz/de/rubrik/bulletin/taeglicher-nachrichtenueberblick-2015-08-25

… a zakituje zajeće azyl pytacych w našim susodnym kraju:

http://www.fr-online.de/flucht-und-zuwanderung/asyl-politik-tschechien-sperrt-fluechtlinge-ein,24931854,31501180.html

12 Antworten to “Čěska z NATO a jastwom přećiwo ćěkancam – baza za serbsko-čěske styki skóncowana”

  1. rozswětleny Says:

    Wodaj prošu, ale něchtó dyrbi hranicy EU škitać, azylanća su ilegalnje na europskim teritoriju a wjetšina azylantow njeměła azyl dóstać, dokelž sej tak mjenowani „azylanća“ kraj wupytaja, hdźež być chcedźa. To prawy ćěkanc nječini. Nimo toho je Čěska republika pytnyła, što mnozy muslimojo w druhich europskich krajach činja: burka, nałožki ze srjedźowěka, nuzowane mandźelstwa, morjenja, kamjenjowanja, wotprawjenja, žona je předmjet a muž – ejakulant. We Wulkobritaniskej w někotrych štwórćach hižo šarija knježi. Chceš ty w tajkej štwórći žiwy być? Ja nic.
    A prošu nětko praj, što IS, što Saudiarabiska atd. z homoseksuelnymi čini? Němska je najlěpša přećelka Saudiarabiskeje. Chcemy snano serbsko-saudiarabiske přećelstwo załožić? Chceš ty snano wuměnu z tutym přećelskim krajom Němskeje? Čěska republika, Pólska a Madźarska su poslednja europska twjerdźizna. Jim doporučam najwutrobnišo: Dale tak!
    Nimo toho myslu sej, zo dyrbi so prawym ćěkancam w jich krajach pomhać.

  2. budyslaw Says:

    1. Prawy politikar chce swoj kraj skitac a po woli ludnosce jedna.

    2. Z wotsunjenom druhich maja w Ceskej nazhonjenje. To njeje Serbow zenje mylilo. Bjez to tez zana Warnocanska generacija.

  3. nyča Says:

    „wjetšina azylantow njeměła azyl dóstać“ – Jako běch njedawno w Běłohrodźe a Budapesće, widźach w tamnišich parkach a před dwórnišćom bjez wuwzaća syriskich ćěkancow, kiž běchu puć přez morjo a horiny Balkana na so wzali. Jako wójnscy ćěkancy bychu w EU zawěsće azyl dóstali, hač na Słowaksku, hdźež žanych muslimow nochcedźa. Njewěm, štó w Čěskej tak sedźi, ale prawo so wo azyl powabić, płaći najprjedy raz za kóždeho, kaž je němska kanclerka hakle njedawno zaso prajiła. Z tajkimi měnjenjemi wopušćeće ramik našeho zakładneho zakonja! Apropos: 21 miliardow wjace dawkow w prěnim połlěće – azylanća płaća lětsa někak tři miliardy.

    • rozswětleny Says:

      Wo kajkim ramiku zakładneho zakonja rěčiš? Kotry sy ty posudźować, kajki ramik so wopušća? Přeco te samsne žwanje z tuteje sławneje strony. Ja njejsym prawicar, ale widźu strach před islamom. Islam njeje nabožina, ale srjedźowěkowski porjadk, ideologija, sekta, kaž chceće. Tući migranća konflikty importuja. Čehodla njemigruja do Saudiarabiskeje?
      Ja njejsym prajił, zo njemóže so kóždy wo azyl požadać, ale njech to činja w Madźarskej, su-li woni prawi azylanća. Njech to činja w Turkowskej. Tam hišće měr knježi.
      A nětko hišće jedne prašenje za „Budyšin wostanje pisany“:
      Němska Saudiarabiskej brónje předawa, zo by tam wona demokratiju škitała??? Najwjetša hypokrizija. Z jedneje strony podpěrujemy kraj, w kotrymž so swoboda zwuraznjenja haći, z druheje hrajemy wumóžerja swěta.
      Kóždy móhł so wo azyl požadać, ale w prěnim kraju, hdźež je. Kóždy čłowjek, kiž sej kraj wupyta, njeje azylant, ale migrant, ale to Wy z Wašeje zeleneje strony hač do poslednjeho wokomika kapěrwać njebudźeće.
      Saudiarabiska wopušća ramik zakładneho zakonja Němskeje a wona je tola najwjetši přećel Němskeje. Njeje to kusk spodźiwnje?
      Azylanća płaća 3 miliardy??? Kajke argumenty prošu. Božičkecy. Nětko haj, ale za 5 lět budu 100 miliardow płaćić, hdyž chcedźa woni košer-halal měć, hdyž budźe stat wjetše mócy angažować dyrbjeć, zo by šariju přetorhnył. Chceće wy krej zarězanych jehnjatow z halal-košer na Budyskich dróhach widźeć? Potom budźe Budyšin woprawdźe pisany.
      Za tajkich kaž tebje, knjez Nyča, je kóždy, kiž islam kritizuje, prawicar. Ale to njetrjechi. Wy tež jenož waše měnjenje arogantnje zastupujeće a njechaće poskać. Čěska, Słowakska a Pólska to derje činja. Tute kraje maja nazhonjenja a widźa nazhonjenja w dalšich europskich krajach.
      Dyrbju Budyslawej přihłosować. Bjez Čěskeje njeby žana Warnoćanska generacija była…Tohodla je to wšo, štož pisaće wulka hańba, dokelž je Čěska wjele za Serbow sčiniła.

      • nyča Says:

        „Za tajkich kaž tebje je kóždy, kiž islam kritizuje, prawicar.“ – Zawěsće nic. Ja rěču wo čłowjekach, Ty pak přeco jenož wo ideologijach a nabožinach. Je mi chětro wšojedne, hač kritizuješ islam abo štó wě što. Prawje je, zo je tón za mnje prawicar, kiž posudźuje čłowjeka po pochadźe abo nabožinje. „Kóždy móhł so wo azyl požadać, ale w prěnim kraju, hdźež je.“ – To je wězo přijomne za najbohatši stat Europy.

      • rozswětleny Says:

        Wodaj, ale ja ludźi njeposudźuju. Posudźuju nazhonjenja a ty posudźuješ ludźi, kotřiž spytaja wšo z přikładami rozkłasć. Ty bohužel žane pozitiwne přikłady nimaš. Ty nIčo wo problemach ze Saudiarabiskej njepowědaš. „To je wězo přijomne za najbohatši stat Europy“ – na haj. Njewěm, hač to trjechi.
        Kaž prajene, jednaja Čěska, Pólska a Madźarska prawje a tu njewidźu žanu přičinu, Čěsku republiku tak mócnje kritizować.

    • rozswětleny Says:

      Z jedneje strony je rjenje, zo azylantam pomhaće. Ale z druheje, što chceće činić, jeli mjez azylantami IS-soldatow namakaće? Měniće, zo budu woni wam napřećo přećelni?

  4. Pětr Says:

    http://www.hintergrund.de/201508223637/feuilleton/zeitfragen1/vorboten-einer-neuzeitlichen-voelkerwanderung.html?utm_source=feedburner&utm_medium=twitter&utm_campaign=Feed%3A+hintergrund%2FZboE+%28hintergrund.de%29

  5. dušepastyŕ Says:

    wójaki IS lětaju do europy pak z europejskim, pak z falšowanym pasom. te wopšawdu njetrjebaju se drapaś pśez pusćiny a mórja a wó azyl pšosyś.

  6. Horjanski Says:

    Ja Piwarcej přihłosuju – je na času, zo Němcy tym Čecham skónčnje zaso raz pokazaja, štó ma prawje a štó ma w Europje něšto rjec!!!!
    Ći tam w Praze su zabyli, kak to 1968 bě – tehdom smy jich z pomocu wulkeho bratra na prawy puć wjedli — a nětko dyrbja ći tam skónčnje pytnyć, zo smy w běhu lět tak narostli, zo smy sami tón wulki bratr, tež hdyž smy jenož tajki ludźik!
    A tohodla sym za to, zo -kaž Piwarc měni- ….oficialne styki mjez serbskim ludom a reprezentantami susodneho stata…. nachwilnje wotpočuja.
    Móže da lud scyła oficialne styki měć ? Ja so raz pola Šwejka wobhonju…….

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: