Łoskoćiwa diskusija: Wohrožuja ćěkancy serbsku identitu našich wjeskow?

Na naprašowanje Serbskich Nowin, hač bychu sej wučomnikow-azylantow w swojim zawodźe předstajić móhli, su serbscy rjemjeslnicy přewažnje z „haj“ wotmołwili, zdźěla z praktiskimi wobmyslenjemi. Hladajo na retomas prawniskich a zarjadniskich zadźěwkow, kotrež k tomu wjedu, zo njeje na přikład Lipšćanska rjemjeslniska komora w běhu lěta wot 30 pokićenych městnow za młodych ćěkancow ani jeničke (!) wobsadźić móhła, je to tak a tak tuchwilu chětro teoretiske prašenje.

Zajimawe pak běše wotmołwa poslednjeho w rjedźe tych, kotrychž su so prašeli, předewzaćela z Worklec. Wón měnješe, zo chce radšo wučomikow ze serbskimi korjenjemi měć, přetož maja rjemjeslnicy tež zamołwitosć za zdźěrženje serbskeho ducha we wsy. To je sprawna wotmołwa, kotruž nochcu zatamać. Ale ja so prašam, čehodla telko serbskich rjemjeslnikow serbskim kupcam stajnje serbske posłužby njeposkićeja, dokelž maja w swojej wobsadce nimale přeco tež ludźi, kotřiž serbsce njemóža.

A snadź je někotryžkuli ćěkanc – wjele z nich přińdźe z rěčnje měšanych kónčin – přiswojenju serbšćiny bóle wotewrjeny hač přerězny němski wučomnik… Nimo toho mějachu Serbja tež w stawiznach tajke ambiwalentne połoženja: Němscy přesydlency po wójnje su na jednym boku tu a tam k germanizaciji přinošowali, na druhim boku je tež horliwych Serbow runje tutoho pochada. Tohodla je wšo móžno, jeli mamy dosć sebjewědomja, w připućowarjach potencielnych Serbow widźeć.

Abo znajmjeńša dobrych přećelow-susodow Serbow.

17 Antworten to “Łoskoćiwa diskusija: Wohrožuja ćěkancy serbsku identitu našich wjeskow?”

  1. Alojs Says:

    Nimo Hitlerowcow běchu ćěkancy najwažniša přičina za jara spěšne pozhubenje serbsćiny w ewangelskich kónčinach. A z tym za womjelknjenje tehdyšeje wjetšiny Serbow. Njezabuć to. A njespytaj z jednotliwymi (zwjeselacymi) padami asimilacije do tamneho směra historiske fakty do twojeho swětonahlada tykać.

    Jako Němska dyrbimy wězo pomhać a jednotliwy kónćincy njemóža so to wuzamknyć. Ale jako Serbja nam kóždy dalši, kiž serbsce njerěči, njetyje. A wězo je za kóždeho noweho wosobinsce najprjedy raz wažniše němsku rěć nawuknyć.

    • budyslaw Says:

      Wuhnaci po 1945 su posledni nastork dali za prendzenje do nemskeje jednorecnosce. Zapocal je ton proces hizo wokolo 1900 a je so krok po kroku rozseril, wsy a swojby pridobyl.

  2. stara socialistka Says:

    Přihłosuju Alojsej. Ćěkancy ze Šleziskeje a Ukrainy su jedna z najwažnišich přičin, čehodla je so serbšćina w ewangelskich kónčinach pozhubiła. Ćěkancy němskeho pochada z Ukrainy a Šleziskeje nochcychu hižo žanu słowjansku rěč słyšeć a wšo, štož na rusćinu, ukrainšćinu a pólšćinu dopominaše, bě rěč njepřećela, kotryž je jich wuhnał.

    Je wjele horliwych Serbow tutoho pochada? Kak wjele? 2-3?

    Ličiće Lipšćanskeho profesora sobu, kiž so jako Serb wuznawa? Tón tla je přičina za zatamanje institucionelneje serbšćiny, nic za rewitalizaciju. Jeho institut dyrbi skónčnje licencu za kubłanje wučerjow zhubić, dokelž njeskići žadyn wotpowědny serbskorěčny studij a nichtó tam hižo studować njecha. Tež Elku Černokožewu – swětosławnu hybridologowku – su Němcy a Serbja – moji lubi socialistiscy „towaršojo“ – wolili. Sym jara zludana, zo wjedźe so w serbskich institucijach tež dźensa politika přećiwo Serbam.

    Jedyn ćěkanc z Kurdistana by radšo němčinu wuknył. Ze serbšćinu wón ničo započeć njemóže. Ale snano někajki ćěkanc ze słowjanskeje Ukrainy by radšo serbšćinu hač němčinu wuknył. Njemóžemy ani to na žadyn pad z wěstosću wobkrućić, dokelž smy widźeli, što je z E.Č. wuskočiło…

    Na tamnym boku, maš Piwarco prawje, zo njeposkićeja serbscy rjemjeslnicy serbsku posłužbu. Kelkož wěm, nima Florian Šołta ani serbskorěčnu wersiju swojich webstronkow.

    • budyslaw Says:

      Piwarco, stara socialistka njesu to po wójnje přesydlency byli, ale wuhnaci. Nichton njeje dobrowolnje swoju domiznu wopuscil. Wuziwataj wucbnicy z NDRskeheo casa.

      A hisce horje: Ćěkancy z Ukrainy pola nas we Luzicy?

      Njeje skerje tak, zo su Polacy z Ukrainy do Šleskeje prisli.

  3. dušepastyŕ Says:

    Wohrožuja Serbja němsku identitu łužiskich městow? Čehodla nic? Njeby to jena ideja była?

  4. nyča Says:

    Bychmy w ewangelskej Łužicy dosć ukrainskich ćěkancow měli, bychu tam hač do dźensnišeho serbsce abo znajmjeńša něšto podobneho rěčeli. Ně, my smy runje tych dóstali, kiž běchu so wot bratrow-Słowjanow (wězo njedźiwajo na zajimy Serbow) wotehnali a dźensa šćuwaja jich potomnicy zjawnje přećiwo nam a nowym ćěkancam. Kaž tón abo tamón Serb.

    • filozof Says:

      To tak wěste njeje, dokelž su Pólacy słowjanskich bratrow – Serbow a Słowincow – asimilowali. Słowincy buchu wot Pólakow samo wuhnaći. Dźensa swarja Pólacy, zo Němska Serbow asimiluje, ale sama Pólska njewobchadźeše lěpje ze Serbami w pólskej Łužicy.
      Trawmatizowani ćěkancy njemóža so porno kulturnemu systemej noweho kraja tak lochko napřiměrić. To njejsu dźěći, to su dorosćeni, kiž maja hižo jedyn zakotwjeny kulturny model w hłowach a tutón kulturny model je cyle hinaši. Tón model rjaduje, kak měło so zadźeržeć, što měło so jěsć, kak měło so z hólcom abo z holcu rěceć atd. Čłowjek je dźěl towaršneho systema, w kotrymž wón rosće. Je jara ćežko, tutón system wopušćić. My wšitcy w jednym systemje jednamy, kotryž su nam naši starši sposrědkowali. Tež pola nas we Łužicy rěka: Hólcy maja módre drasty nosyć, holcy pak róžojte. Čehodla da? Dokelž je to dźěl našeho kulturneho systema.
      Trawmatizowani Němcy w nowej domiznje tehdy přećiwo serbšćinje swarjachu. Hdyž tute přikłady widźimy, njewěm, što měli wot nětčišich ćěkancow wočakować. Jasne je, zo su ćěkancy wažna přičina za pozhubjenje serbšćiny byli.

  5. dušepastyŕ Says:

    Serbja sami su najwažniša přičina za pozhubjenje serbšćiny.

  6. Horjanski Says:

    Potajkim: Hdyž sym sebjewědomy kaž Piwarc, widźu w připućowarjach potencielnych Serbow….. a hdyž njejsym sebjewědomy, ale realist ze stawizniskim wědomjom, widźu, što je so po 1945 w tehdom chětro serbskich wsach stało.

  7. nyča Says:

    Asimilaciski cil Serba njeje arabowstwo, ale němcowstwo. Por wjace njeněmskich susodow njebudu Serbam wulku škodu činić, skerje nawopak.

    • Horjanski Says:

      Jeli Nyču prawje rozumju, je cil Serbal, Němcow asimilować…To je wězo dobry wotpohlad, ale hač so to poradźi?

      • filozof Says:

        To su stawizny za małe dźěći.

      • nyča Says:

        Asimilaciski cil = cil asimilacije, potajkim směr, do kotrehož so jednotliwc asimiluje, štož je za Serbow dźensa zwjetša němcowstwo. Wothladajo toho je to znajmjeńša hač do 18. lětstotka wězo tež hinak wokoło fungowało.

    • Alojs Says:

      To pak w poslednich 1000 lět njejsmy přewuspěsni byli.

  8. Horjanski Says:

    Mojedla, wšak praji němske přisłowo: Kindermund tut Wahrheit kund! :-))

  9. budyslaw Says:

    Serbski rjemjeslnik dyrbi samo Serbow pristajic.

    Nahles: Nicht einmal jeder zehnte Flüchtling für Arbeit oder Ausbildung qualifiziert

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: